ထီပေါက်တာကို ဇနီးမသိအောင် ဖုံးကွယ်ထားတဲ့ အမျိုးသား
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ထီပေါက်တာကို ဇနီးမသိအောင် ဖုံးကွယ်ထားတဲ့ အမျိုးသား ဆိုတဲ့သတင်းလေးပဲ ဖြစ်ပါတယ်။
ထီပေါက်တာကို ဇနီးမသိအောင် ဖုံးကွယ်ထားတဲ့ အမျိုးသား
ယွမ် ၁၀ သန်းဆု (အမေရိကန်ဒေါ်လာ ၁.၅ သန်း) ထီပေါက်ခဲ့တဲ့ တရုတ်အမျိုးသားဟာ ဇနီးသည် မသိအောင် ၂ နှစ်ကြာ ဖုံးကွယ်ထားခဲ့ပါတယ်။ ကျိုးလို့ အမည်ရတဲ့ အမျိုးသားဟာ ၂၀၂၁ ခုနှစ်က ယွမ် ၁၀ သန်းဆု ထီပေါက်ခဲ့ပြီး အခွန်ဆောင်ပြီးချိန်မှာ ယွမ် ၈.၄၃ သန်း ပိုင်ဆိုင်ခဲ့ပါတယ်။ ဒါဟာ မိသားစုဘ၀ ပြောင်းလဲသွားစေတဲ့ ငွေပမာဏဖြစ်ပေမဲ့ ကျိုးက သူ့မိန်းမကို မပြောခဲ့ပါဘူး။
ထီဆုကြေးငွေ ရချိန်မှာ သူ့အစ်မကို ယွမ် ၂ သန်းပေးခဲ့ပြီး ဇနီးဟောင်းဖြစ်သူ တိုက်ခန်းဝယ်ဖို့အတွက် ယွမ် ၇ သိန်း ပေးခဲ့ပါတယ်။ ၂ နှစ်အကြာမှာတော့ ကျိုးရဲ့ဇနီးက ဒီအကြောင်း သိသွားပြီး ကွာရှင်းခွင့်တောင်းခဲ့သလို ထီဆုကြေးငွေ ခွဲပေးဖို့လည်း တရားရုံးမှာ လျှောက်ထားခဲ့ပါတယ်။
ကျိုးရဲ့ထီဆုကြေးငွေဟာ သူနဲ့လည်း သက်ဆိုင်တယ်လို့ ဇနီးဖြစ်သူက လျှောက်ထားခဲ့ပြီး (သူ့အစ်မနဲ့ ဇနီးဟောင်းထံ ကျိုး ပေးပို့ခဲ့တဲ့) ယွမ် ၂.၇ သန်းထဲကနေ ၃ ပုံ၊ ၂ ပုံ ခွဲပေးဖို့ တောင်းဆိုခဲ့တာပါ။
ဖေဖော်ဝါရီလ ၁ ရက်နေ့မှာတော့ ဝမ်ကျိုးမြို့တရားရုံးက ကျိုးရဲ့ဇနီးသည် တောင်းဆိုတဲ့ ငွေကို ပေးအပ်ဖို့ ဆုံးဖြတ်ချက်ချခဲ့ပါတယ်။ တရုတ်လူမှုကွန်ရက်မှာ ဒီသတင်း ပျံ့နှံ့သွားခဲ့ပြီးနောက် လူအများစုက ထီပေါက်တာကို ဇနီးမသိအောင် ဖုံးကွယ်ခဲ့တဲ့ ကျိုးရဲ့လုပ်ရပ်အပေါ် ဝေဖန်ခဲ့ကြပါတယ်။
ရေးသားသူ – Yoyarlay
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
