လေယာဉ်ခရီးစဉ် ဖျက်သိမ်းခံရပြီးနောက် မိုင် ၁၀၀၀ ကျော်ခရီး ကားမောင်းပြီး သားသမီးတွေကို Disney World လိုက်ပို့ခဲ့သူ
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ လေယာဉ်ခရီးစဉ် ဖျက်သိမ်းခံရပြီးနောက် မိုင် ၁၀၀၀ ကျော်ခရီး ကားမောင်းပြီး သားသမီးတွေကို Disney World လိုက်ပို့ခဲ့သူ ဆိုတဲ့သတင်းလေးပဲ ဖြစ်ပါတယ်။
လေယာဉ်ခရီးစဉ် ဖျက်သိမ်းခံရပြီးနောက် မိုင် ၁၀၀၀ ကျော်ခရီး ကားမောင်းပြီး သားသမီးတွေကို Disney World လိုက်ပို့ခဲ့သူ
Disney World ကို သွားမယ့် ခရီးစဉ်အတွက် အားလုံးပြင်ဆင်ပြီးကာမှ လေကြောင်းခရီးစဉ် ဖျက်သိမ်းလိုက်ပြီးနောက်မှာ ဖခင်ဖြစ်သူက မိုင် ၁၀၀၀ ကျော် အကွာအဝေး ကားမောင်းပြီး Disney World အထိ လိုက်ပို့ပေးခဲ့ပါတယ်။ နယူးဂျာစီပြည်နယ်မှာ နေထိုင်တဲ့ မွန်တာနက်ဇ်က ကုန်စည်ပို့ဆောင်ရေးကုမ္ပဏီမှာ အလုပ်လုပ်သူဖြစ်ပြီး အလုပ်မအားတာကြောင့် ဇနီးသည်နဲ့ သားသမီးနှစ်ယောက်ရဲ့ ၂ ရက်တာ ခရီးစဉ်မှာ လိုက်ပါဖို့ အစီအစဉ် မရှိပါဘူး။ သူက လေဆိပ်အထိပဲ ပို့ပေးဖို့ ရည်ရွယ်ထားတာပါ။
ဒါပေမဲ့ လေဆိပ်ရောက်တဲ့အခါ သူတို့လိုက်ပါမယ့် United Airlines လေကြောင်းလိုင်းရဲ့ ဖလော်ရီဒါ လေကြောင်းခရီးစဉ် ဖျက်သိမ်းခံခဲ့ရပြီး တခြားလေကြောင်းခရီးစဉ်နဲ့ လိုက်ပါဖို့လည်း အဆင်မပြေ ဖြစ်ခဲ့ပါတယ်။ သူတို့က ဒီခရီးစဉ်အတွက် လနဲ့ချီ စီစဉ်ထားခဲ့တာဖြစ်လို့ သားအမိ ၃ ယောက်လုံး စိတ်ပျက်လက်ပျက် ဖြစ်ခဲ့ရပါတယ်။ အိမ်ပြန်ရတော့မယ်လို့ သူတို့ တွေးနေချိန်မှာပဲ မွန်တာနက်ဇ်က မိုင် ၁၀၀၀ ကျော်အကွာအဝေး ကားမောင်းပြီး Disney World ကို သွားဖို့ ဆုံးဖြတ်ခဲ့တာပါ။
” ကားထဲ ရောက်တော့ ကျွန်မတို့အားလုံး ကြေကွဲနေတာပေါ့။ အဲဒီမှာ ယောကျာ်းက သွားဖို့ အဆင်သင့်ဖြစ်ပြီလားလို့ မေးတော့ အိမ်ပြန်ဖို့ မေးနေတယ်ပဲ ထင်ပြီး ” အင်း” လို့ ပြန်ပြောခဲ့တာပေါ့။ ဒါဆိုလည်း ခရီးရှည်ကြီး စတင်လိုက်ရအောင်လို့ သူပြောတော့မှ ကားနဲ့ လိုက်ပို့မယ်မှန်း သိတာ” လို့ မွန်တာနက်ဇ်ရဲ့ဇနီးသည် ဂျီလ်က ဆိုပါတယ်။
မွန်တာနက်ဇ်ဟာ Disney World မှာ ကလေးတွေ ကြာကြာနေခွင့်ရစေဖို့ လမ်းခရီးမှာ ခဏပဲ နားပြီး ၁၇ နာရီဆက်တိုက် ကားမောင်းသွားခဲ့တာပါ။ ”
ကမ္ဘာပေါ်မှာ ဒီလိုလုပ်ပေးမယ့်သူမျိုး များများစားစား မရှိနိုင်ပါဘူး။ သူတို့အဖေရဲ့ ဒီလုပ်ရပ်ကိုလည်း ကလေးတွေက အလွန့် အလွန် ကျေနပ်ပီတိ ဖြစ်နေကြတယ်။ သူတို့အဖေအကြောင်း ပြောလို့မဆုံး ဖြစ်နေကြတယ်။ နာသန်က မိသားစုအတွက် တကယ့်ကို မှီခိုအားထားစရာပါပဲ” လို့ ဂျီလ်က ပြောပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။