စိုင်းထီးဆိုင်ဟာ Legendary စားဘဲကြီးများလား?
အားလုံးပဲ မင်္ဂလာပါ… မိုးနတ်မင်း သတင်းစုံကနေ ပြန်လည်ပြီးတော့ ကြိုဆိုလိုက်ပါတယ်။ အခုတင်ဆက်ပေးမယ့် အကြောင်းအရာလေးကတော့ စိုင်းထီးဆိုင်ဟာ Legendary စားဘဲကြီးများလား ဆိုတဲ့ အကြောင်းအရာပဲ ဖြစ်ပါတယ်။
အဲ့ဒီဘဲရီး ပတ်စားသွားတာ တစ်နိုင်ငံလုံးပါသွားတာ။
တကယ်ဂေါ်တဲ့ ဘဲကြီးဆိုတာ သူများတွေ ဘယ်လိုမြင်လဲတော့မသိဘူး.. ကိုယ်ကတော့ ဦးထီးပဲ ပြေးမြင်တာ..
(တကယ်တော့ သူ့ နောက်ကွယ်က လက်မဲကြီးက ဆရာ စိုင်းခမ်းလိတ်)
သူဆိုသမျှ သီချင်းတွေ သေချာနားထောင်ကြည့်..
360 လှည့်ပတ် ပစ် တာ.. ထိချင်ရာထိပဲ.. စော်လေးဒေတစ်ယောက်မှမလွတ်ဘူး..
အရင်ဆုံး ပထဝီအနေအထားနဲ့ကြည့်မယ်..
ဟိုးအထက် ကချင်ပြည်က စ ကိုင်တာ.. “ဂျိန်းဖောသူ.. ဂျိန်းဖောသူ” ဆိုပြီး အေးအေးလူလူ သီချင်းလေးတညည်းညည်းနဲ့ကို စ တာ..
ပြီးတော့ “မောင့်လားဟူမလေး” ဆိုပြီး အဲ့အနီးအနားက တိုင်းရင်းသူလေးနဲ့က တစ်စခန်းထခဲ့သေးတယ်..ဒါ အကင်းပဲရှိသေးတာ
တိုင်းရင်းသူချည့်ပဲလားဆိုတော့ ဘယ်ဟုတ်လိမ့်မလဲ..
နော် လိမ္မာပါတယ် ဗမာမလေး စိတ်မညိုနဲ့.. ဆိုပြီး မရှိ ရှိတဲ့ပန်း အတင်းပန်ပေးပြီး ချော့ချက်ကြီးက နိုင်းး+ .. (ချယ်ရီပန်းပြောပါတယ်)
ပြီးတော့ သူ မန္တလေးရောက်လာတယ်.. “မန္တလေးရောက်ရှမ်းတစ်ယောက်” ရဲ့အဖြစ်ဟာ
မလွယ်ပါလား ဆိုနေဘေမက် “စကားနည်းသောမန္တလေးသူ” လေးခမျာမှာတော့
ခေါင်းလေးညိတ်ခဲ့ရှာပါသတဲ့..
ပြီးတာနက် “တောင်လှေကားမြို့ကို ကိုယ်လာမယ်” ဆိုတဲ့ပြီး ပြင်ဦးလွင်တက် ဝိုက်ပါရောလား..
တစ်ခါတည်းမထင်နဲ့နော်..
“ချယ်ရီပင်အောက် နောက်တစ်ခေါက်” ဆိုတဲ့သီချင်းက အလကားမဟုတ်ဘူး..
နောက်ပိုင်းတော့ ရေစိုထမီနဲ့ မိုးရေမှာ လှပခဲ့ဖူးတာ ပြန်မြင်ယောင်လိုက်.. တက်သွားလိုက်ပဲ..
ဘာမှမတတ်နိုင်ဖူး.. လက်လျှော့လိုက်ရပြီ
ပြီးတော့ ရှမ်းပြည်ပြန်သွားတယ်.. “ကွတ်ခိုင်ကဇာတ်လမ်းတစ်ပုဒ်” ရိုက်ခဲ့သေးတယ်.. တို့ဖူးနွေးရောင်းတဲ့ရှမ်းမလေးလဲ မနေရပါဖူး.. တို့ဖူးကချိုနေလို့လား.. ဆိုင်ရှင်သူလေးပဲ လှပလွန်းလို့လား တရွာသားစဉ်းစားမရပါ.. ဘာ ညာ
အဲ့တောင်ပေါ်နေနေရင်းနဲ့ကိုပဲ လာလည်တဲ့ “မြေပြန့်သူလေး” ကိုလဲ တို့ရဲ့အရပ်မှာပျော်ပါစေ ဆိုပြီး
ချုပ်နိုင်ခဲ့သေးတာနော်.. နောင်းဗိန်နောင့် နောင်းဗိန်နောင်ပဲ.. ဘာပြောကောင်းမလဲ..
ပြီးတော့ အညာဘက်တက်သွားပြီး ရွှေညာမြေပြန့်သူကို “တို့တောင်ပေါ်ကိုဖိတ်ခေါ်ပါတယ်” တို့ ဘာတို့ ပိုင်နက်ထဲဆွဲသွင်းဖို့လုပ်သေးတယ်.. အာ့လဲ ရတာပဲ
ခရီးမထွက်ပဲနားတဲ့အချိန် ဘယ်မှမသွားရင် ပချုပ်ဆိုင်သွားတယ်.. “မောင့်အရိုင်းပန်း” လေးဆီကနေအပြန် ခန်းစီးစ မ ရင်းတွေးတယ်.. ကိုယ့်ရင်မှာ ဘယ်သူရှိမလဲ မင်းသိနိုင်မလားမေးတယ်.. မပိုင်ဖူးလား
ပြီးတော့ ရန်ကုန်ရောက်လာတယ်.. “ရန်ကုန်မှာသာတဲ့လ” ဟာ သာပေမယ့်လဲ အလကားဆိုပြီး သူ အသည်းကွဲတယ်.. လေလွင့်ပြီး ပလက်ဖောင်းမင်းသားလုပ်တယ်..
