ဒေါ်သက်သက်ခိုင်မိခင်ကို ထောက်ပံ့ကြေးပေးခဲ့သောNon-CDM အရာရှိ ရာထူးတိုး
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ဒေါ်သက်သက်ခိုင်မိခင်ကို ထောက်ပံ့ကြေးပေးခဲ့သောNon-CDM အရာရှိ ရာထူးတိုး ဆိုတဲ့သတင်းလေးပဲ ဖြစ်ပါတယ်။
Non CDM ဖြစ်ပြီးအာဏာသိမ်းစစ်ကောင်စီခန့် လူကယ်ပြန်ဝန်ကြီး ဒေါ်သက်သက်ခိုင်အား အကပ်ကောင်းသူအဖြစ် ဌာနတွင်း နာမည်ကြီးပြီး ဒေါ်သက်သက်ခိုင်မိခင်ကိုပင်ထောက်ပံ့ကြေးကိုယ်တိုင်သွားပေးခဲ့သည့် စစ်ကောင်စီ၏ရန်ကုန်တိုင်းလူမှုဝန်ထမ်းဦးစီးဌာနဦးစီးမှူး ညွှန်ကြားရေးမှုး ဒေါက်တာကေသီကျော် ရာထူးတက်သွားသောကြောင့် ဌာနတွင်းမကျေနပ်မှု အချို့ရှိနေကြောင်းသိ့ရသည်။
ဒေါက်တာကေသီကျော်ကို ယခု မတ်လ နောက်ဆုံးရက်သတ္တပတ်တွင် ဒုတိယ ညွှန်ကြားရေးမှုးချုပ်ရာထူးသို့ တိုးပေးလိုက်ခြင်းဖြစ်ကြောင်း လူကယ်ပြန်ဌာနမှ ညွှန်ကြားရေးမှူးတစ်ဦးကပြောသည်။
” သူ(ဒေါက်တာကေသီကျော်) ရာထူးတိုးသွားပြီး။ ဝန်ကြီးရဲ့ အမေကိုတောင် ထောက်ပံကြေးပေးပစ်တာ။အခု သူဒုချုပ်ဖြစ်သွားပြီ။ အချို့က မကျေနပ်ဘူးပေါ့ဗျာ”ဟု အထက်ပါ ပုဂ္ဂိုလ်ကပြောသည်။
စစ်တပ်မှ အသွင်ပြောင်းဖြစ်သည့်လူမှုဝန်ထမ်းဦးစီးဌာနဦးစီးဌာန ဒုတိယညွှန်ကြားရေးမှုးချုပ် ဦးအောင်ကျော်မိုးကို ညွှန်ကြားရေးမှူယချုပ်ရာထူးတိုးပေးပြီးနောက် ဒေါက်တာကေသီကျော်ကို ဒုညွှန်ချုပ်ရာထူးတိုးပေးခြင်းဖြစ်သည်။
ကရင်နီပြည်နယ် ၊ စစ်ကိုင်းတိုင်းနှင့်ဒေသအများစုတွင် အကြမ်းဖက်စစ်ကောင်စီတပ်က လေကြောင်းကိုပင်အသုံးပြုတိုက်ခိုက်၍ သက်ကြီးရွယ်အိုများပါ နေရပ်စွန့်ခွာထွက်ပြေးနေရသည့် ၂၀၂၂ ဇန်နဝါရီလအတွင်း ဒေါက်တာကေသီကျော်က စစ်ကောင်စီခန့် လူကယ်ပြန်ဝန်ကြီးဒေါ်သက်သက်ခိုင်၏ မိခင်ကို သက်ကြီးရွယ်အိုထောက်ပံ့ကြေးစရိတ်ကိုယ်တိုင်သွားရောက်ပေးခဲ့သည်။ ယင်းလုပ်ရပ်အပေါ် ပြည်သူလူထုက အပြင်းအထန်ဝေဖန်ခဲ့ကြသည်။ဒေါ်သက်သက်ခိုင် နှင့် ခင်မွန်း ဦးအောင်ကျော်ဝင်းတို့မိသားစုသည် ရွှေနန်းတော် ၊စိန်နန်းတော်အပါအဝင်စီးပွားရေးလုပ်ငန်းများစွာပိုင်ဆိုင်ပြီး ချမ်းသာကြွယ်ဝသူများဖြစ်သည်။စစ်ကောင်စီလက်အောက်တွင် ဦးအောင်ကျော်ဝင်းမှာလည်း စစ်ကောင်စီကိုကူညီပေးနေပြီး စီးပွားရေးဂွင်ကောင်းများစွာရနေသည်ဟုလုပ်ငန်းရှင်အချို့ကပြောသည်။
