သင့်စည်းစိမ်တိုးပွားစေမည့် ဖုန်းရွှေငွေကြေးကုထုံးများ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့သင့်စည်းစိမ်တိုးပွားစေမည့် ဖုန်းရွှေငွေကြေးကုထုံးများ ဆိုတဲ့သတင်းလေးပဲ ဖြစ်ပါတယ်။
ဖုန်းရွှေဟာ ငွေရေးကြေးရေးပြဿနာတွေကို ကုစားဖို့ နည်းလမ်းများစွာ ပေးပါတယ်။ သင့်အနေနဲ့ ငွေကြေးအကျပ်အတည်းတစ်စုံတစ်ရာ ကြုံဆုံနေရတယ်ဆိုရင် သင့်အိမ်မှာ နှိုးဆွအသက်သွင်းပေးရမယ့် အရာအချို့၊ နေရာအချို့ ကျိန်းသေပေါက်ရှိနေပါပြီ။
ဖုန်းရွှေနိယာမတွေဟာ ငွေကြေးကိုဆွဲဆောင်နိုင်တဲ့ ကံကောင်းခြင်းညှို့ဓာတ်တွေလည်း ပေးပါတယ်။
ဖုန်းရွှေမှာ အိမ်ရဲ့အရှေ့တောင်ပိုင်းဟာ စည်းစိမ်ဥစ္စာကို ကြီးစိုးပါတယ်။
– ငွေပြတ်လို့ ဖုန်းရွှေကုထုံးတွေရှာတဲ့အခါ ကိုင်တွယ်ရမယ့် ပထမဆုံးနေရာကတော့ သင့်အိမ်ရဲ့ အရှေ့တောင်ပိုင်းပဲဖြစ်ပါတယ်။ ဒီအပိုင်းဟာ ငွေကြေးစီးဆင်းမှုကို ကြီးစိုးတဲ့ဧရိယာပါ။ သင့်အနေနဲ့ အဲဒီနေရာမှာ နိမိတ်ကောင်းတဲ့ ချီစွမ်းအင်တွေနဲ့ချည်း ပြည့်နှက်နေစေချင်မှာ မလွဲပါဘူး။ ငွေကံရှိစေဖို့ အထူးသဖြင့် ငွေကြေးကုထုံးတစ်ရပ်ကို သင်လိုအပ်တယ်ဆိုရင် သင့်အနေနဲ့ လုပ်ဆောင်နိုင်တာလေးတွေ အနည်းငယ်ရှိပါတယ်။
ူငွေကြေးထောင့်တွင် ချီစွမ်းအင်ကို အသက်သွင်းလှုံ့ဆော်ရန် ဗြုတ်စဗျင်းတောင်းဖြစ်မှုများအား လျှော့ချပါ။
– ရုတ်တရက်ကြည့်ရင်တော့ ဒီအချက်က အလွန်ရိုးရှင်းတဲ့စည်းမျဉ်းဆိုပေမဲ့ ငွေကြေးပေါကြွယ်ဝဖို့အတွက်တော့ အသက်သွေးကြောတမျှ အရေးကြီးလှပါတယ်။ သင့်အိမ် အထူးသဖြင့် အိမ်ရဲ့အရှေ့တောင်ပိုင်းမှာ အမှိုက်သရိုက်၊ ရှုပ်ပွမှုမှန်သမျှ ရှင်းထုတ်ပစ်ပါ။
စည်းစိမ်ဥစ္စာအား ဒင်္ဂါးပြားများဖြင့် ဆွဲဆောင်လိုက်ပါ။
– အလယ်မှာ စတုရန်းပုံအပေါက်ရှိတဲ့ တရုတ်ဒင်္ဂါးပြားဝိုင်းတွေဟာ ကမ္ဘာမြေနဲ့ ကောင်းကင်ဘုံအကြား စည်းလုံးညီညွတ်မှုကို ကိုယ်စားပြုပါတယ်။ ဒင်္ဂါးပြား သုံးပြား သို့မဟုတ် ခြောက်ပြားကို ဖဲကြိုးနီနဲ့တွဲချည်ပြီး အရှေ့တောင်ထောင့်မှာ ထားပြီး ငွေကံကို ဆွဲဆောင်လိုက်ပါ။
ငွေကြေးကံအတွက် ရေရုပ်တစ်ရုပ်ကိုပါ ထားရှိပါ။