နောက်တော့ အောက်ဖက်ဆက်ဆင်းသွားတယ်နဲ့တူပါရဲ့.. ဟိုဘက်ကမ်းကတစ်ယောက်ငိုနေ..
ဒီဘက်ကမ်းကတစ်ယောက်မျက်ရည်ဆိုတာ သံလွင်မြစ်ကြီးဗျ.. သံလွင်မြစ်ကြီး!! မွန်မတွေ ကရင်မတွေ ကုန်တာပဲ.. အဲ့ဒီ့မှာ..
မြိတ် ထားဝယ်ထိတော့ ရောက်ပုံမပေါ်တာလေး ကျေးဇူးတင်ရမှာပဲ.. ဘဲကြီး အဲ့ဒီ့မှာ တစ်နိုင်ငံလုံးပတ်ပြီး စော်ကြည်နေလိုက်တော့..
ဒီလောက် သောင်းကျန်းတဲ့ဘဲရီး အရိုးကြည့်မရှောင်တော့ ဆေးရုံရောက်ပြီလေ..
“အခြေအနေမကောင်းဘူး ခွဲရမယ်..”
“မျက်နှာဖုံးစွပ်နဲ့ ဆရာမလေးရယ်.. ခွဲစိတ်ခန်းက ဆရာမလေးရယ်”
ဆရာဝန်မလေးခမျာ ခဲရာခဲဆစ် ခွဲပြီးလို့ ဝါဒ့်ထဲမှာ ထားထားတော့လဲ.. နာစ့်မလေးခမျာ ဇောချွေးပျံရ..
“ဒီဆေးရုံကြီးထဲ အတွင်းလူနာအဖြစ် အမြဲ နေချင်တယ်.. ရမလား.. ဆရာမရယ်.. ရမလား.. ဆရာမရယ်..
ဆေးရုံကို လူနာလာကြည့်တဲ့ ဘော်ဒါမလေးကိုလဲ “မောင်နှမသဘောမျိုး ဆိုခြင်းထက်တော့ မကဘူးနော်” ဆိုပြီး ကပ်ချုပ်သေးတာ.. မင်းမကြည့်လို့ မသိတာပါ.. အချစ်က မင်းအနားမှာပါ ပေါ့..
ပထဝီ အနေအထားအရ ကြည့်ပြီးတဲ့အခါမှာ marital status အနေနဲ့ ပြောင်းကြည့်မိတယ်..
တခုလပ်မလေးတို့ မုဆိုးမလေးတို့ကို အင်မတန်ချစ်တတ်တဲ့ ဦးရှမ်းကြီးဟာ “ကိုယ့်အချစ်နဲ့အရာရာကိုအကောင်းအတိုင်းဖြစ်စေမယ်” ဆိုပြီး “မောင့်တပတ်နွမ်း” လေးတွေကို အရမ်းကာရော နှစ်သိမ့်ပေးချင်ခဲ့တာ သွားတွေ့ရတယ်..
ပိုက်ဘောတော့ ဖမ်းပုံမပေါ်ဘူး.. “မပူပါနဲ့ အချစ်ရယ်.. မပူပါနဲ့ အချစ်ရယ်.. ဒီတောင်ကိုမောင်ဖြိုကာပြပါ့မယ် တကယ်..” တဲ့.. ငင့်.. ဘာတေလား
အင်းလေ.. ပျိုတယ် အိုတယ် ဆိုတဲ့ ကျဉ်းမြောင်းတဲ့အယူအဆတွေကို သူမှ မကြိုက်တာပဲလေ လူတွေဆိုတာ ထာဝစဉ်ခြောက်ပစ်မကင်းနိုင်ပါဘူး..
ဒါပေမယ့် နေပါဦး.. ဟို “အပြာရောင်မျက်ရည်” ဆိုတဲ့သီချင်းကျတော့ အပျိုစစ်စစ်လေးနဲ့ ဖြစ်နေပြန်ပါရော့လား.. လွန်နေပြီလေ..
အားရဝမ်းသာကြီးအော်နေသေးတာနော်.. စိုစေမယ်.. စိုစေမယ်!! တဲ့ အေးလေ.. ဘယ်တတ်နိုင်မလဲ.. အပျိုအရွယ်တော့ ယောက်ျားတိုင်းကြိုက်တတ်တာပဲ.. ရှိပါစေတော့
ဆိုနေဘေမက် မီးကောင်ပေါက်လေးတွေ ဆယ်ကျော်သက်လေးတွေကိုတော့ ဒီရှမ်းဦးလေးကြီး
ကင်းကင်းရှင်းရှင်းနေခဲ့မှာပါ..
ဟ.. နားထောင်စမ်း.. သီချင်းလေးကောင်းတယ်ဟ.. ဘာတဲ့
“ဟိုဘက်အိမ်က ညတိုင်း ညတိုင်း စာအကျယ်ကြီးကျက်တတ်တဲ့.. ဆယ်တန်းကျောင်းသူကို”
ဟာ…. ဒီ….ဘဲကြီး
ခရက်ဒစ်ပေးပါသည်။
မိုးနတ်မင်းပရိသတ်ကြီးလည်း ဒီပိုစ့်လေးကိုဖတ်ရတာ နှစ်သက်တယ်ဆိုရင် သူငယ်ချင်းတွေအတွက် ရှယ်ပေးဖို့မမေ့နဲ့နော်…