လွန်စွာ အကျိုးထူးသော ဇယမင်္ဂလာအောင် ဂါထာတော်
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ လွန်စွာ အကျိုးထူးသော ဇယမင်္ဂလာအောင် ဂါထာတော် ဆိုတဲ့သတင်းလေးပဲ ဖြစ်ပါတယ်။
လွန်စွာ အကျိုးထူးသော ဇယမင်္ဂလာအောင် ဂါထာတော်
ဇယမင်္ဂလာအောင် ဂါထာ ရဲ့ အနက်အဓိပ္ပါယ်
ယောဇယစက္ကော – ပါရမီတော်ဆယ်ချက်အောင်လက်နက်ပိုင်ရှင်
အကြင်ဘုရားရှင် ကိုယ်တော်မြတ်ကြီးသည်
ဇယာသနေ – အောင်သိဒ္ဓိ ဆင်မြန်းသည့် ပလ္လင်နန်းမှန်ကင်း
အောင်ဗောဓိပင်ရင်း၌
ဇယိတဗ္ဗေ – အောင်အပ်သည့် တရားမာရ်ငါးပါးအပေါင်းတို့ကို
ဇယန္တော – အကြွင်းမဲ့ ချေမှုန်းလျက် ဖျက်ဖြုန်းကာ ပယ်ရှင်း၍
အောင်ခြင်းကြီး အောင်တော်မူခဲ့လေပြီး။
ဇယေသီနံ – မြတ်နိဗ္ဗာန်အောင်ခန်းနှင့် အောင်ဘိသိက် ပန်မဂ်ဗိုလ်ကို
များထိုထို ဝဋ်အတွင်းမှ လွတ်ကင်းအောင် အသာကြီးဖြင့် ရှာမီးကာ
နေကြကုန်သူတို့အား
ဇယာပေသိ – ကိုယ်တော်မြတ်နှင့်အတူ အောင်ပန်းကို ဆွတ်ချူ၍
ထွတ်အငူအမြိုက်ဓာတ်သို့ ဆိုက်ကပ်တော်မူစေ၍ အောင်စေတော်
မူလေပြီ ။
ဇယုတ္တရော – အောင်သူတကာတို့၏ မှန်ကင်း အောင်ခြင်းတကာ
တို့၏ဥသျှောင် ထွတ်ခေါင်မြတ်သရဖူ သယမ္ဘူမကိုဋ်ထီးအောင်ပွဲဝင်
ပုဂ္ဂိုလ်ကြီးဖြစ်ပေထသော
သောဇယစက္ကော – အလုံးစုံအောင်ခြင်းနှင့်ပြည့်စုံတော်မူသော
ထိုဘုရားရှင်ကိုယ်တော်မြတ်ကြီးသည်
မေ – မြတ်နိဗ္ဗူအောင်ပန်းကို ဆွတ်ခူးရန် လက်လှမ်းမှီ၍
ကြိုးပမ်းကာ အာသာကြီးဖြင့် ရှာမှီးသူ အကျွန်ုပ်အား
ဇယ – အောင်ခြင်းကို (ဝါ) အောင်ပန်းဝေမြိုင် အောင်ဖူးတွေ
ကြိုင်လှိုင်သည့် အောင်သိဒ္ဓိ ပန်းခိုင်ကြီးကို၊
ဒေတု – ပေးသနားတော်မူပါ အရှင်ဘုရား ။
ဂါထာတော်ကို ရွတ်ဖတ်ခြင်းအကျိုး
အောင်ပွဲအဆင့်ဆင့်ခံတော်မူခဲ့သော အောင်ပွဲများပိုင်ရှင်မြတ်စွာဘုရားရှင်က အောင်မြင်ချမ်းသာချင်သူတို့အားအလိုရှိသော အောင်မြင်စေရန်နည်းပေးညွှန်ပြတော်မူသည် ။ထိုအချက်ကိုဖော်ကျူးခြင်းသည် သစ္စာစကားပင်ဖြစ်၏။
ဤဂါထာကို ရွတ်ဆိုခြင်းသည်ပင်လျှင် သစ္စာဆိုခြင်းမည်တော့သည်။စီးပွားရေး၊ပညာရေး၊နိုင်ငံရေးစသည့် လူမှုရေးကိစ္စဟူသမျှအောင်မြင်ချင်သူတိုင်း အထက်ပါ “ဇယမင်္ဂလာဂါထာတော်” ကိုယုံကြည်ကိုးစားစွာ ရွတ်ဆိုသင့်ပါသည်။
နေ့စဉ် သက်စေ့ ရွတ်နိုင်လျှင် ပိုကောင်းပါသည်။ရွတ်ဆိုသောအခါ စိတ်ကိုကြည်လင် သန့်ရှင်းစွာထား၍ရွတ်ဆိုပါ။အကျိုးထူးပေးလာပါလိမ့်မည်။ ဤဂါထာကို သစ္စာပန္နက်အောင်ရှစ်ချက်ဂါထာ ဟူ၍လည်းခေါ်ဆိုပါသည်။
ရေးသားသူ –ဆရာမအလင်္ကာစေ (ဗေဒင် ၊မနော)
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။