ဟေ့ ကိုဗစ်ဖြစ်ရင် စားသာစားဆိုတာဘာကြောင့်လဲကွ။

🔹 အမေရိကန်အာဟာရအဖွဲ့အစည်း (ASPEN) က ကိုဗစ်ဖြစ်တဲ့ လူနာတွေ ဘာ့ကြောင့်စားရသလဲ၊ ဘာတွေစားရမလဲ၊ ဘယ်လိုစားရမလဲဆိုတာ ရှင်းပြထားပါတယ်။

အစာအာဟာရ နှင့် ကိုဗစ်-၁၉
🔹 ကိုဗစ်ဖြစ်ရင် အိမ်မှာနေပြီး ပြန်ကောင်းသွားတာ ၈၈% ပါ။ ၁၂% ကပဲ ဆေးရုံတက်ဖို့ လိုတာပါ။
🔹 အဖြစ်များတဲ့ လက္ခဏာတွေကတော့ ဖျားတယ်၊ချောင်းဆိုးတယ်၊ မောတယ်။ ပြီးရင် လူနှုံးတာနဲ့ အစာမစားချင်တာ လိုက်လာပါတယ်။
🔹အဲဒီအချိန်မှာကိုဗစ်ရောဂါပိုးကို တိုက်ထုတ်ပြီး ပြန်လည်နာလန်ထူဖို့အတွက် အာဟာရနှင့်ရေဓာတ်ဖြည့်တင်းခြင်းက က အဓိကအချက်ဖြစ်လာပါတယ်။
🦠 ရောဂါကူးစက်မှုတစ်ခုဝင်လာရင် ကိုယ်ခန္ဓာက ခုခံအားစနစ်နဲ့ ပြန်လည်တုံ့ပြန်ဖို့ အင်တိုက်အားတိုက်လုပ်ဆောင်ရပါတယ်။
🦠 အပြင်းဖျားခြင်းဆိုတာ မိမိရဲ့ကိုယ်ခံစွမ်းအားစနစ်က “ရောဂါပိုးကိုတိုက်ထုတ်ခြင်း” ဖြစ်ပါတယ်။
🦠 ဖျားနာခြင်းက အရည်များဆုံးရှုံးမှု၊ ရေဓာတ်ခန်းခြောက်ခြင်းနှင့်အာဟာရလိုအပ်ချက်များကိုပိုမို မြင့်တက်စေပါတယ်။
🔹 ဒါ့အပြင် COVID-19 ကြောင့် စိတ်ဖိစီးမှုများလာခြင်းကြောင့် မိမိပုံမှန်အစားအစာထက် ကယ်လိုရီပိုလိုအပ်လာပါတယ်။

လိုအပ်တဲ့ အစားအသောက်တွေက
၁။ အရည်ဓါတ်
၂။ အသားဓါတ်
၃။ ကယ်လိုရီ ဖြစ်ပါတယ်။

၁။ အရည်ဓါတ်
🔹 အရည်ဓါတ်က တစ်ရက်ကို ၃ liters (ရေသန့်ပုလင်း ၃ ပုလင်းစာ) အနည်းဆုံး ဝင်ဖို့ လိုပါတယ်။
🔹 ရေမဆာလည်း ၁၅ မီနစ်ခြား ၂-၄ အောင်စ(အရည် ၃ ငုံ ကနေ ၅ ငုံ) လောက်သောက်ပါ။
၁။ အရည်အမျိုးအစားတွေကတော့
၁။ ရေ၂။ ဓါတ်ဆားရေ
၃။ အဖတ်ဖယ်ထားတဲ့ ဖျော်ရည်( စပျစ်သီး၊လိမ္မော်သီး၊ ပန်းသီး ဖျော်ရည်)
၄။ အားကစားသမားတွေ သောက်တဲ့ အရည်များ ဥပမာ။ RoyalD, Pocari Sweat, 100 plus
၅။ အသားဓါတ်နဲ့ ကယ်လိုရီပါတဲ့ အရည် စတဲ့ အရည်များဥပမာ။ Ensure၊ Pediasureစတဲ့ Protein Energy Drink များ သောက်လို့ရပါတယ်။

၂။ ကယ်လိုရီနှင့် အသားဓါတ် ပါတဲ့ အစာများ
🔹 အသားဓါတ်ပြည့်ဝစွာပါတဲ့ အစားအစာများကတော့ မြေပဲသို့မဟုတ်အခွံမာသီး၊ နို့၊ ကြက်ဥ၊ ဒိန်ချဉ်၊ ဒိန်ခဲ၊ အသား၊ ငါး၊ ကြက်၊ စသဖြင့်တို့ ဖြစ်ပါတယ်။
🍎 ၇၅ ဂရမ် ကနေ ၁၀၀ ဂရမ် အထိ အသားဓါတ်ကို စားပေးပါ။
🍎 တစ်နေ့လျှင် ၆ ကြိမ်၂-၃ နာရီတိုင်းစားပါ။ ဗိုက်မဆာလည်း မိမိစားနိုင်သလောက် နည်းနည်းချင်း စားပေးပါ။
🦠 ရောဂါကြောင့် အစာစားချင်စိတ်နည်းလာတာကြောင့် နေမကောင်းဖြစ်နေတဲ့ အချိန်က ကယ်လိုရီကိုကန့်သတ်ရန် အစာလျှော့စားရမယ့်အချိန်မဟုတ်ပါ။
🍎 သစ်သီးဖျော်ရည်၊ နို့ သို့မဟုတ်အခြားကယ်လိုရီပါသည့်အဖျော်ယမကာများ၊ စွတ်ပြုတ်၊ အရိုးပြုတ်ရည်တို့ကိုသောက်ပါ။
အဓိကကတော့ အရည်နဲ့ အာဟာရဓာတ်များကိုများများစားပေးပါ။
နည်းနည်းနဲ့ မကြာခဏစားပေးပါ။
နေမကောင်းတဲ့အခါ အစားအစာသည်ဆေးဖြစ်ပါတယ်။

မူရင်းရေးသားသူ : Credit