အမေရိကန်မှာ TikTok ပိတ်ပင်တဲ့ ပထမဆုံးပြည်နယ်
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ အမေရိကန်မှာ TikTok ပိတ်ပင်တဲ့ ပထမဆုံးပြည်နယ် ဆိုတဲ့သတင်းလေးပဲ ဖြစ်ပါတယ်။
အမေရိကန်မှာ TikTok ပိတ်ပင်တဲ့ ပထမဆုံးပြည်နယ်
အခုဆို အမေရိကန်နိုင်ငံမှာ မွန်တားနားပြည်နယ်ဟာ တရုတ်ပိုင် TikTok အက်ပလီကေးရှင်းကို ပိတ်ပင်တဲ့ ပထမဆုံးပြည်နယ်ဖြစ်လာပါပြီ။ အဲဒီပြည်နယ်ရဲ့အုပ်ချုပ်ရေးမှူးဂရက်ဂျ် ဂျီအန်ဖော်တီက မွန်တားနားဒေသခံတွေရဲ့ကိုယ်ရေးကိုယ်တာနဲ့ အတွင်းရေးဒေတာအချက်အလက်တွေကို ကာကွယ်တဲ့အနေ TikTok ကို ပိတ်ပင်ဖို့ ဥပဒေကြမ်းကို မေလ ၁၈ ရက်နေ့မှာ လက်မှတ်ရေးထိုးခဲ့ပါတယ်။
၂၀၂၂ ခုနှစ် ဒီဇင်ဘာတုန်းကတော့ မွန်တားနားပြည်နယ်က အစိုးရပိုင်စက်ပစ္စည်းကိရိယာတွေမှာ TikTok အသုံးပြုတာ၊ Down တာတွေကို တားမြစ်ပြီးသွားခဲ့တာပါ။ ပြည်နယ်တစ်ဝှမ်းမှာ TikTok ပိတ်ပင်တာကို ၂၀၂၄ ခုနှစ် ဇန်နဝါရီ ၁ ရက်မှာ စတင်အသက်ဝင်မှာဖြစ်ပြီး Google နဲ့ Apple App Store တွေကနေ TikTok ကို Down တာလည်း တားမြစ်သွားမှာပါ။
ဒါပေမဲ့ အက်ပလီးကေးရှင်းသုံးတာကို ပြစ်ဒဏ်ပေးမှာမဟုတ်ပါဘူး။ ပိတ်ပင်တာကို ချိုးဖောက်တာတွေ့ရင် App Store နဲ့ TikTok တွေက တစ်နေ့ကို ချိုးဖောက်မှုတစ်ခုစီအတွက် ကန်ဒေါ်လာ ၁၀၀၀၀ ဒဏ်ရိုက်ခံရနိုင်ပါတယ်။
အုပ်ချုပ်ရေးမှူးဂရက်ဂျ် ဂျီအန်ဖော်တီက နိုင်ငံပိုင်ကွန်ရက်ကနေ နိုင်ငံခြားပြိုင်ဘက်တွေဆီ ကိုယ်ရေးကိုယ်တာအချက်အလက်၊ ဒေတာတွေကို ပေးနေတဲ့ အက်ပလီးကေးရှင်းတွေကို တားမြစ်ဖို့ အခြားစီမံချက်ကိုလည်း လက်မှတ်ထိုးခဲ့ပါတယ်။ အဲဒီအက်ပလီးကေးရှင်းတွေမှာ တရုတ်အခြေစိုက် ByteDance ကုမ္ပဏီရဲ့ CapCut နဲ့ Lemon8 အပြင် ရုရှားတည်ထောင်ထားတဲ့ Telegramတွေလည်း ပါဝင်ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။