အင်္ဂါဂြိုဟ်ရဲ့ တချို့နေရာတွေထက်တောင် ပိုအေးတဲ့ ကမ္ဘာ့အအေးခဲဆုံးနေရာ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ အင်္ဂါဂြိုဟ်ရဲ့ တချို့နေရာတွေထက်တောင် ပိုအေးတဲ့ ကမ္ဘာ့အအေးခဲဆုံးနေရာ ဆိုတဲ့သတင်းလေးပဲ ဖြစ်ပါတယ်။
ကမ္ဘာပေါ်မှ အအေးခဲဆုံးနေရာဟာ အန္တာတိကအရှေ့ပိုင်းကုန်းမြင့်ပေါ်က တောင်စွယ်ဖြစ်ပြီး အပူချိန် -၁၃၅ ဒီဂရီဖာရင်ဟိုက် (- ၉၃.၂ ဒီဂရီဆဲလ်စီးယက်)အထိ ရှိတယ်လို့ နာဆာရဲ့ ကမ္ဘာမြေစောင့်ကြည့်လေ့လာရေးဂြိုဟ်တုတွေက ဖော်ပြပါတယ်။
အဲဒီလောက် အေးခဲနေတဲ့ အပူချိန်မျိုးမှာ အထူးဝတ်စုံမပါဘဲ စက္ကန့်ပိုင်းလောက် အအေးဒဏ်ခံမိရင် အသက်ဆုံးရှုံးစေနိုင်ပါတယ်။ -၉၅ ဒီဂရီဖာရင်ဟိုက် အပူချိန်မှာ အအေးဓာတ်မိတာနဲ့ ၂ မိနစ်အတွင်း နှင်းကိုက်ဝေဒနာခံစားရနိုင်တယ်လို့ အမေရိကန်နိုင်ငံ အမျိုးသားမိုးလေဝသဌာနရဲ့ အချက်အလက်တွေမှာ ဖော်ပြထားပါတယ်။
ကမ္ဘာ့အအေးခဲဆုံးနေရာမှ အပူချိန်ဟာ အင်္ဂါဂြိုဟ်ပေါ်က တချို့နေရာတွေရဲ့ အပူချိန်ထက်တောင် ပိုနည်းနေပါသေးတယ်။ (အင်္ဂါဂြိုဟ်ဟာ ကမ္ဘာနဲ့ယှဉ်ရင် နေထက် ပိုဝေးတဲ့နေရာဖြစ်လို့ ပိုအေးပါတယ်)။ အန္တာတိကအရှေ့ပိုင်းကုန်းမြင့်ဟာ နာဆာအဖွဲ့က အဲဒီနေရာမှာ အပူချိန် ကိန်းဂဏန်းအချက်အလက်တွေ စတင်ကောက်ယူတဲ့ ၂၀၁၃ ခုနှစ်ကတည်းက ကမ္ဘာ့အအေးခဲဆုံးနေရာအဖြစ် မှတ်တမ်းဝင်နေခဲ့တာပါ။
ရေးသားသူ – Yoyarlay
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