၂၀၂၀ရွေးကောက်ပွဲတွင် ကိုယ်တိုင်ရော ၊ပါတီတစ်ပါတီလုံးပါ မရှုမလှ ရှုံးနိမ့်ခဲ့ပြီ အာဏာလုစစ်ကောင်စီကနေရာပေး၍ ဝန်ကြီးဖြစ်လာသည့် ဒေါ်သက်သက်ခိုင်နှင့် ဒေါက်တာ
ကေသီကျော်သည် နေပြည်တော်ရုံးချုပ်တွင် အတူတူတာဝန်ထမ်းဆောင်ပြီး ကျန်အရာရှိနှင့် ဝန်ထမ်းများအား ဖိနှိပ်မည်ကို စိုးရိမ်နေရသည်ဟု တာဝန်ထမ်းဆောင်ဆဲ ဝန်ထမ်းအချို့ကပြောသည်။စစ်ကောင်စီခန့် ဝန်ကြီးများနှင့် Non-CDM ဝန်ထမ်းလောကတွင် ရာထူးကြီးသူကို ဖားတက်သူများသာနေရာရကြောင်းဝန်ထမ်းအချို့ကပြောသည်။
အခြားသတင်းတစ်ရပ်တွင် ယနေ့မှာပင် အမျိုးသားညီညွတ်ရေးအစိုးရ(NUG)က လူကန်ပြန် ဝန်ကြီးဌာနမှ ဝန်ထမ်း ၁၀၀ ကျော်ကို အမည်ပျက်စာရင်းကြေညာ၍ ရာထူးမှထုတ်ပယ်လိုက်သည်။
“စစ်ကောင်စီသည် လက်နက်ကိုင်ပဋိပက္ခတွင် ပါဝင်ပတ်သက်ခြင်းမရှိသည့် အရပ်သားပြည်သူများကို ရည်ရွယ်ချက်ရှိရှိ သတ်ဖြတ်ခြင်း၊ လုယက်ခြင်း၊ နေအိမ်များကို မီးရှို့ဖျက်ဆီးခြင်း၊ သက်ကြီးရွယ်အိုနှင့် ကလေးများကို အရှင်လတ်လတ်မီးရှို့ခြင်းစသည့် လူမဆန်သည့် ပြစ်မှုများကို ကျူးလွန်နေချိန်တွင် လူသားချင်းစာနာမှု အကူအညီများ ပေးအပ်ရန် တာဝန်ရှိသည့် အဆိုပါဝန်ကြီးဌာနကလည်း စစ်ဘေးရှောင်ပြည်သူများကို ထောက်ပံ့ ကူညီခြင်း မပြုဘဲ စစ်ကောင်စီ၏ ဖြတ်(၄)ဖြတ်လုပ်ငန်းစဉ်တွင် အလိုတူ အလိုပါ လုပ်ဆောင်လျက်ရှိပါသည်”ဟု NUG ၏ လူသားချင်းစာနာထောက်ထားရေးနှင့် ဘေးအန္တရာယ်စီမံခန့်ခွဲရေးဝန်ကြီးဌာနပြည်ထောင်စုဝန်ကြီးဒေါက်တာဝင်းမြတ်အေးအမိန့်ဖြင့်ထုတ်ပြန်ချက်တွင်ဖော်ပြထားသည်။
ထိုကြောင့်စစ်ကောင်စီယန္တရားလည်ပါတ်နိုင်ရေးအလိုတူအလိုပါ ဆောင်ရွက်နေသောဝန်ထမ်း၁၀၀ ကျော်ကိုထုတ်ပယ်ကြောင်းကြေညာထားသည်။ဌာန သုံးခုမှဝန်းထမ်း၁၀၀ ကျော်ထုတ်ပယ်သောစာရင်းတွင် ဒေါက်တာကေသီကျော်အမည် ပါဝင်သည်ကိုမတွေ့ရသေးပေ ။
(ဒေါ်သက်သက်ခိုင် မိခင်ကို သက်ကြီးရွယ်အိုထောက်ပံ့ကြေးပေးနေသော ဒေါက်တာကေသီကျော်)
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။