ချစ်သူဆီက ထိုင်းမင်းသမီး Yaya လက်ထပ်ခွင့်တောင်းခံခဲ့ရတဲ့ အချိန်အခိုက်အတန့်
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ချစ်သူဆီက ထိုင်းမင်းသမီး Yaya လက်ထပ်ခွင့်တောင်းခံခဲ့ရတဲ့ အချိန်အခိုက်အတန့် ဆိုတဲ့သတင်းလေးပဲ ဖြစ်ပါတယ်။
ချစ်သူဆီက ထိုင်းမင်းသမီး Yaya လက်ထပ်ခွင့်တောင်းခံခဲ့ရတဲ့ အချိန်အခိုက်အတန့်
မကြာသေးခင်က အီတလီမှာ ထိုင်းမင်းသမီးချော Yaya ကို သူ့ရဲ့ချစ်သူကောင်လေးမင်းသား Nadech Kugimiya လက်ထပ်ခွင့်တောင်းခဲ့တဲ့ ဗီဒီယိုတွေနဲ့ ပုံရိပ်တွေက လူမှုကွန်ယက်မှာ တော်တော်လေးပျံ့နှံ့သွားခဲ့တာပါ။ Yaya ကလည်း အီတလီကနေ ထိုင်းနိုင်ငံကို ပြန်ရောက်နေပြီး ပွဲတွေ တက်ရောက်နေပါတယ်။ ပွဲတက်ရောက်တဲ့အချိန်မှာ သတင်းထောက်တွေကလည်း လက်ထပ်ခွင့်တောင်းခံခဲ့ရတဲ့ အခိုက်အတန့်ကို မေးမြန်းခဲ့ကြတယ်။
ဇွန်လ ၉ ရက်နေ့က ANESSA Beauty Suncare Brand ပွဲမှာ Yayaက အီတလီမှာ လက်ထပ်ခွင့်တောင်းခံခဲ့ရတဲ့အခိုက်အတန့်ကို ထုတ်ပြောပြဖြစ်ခဲ့ပါတယ်။ သူက ခရီးထွက်ဖို့ စီစဉ်တဲ့အချိန် အဲဒီမှာ လက်ထပ်ခွင့်တောင်းခံရမယ်လို့ မမျှော်လင့်ခဲ့ဘူးလို့ပြောပါတယ်။ Yaya ရဲ့ပြောစကားအရ သူက အီတလီကို အလည်အပတ်မသွားခင် သူ့သူငယ်ချင်းရဲ့မင်္ဂလာပွဲကို သွားတက်ဖို့ ဆွီဒင်ကို သွားခဲ့တယ်။ အီတလီရောက်တဲ့အချိန်မှာ သူ့ချစ်သူ မင်းသား Nadech က စိတ်လှုပ်ရှားနေတဲ့ပုံပေါ်ပြီး သူ့ရဲ့ဖုန်းကို အမြဲစစ်နေတာ သတိထားမိတယ်။
ဒီခရီးမှာ သူ့ကို လက်ထပ်ခွင့်တောင်းမယ်ဆိုတာ သူ မသေချာခဲ့ပေမဲ့ လက်ထပ်ခွင့်တောင်းခံရမှာနဲ့ပတ်သက်ပြီး အမြဲပြင်ဆင်ထားခဲ့ပါတယ်တဲ့။ Nadech က လက်ထပ်ခွင့်တောင်းမယ့်နေရာရောက်တော့ အနားယူခဲ့တယ်။ ရေကူးပြီးတဲ့အချိန်ချက်ချင်းပဲ သူက Yaya ကို နေဝင်တာကြည့်ဖို့ ခေါ်သွားမလို့ အဝတ်လဲဖို့ ပြောခဲ့တယ်။ အဲဒီအချိန်က ညနေ ၆ နာရီဖြစ်ပြီး နေဝင်တာက ည ၈ နာရီဖြစ်မယ်။
Yaya အဝတ်လဲပြီးတော့ လက်ထပ်ခွင့်တောင်းမယ့်နေရာကို သွားခဲ့ကြတယ်။ အဲဒီနေရာကို ရောက်တဲ့အချိန် သူ့ရဲ့သူငယ်ချင်း ၁၇ ယောက် လာနေတာကို မြင်လိုက်ရတယ်။ အဲဒီအချိန်မှာ Nadech က သူ့ကို လက်ထပ်ခွင့်တောင်းမယ်ဆိုတာ သိလိုက်တာပါပဲ။ စေ့စပ်လက်စွပ်က ၁၂ ကာရက်စိန်မဟုတ်ဘူး။ ၅.၅ ကာရက်စိန်ဖြစ်တယ်လို့ Yaya က ဆိုပါတယ်။ Nadech က ဒီလက်စွပ်ကို ဝယ်ထားတာကြာပြီဖြစ်ပြီး၂၀၂၃ ခုနှစ်အစောပိုင်းကတည်းက လက်ထပ်ခွင့်တောင်းဖို့ ပြင်ဆင်ခဲ့တာလို့ သိရပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။