အီတလီဂန္ထဝင်ဒီဇိုင်နာ ဂူချီ ဝင်စားတယ်ဆိုတဲ့ ၇ နှစ်သား ဒီဇိုင်နာ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ အီတလီဂန္ထဝင်ဒီဇိုင်နာ ဂူချီ ဝင်စားတယ်ဆိုတဲ့ ၇ နှစ်သား ဒီဇိုင်နာ ဆိုတဲ့သတင်းလေးပဲ ဖြစ်ပါတယ်။
အီတလီဂန္ထဝင်ဒီဇိုင်နာ ဂူချီ ဝင်စားတယ်ဆိုတဲ့ ၇ နှစ်သား ဒီဇိုင်နာ
အသက် ၄ နှစ်အရွယ်ကတည်းက အမျိုးသမီးဝတ်စုံတွေ စတင်ချုပ်လုပ်ခဲ့တဲ့ အမေရိကန်ဒီဇိုင်နာ မက်အလက်ဇန္ဒားကတော့ အခုဆိုရင် အမေရိကန် မင်းသမီးကြီး ရှရွန်စတုန်းအတွက်ပါ ဂျက်ကတ် ချုပ်ပေးခွင့် ရခဲ့ပါပြီ။ အခုမှ သူ့အသက် ၇ နှစ်ပဲ ရှိပါသေးတယ်။
၂၀၂၁ ခုနှစ်က မိသားစု ညစာစားပွဲမှာ မက်အလက်ဇန္ဒားက အဝတ်အထည် လုပ်ငန်းသုံး အရုပ်မတွေ လိုချင်တယ်လို့ သူ့အမေကို ပူဆာခဲ့တာပါ။ စစချင်းတော့ သူ့အမေလည်း လျှောက်ပြောနေတယ်လို့ပဲ ထင်ခဲ့တာပါ။ ဒါပေမဲ့ သူ့ကို အရုပ်မတွေ ဝယ်ပေးရင် အဝတ်အစားတွေ ချုပ်ပြမယ်လို့ မက်က သူ့အမေကို ကတိပေးခဲ့ပါတယ်။
မက်က သူ့အမေဆီကနေ စက်ချုပ် သင်ပါတယ်။ အထည် အမျိုးအစား ခွဲတာ၊ အရောင်အသွေး ရွေးတာ အစရှိတာတွေကို သင်ယူခဲ့ပါတယ်။ မက်က အမျိုးသမီးဝတ်စုံတွေ စချုပ်ချိန်မှာ သူ့မိဘတွေက ခဏတာ စိတ်ဝင်စားမှုလို့ပဲ ထင်ခဲ့ကြတာပါ။ ဒါပေမဲ့ ၃ နှစ်တိုင်တိုင် မက်ရဲ့ စိတ်ဝင်စားမှု မပြောင်းလဲတဲ့နောက်မှာတော့ ဖက်ရှင်ဒီဇိုင်းက သူ့ဝါသနာပဲလို့ ယုံကြည်ခဲ့ကြတာပါ။
မက်ရဲ့မိဘတွေက အဝတ်အထည်ဒီဇိုင်း နယ်ပယ်ထဲက မဟုတ်ပေမဲ့ သူ့အဘိုး၊ အဘွားတွေက ကနေဒါနိုင်ငံ၊ မွန်ရီယယ်မြို့မှာ ဖက်ရှင်ဒီဇိုင်းလုပ်ငန်း လုပ်ကြတာကြောင့် မက်ရဲ့ သွေးသားထဲမှာ ဖက်ရှင်ကို စိတ်ဝင်စားမှု စီးဆင်းနေတာလို့ သူ့မိဘတွေက ယုံကြည်ကြပါတယ်။ မက်ဟာ People မဂ္ဂဇင်းနဲ့ အင်တာဗျူးအစီအစဉ်မှာ အီတလီဂန္ထဝင်ဒီဇိုင်နာ ဂူချီ ဝင်စားတာလို့ ထုတ်ပြောခဲ့ပြီး တစ်နေ့နေ့ကျရင် ဂူချီဖက်ရှင်ကုမ္ပဏီရဲ့ အကြီးအကဲ ဖြစ်လာဖို့ မျှော်မှန်းနေပါတယ်။
မက်ရဲ့ ဖက်ရှင်ဒီဇိုင်တွေကို နိုင်ငံအများအပြားမှာ ရောင်းချနေပြီဖြစ်ပြီး သူ့ကို ဝတ်စုံအပ်သူတွေထဲမှာ အမေရိကန်မင်းသမီးကြီး ရှရွန်စတုန်းတောင် ပါဝင်ပါတယ်။
ရေးသားသူ -Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
