နှစ် ၅၀ ကျော်ကြာတဲ့အထိ ကလေးတွေကို ရေကူးသင်ပေးနေဆဲ ၁၀၂ နှစ် အဘွားအို
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ နှစ် ၅၀ ကျော်ကြာတဲ့အထိ ကလေးတွေကို ရေကူးသင်ပေးနေဆဲ ၁၀၂ နှစ် အဘွားအို ဆိုတဲ့သတင်းလေးပဲ ဖြစ်ပါတယ်။
နှစ် ၅၀ ကျော်ကြာတဲ့အထိ ကလေးတွေကို ရေကူးသင်ပေးနေဆဲ ၁၀၂ နှစ် အဘွားအို
အသက် ၁၀၂ နှစ်အရွယ်အဘွားအို ပတ်ဂီ ကွန်ဇက်က ရေကူးသင်ကြားလာခဲ့တာ ဆယ်စုနှစ် ၅ စုကျော်ကြာခဲ့ပါပြီ။ အိုရီဂွန်ပြည်နယ်က YMCA of Douglas County အဖွဲ့အစည်းမှာ ကလေးတွေကို ရေကူးသင်ပေးနေတာပါ။ သူ လုပ်နိုင်နေသရွေ့ ရေကူးသင်ပေးတာကို ဆက်ပြီး လုပ်ဖို့ အစီအစဉ်ရှိနေပါတယ်။
အဘွား ပတ်ဂီကို ၁၉၂၁ ခုနှစ် ဇွန်လ ၅ ရက်နေ့က လော့စ်အိန်ဂျလိစ်မှာ မွေးဖွားခဲ့တာပါ။ နောက်ပိုင်းမှာ Butte မြို့ကို ပြောင်းရွှေ့ခဲ့ပြီး 7th Day Adventists Youth Camp တက်တဲ့အချိန် သူ့ခင်ပွန်းဖြစ်မယ့်သူနဲ့ တွေ့ဆုံခဲ့ပါတယ်။ ၁၉၄၅ ခုနှစ်မှာ သူတို့စုံတွဲက Roseburg ကို ပြောင်းရွှေ့ခဲ့ပါတယ်။ သူတို့နှစ်ဦးက ၇၉ နှစ်ကြာ ပေါင်းသင်းနေထိုင်ခဲ့ကြပါတယ်။ ပတ်ဂီရဲ့ခင်ပွန်းဖြစ်သူဟာ ၂၀၂၁ ခုနှစ်၊ အသက် ၁၀၀ မှာ ကွယ်လွန်ခဲ့ပါတယ်။
ပတ်ဂီက YMCA မှာ ပုံမှန် ရေကူးဖြစ်ပြီး သူငယ်ချင်းတစ်ယောက်နဲ့အတူ မိဘ-ကလေးရေကူးသင်တန်းတွေမှာ ပါဝင်ဖြစ်ခဲ့ပါတယ်။ ပတ်ဂီက ရေကူးသင်ကြားရေးလက်မှတ်ရထားပြီးသားပါ။ မိဘတွေနဲ့ ကလေးတွေကို ရေကူးနည်းနဲ့ ကူညီပေးရတာကို နှစ်သက်တယ်လို့ သူက ဆိုပါတယ်။ “ဒါက ကျွန်မကို ပျော်ရွှင်စေတယ်။ ကလေးတွေကို ရေကူးသင်ပေးရတာ ဝမ်းသာတယ်။ မိဘတွေနဲ့လည်း ရင်းနှီးတဲ့ဆက်ဆံရေးရှိလို့ နှစ်သက်မိတယ်”လို့ ပတ်ဂီက ပြောပါတယ်။
ပတ်ဂီက တနင်္လာနဲ့ ဗုဒ္ဓဟူးနေ့တွေမှာ ရေကူးသင်ပေးပြီး အင်္ဂါ၊ ကြာသပတေးနဲ့ သောကြာနေ့တွေဆို သူ ရေကူးဖို့ လာပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။