– ငါးကန် သို့မဟုတ် ရေတံခွန် လိုမျိုး ရေရုပ်တစ်ရုပ်ကို ၎င်းအရှေ့တောင်ထောင့်ဧရိယာမှာ ထည့်သွင်းထားရှိနိုင်ပါတယ်။ သင့်ရဲ့ရေရုပ်ကို အမြဲတစေသန့်ရှင်းနေစေဖို့တော့ လိုပါတယ်။ သန့်သန့်ရှင်းရှင်းမထားဘူးဆိုရင်တော့ သင့်ငွေကြေးကံ ဆိုးသွားပါလိမ့်မယ်။
သစ်သားရုပ်ကိုလည်း ထားရှိပါ။
– သစ်သားဓာတ်ဟာ သင့်အိမ်ရဲ့ အရှေ့တောင်အပိုင်းကို ကြီးစိုးပါတယ်။ သစ်ပရိဘောဂတွေ၊ အရွက်ချွန်မပါတဲ့ သစ်ပင်တွေ စတဲ့ သစ်သားဓာတ်ရုပ်တွေကို ထားရှိပြီး သင့်အိမ်ရဲ့သစ်သားဓာတ်ကို နှိုးဆွလိုက်ပါ။
ကြွယ်ဝပေါများရန် အရောင်ထည့်ပါ။
– ငွေကြေးကံဂုဏ်သတ္တိ ပိုမိုအားကောင်းစေချင်တယ်ဆိုရင်တော့ အိမ်ရဲ့ အရှေ့တောင်ပိုင်းမှာ အရောင်လေးတွေကိုလည်း အသုံးပြုနိုင်ပါတယ်။ ဘယ်လိုအရောင်တွေလဲဆိုတော့ ရေဓာတ်အားဖြည့်ထားတဲ့ သစ်သားရောင်လေးတွေပဲဖြစ်ပါတယ်။ ဥပမာ – အစိမ်း၊ အညိုနဲ့ အပြာ။ တစ်ရောင်ထက်ပိုပြီး အသုံးပြုလို့ရပါတယ်။
၎င်းအရပ်တွင် မီးအလင်းရောင်ကောင်းကောင်းရှိပါစေ။
– မီးအလင်းရောင်ဆိုတာကတော့ ဖုန်းရွှေကုထုံးလိုအပ်နေတဲ့ ဧရိယာအများစုအတွက် ဖုန်းရွှေကုထုံးတစ်ခုပဲဖြစ်ပါတယ်။ အိမ်ရဲ့အရှေ့တောင်ထောင့်မှာ မီးအလင်းရောင်ကောင်းကောင်းရပြီး အားဖြည့်ပေးဖို့ စားပွဲတင်မီးအိမ်၊ ကြမ်းခင်းမီးချောင်း စတာတွေကို နေ့စဉ် အနည်းဆုံး ငါးနာရီကြာ ထွန်းလင်းပေးရပါမယ်။
အသပြာဖုန်းရွှေအတွက် အသပြာပန်းအိုးတစ်လုံးဖန်တီးပါ။
– ဒီရှေးဟောင်းလျှို့ဝှက်ငွေကြေးကုထုံးက ဘယ်သူ့အတွက်မဆို အလုပ်ဖြစ်ပါတယ်။
– အဝကျယ်ကျယ်၊ လည်ပင်းကျဉ်းကျဉ်း (ဝင်ပြီးငွေများပြန်မထွက်နိုင်ရန်)၊ ဖင်ကျယ်ကျယ်နဲ့ အဖုံးပါတဲ့ ကြွေပန်းအိုးတစ်လုံးကို အသုံးပြုပါ။
– သူဌေးတစ်ယောက်ရဲ့ငွေ၊ မိမိနှစ်သက်ရာအိမ်ပုံ၊ ကားပုံ၊ ရတနာပစ္စည်းပုံ စသဖြင့် အဖိုးတန်ပစ္စည်းပုံဆောင်လေးတွေကို ၎င်းအိုးထဲထည့်ပါ။
– အိုးအဖုံးကိုပိတ်ပြီး လည်ပင်းနေရာကို အနီ၊ အဝါ၊ အပြာ၊ အစိမ်းနဲ့ အဖြူ (ဓာတ်ကြီးငါးပါးကိုယ်စားပြုအရောင်များ) အရောင်တွေရှိတဲ့ ဖဲကြိုးငါးခုနဲ့ စီးပါ။
– ပြီးလျှင် ထိုအိုးကို လုံခြုံတဲ့အမြင့်တစ်နေရာမှာ ဘယ်သူမှမမြင်၊ မသိအောင် ထားရှိသိမ်းဆည်းပါ။ သိုလှောင်တဲ့နေရာဟာ သူများတွေ လက်လှမ်းမမီအသုံးမပြုကြတဲ့နေရာဖြစ်လေ ကောင်းလေပါပဲ။
– ငွေအိုးကို တံခါးနား မထားရ။ မလှုပ်ရ။ မီးဖိုချောင်နှင့် ရေချိုးခန်းအိမ်သာတို့တွင် ထားရှိခြင်းမှလည်း ရှောင်ကြဉ်ပါ။
– အိမ်ရဲ့အရှေ့တောင်အပိုင်းက အကောင်းဆုံးနေရာဖြစ်ပါတယ်။ အထူးသဖြင့် သင့်အိမ်ရဲ့အတွင်းပိုင်းကျလေ ကောင်းလေပါပဲ။
ငွေသင်္ဘောရွက်လွှင့်ခြင်းကုထုံး
– ငွေသင်္ဘောဟာ အတော်လေးကောင်းတဲ့ဓနဥစ္စာကုထုံးပါ။ နိမိတ်ကောင်းတဲ့လေတွေကို ဖြတ်သန်းလာတဲ့ ရွက်လှေဟာ သင့်ဆီကိုလည်း ဓနဥစ္စာတွေ ဆောင်ကြဉ်းလာမှာပါ။ ဒီကုထုံးကတော့ သင့်ဝင်ငွေကို တိုးစေဖို့အသုံးပြုရတာပဲဖြစ်ပါတယ်။
– ရွက်တွေ ရှိပြီး အမြောက်လိုမျိုး lat nat တစ်စုံတစ်ရာမရှိတဲ့ သင်္ဘောပုံဆောင်ရုပ်ကို ရွေးချယ်ပါ။
– သင်္ဘောကုန်းပတ်မှာ ငွေစက္ကူအစစ်နဲ့ အခြားငွေကြေးသင်္ကေတပုံဆောင် (ဥပမာ- ရွှေတုံးရုပ်၊ ကျောက်မျက်ရတနာ) တွေကို ထားရှိပါ။
– သင်္ဘောတွေကို အိမ်ရဲ့အရှေ့တောင်အပိုင်းမှာ အရပ်မျက်နှာအမျိုးမျိုးကို မျက်နှာမူကာ ထားရှိပါ။ ပြတင်းတံခါးတွေဘက်မျက်နှာမူခြင်းကို ရှောင်ကြဉ်ပြီး အိမ်အတွင်းဘက်ကိုတော့ မဖြစ်မနေမျက်နှာမူရပါမယ်။
– တစ်စင်းထက်ပိုတဲ့ သင်္ဘောတွေက ဝင်ငွေလမ်းကြောင်းများစွာကို ကူညီဖန်တီးပေးမှာပါ။
ငွေကြေးကံအတွက် ယေဘုယျဖုန်းရွှေကုထုံးများ
ခြေသုံးချောင်းဖား
– ငွေဖားလို့လည်း ခေါ်ကြတဲ့ ဒီအထင်ကရရုပ်တုကို ငွေကြေးကံပြုပြင်ဖို့ အသုံးပြုနိုင်ပါတယ်။ ဖားပါးစပ်ထဲ ဒင်္ဂါးပြားတစ်ပြား ထည့်ပြီး ၎င်းဖားကို စားပွဲ၊ စာအုပ်စင်တွေပေါ် ထင်ထင်ရှားရှားထားရှိပါ။
ပိုက်ဆံအိတ်
– အနီရောင်ဖဲကြိုးချည်ထားတဲ့ ဒင်္ဂါးသုံးပြားကို သင့်ပိုက်ဆံအိမ်ထဲ ထည့်ထားပါ။ တရုတ်ငွေဒင်္ဂါးပြားထည့်ပိတ်ထားတဲ့ အနီရောင်တရုတ်စာအိတ်တစ်အိတ်ကိုလည်း ထည့်ပါ။ နှစ်ခုစလုံးက ငွေကံကို ဆွဲဆောင်ပါလိမ့်မယ်။
အနီရောင်နှင့်ရွှေရောင်စပ်
– ၎င်းအရောင်စပ်က မီးနဲ့သတ္တုကို ကိုယ်စားပြုပါတယ်။ ဒီအရောင်စပ်ကို အရှေ့တောင်အရပ်မှာ အသုံးပြုပေးပါက ငွေကြေးကံကို ဆွဲဆောင်ပေးပါလိမ့်မယ်။
ဖုန်းရွှေချစ်သူအားလုံး အထက်ပါဖုန်းရွှေကုထုံးတွေကို လက်တွေ့မှန်မှန်ကန်ကန်အသုံးချပြီး စည်းစိမ်ဥစ္စာတွေဒီရေအလားတိုးတက်ကြပါစေလို့ ဆန္ဒပြုလျက်…
ရေးသားသူ – Zune Lay Nwe Astrologer
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
