ဂြိုဟ်သားယာဉ်ဒီဇိုင်းမျိုးရှိတဲ့ ကမ္ဘာ့အကြီးမားဆုံး ရုံတွင်းရေနေသတ္တဝါဥယျာဉ်
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ဂြိုဟ်သားယာဉ်ဒီဇိုင်းမျိုးရှိတဲ့ ကမ္ဘာ့အကြီးမားဆုံး ရုံတွင်းရေနေသတ္တဝါဥယျာဉ် ဆိုတဲ့သတင်းလေးပဲ ဖြစ်ပါတယ်။
ဂြိုဟ်သားယာဉ်ဒီဇိုင်းမျိုးရှိတဲ့ ကမ္ဘာ့အကြီးမားဆုံး ရုံတွင်းရေနေသတ္တဝါဥယျာဉ်
ကမ္ဘာတစ်ဝန်းက ရှားပါးရေနေသတ္တဝါတွေကို မြင်တွေ့ရတင်မကဘဲ သိပ္ပံစိတ်ကူးယဉ်ဇာတ်လမ်းတွေထဲက ယာဉ်ဒီဇိုင်းမျိုး ပုံဖော်ထားတာကြောင့် တရုတ်နိုင်ငံရဲ့ ကျူးဟိုင်ချီမီလောင် ရေနေသတ္တဝါသိပ္ပံဥယျာဉ်က နာမည်ကျော်ကြားပါတယ်။
ကမ္ဘာတစ်ဝှမ်းက မျိုးစိတ်ပေါင်း ၃၀၀ ဝန်းကျင်ရှိပြီး ရေနေသတ္တဝါ အကောင်ရေ ၁ သိန်းကျော်ရှိတဲ့အပြင် ပုံသဏ္ဍာန်ခွဲခြားထားတဲ့ နေရာ ၁၀ ခုမှာ သဏ္ဍာကျောက်တန်း အမျိုးအစား ၁၀၀ လောက်ကို ပြသထားပါတယ်။ ဒါကြောင့်လည်း ကျူးဟိုင် ရေနေသတ္တဝါသိပ္ပံဥယျာဉ်ဟာ ကမ္ဘာ့အကြီးဆုံး ရုံတွင်း သိပ္ပံဥယျာဉ်လို့ သတ်မှတ်ထားကြတာပါ။
၁၀ နှစ်ကြာ အစီအစဉ် ရေးဆွဲပြီး ၅ နှစ်စီမံကိန်းနဲ့ ဆောက်လုပ်တဲ့ ကျူးဟိုင် ရေနေသတ္တဝါသိပ္ပံဥယျာဉ်ကို ၂၀၂၁ ခုနှစ်မှာ ဖွင့်လှစ်ဖို့ ရည်ရွယ်ထားပေမဲ့ နှောင့်နှေးကြန့်ကြာမှုတွေ ရှိခဲ့ပြီး ၂၀၂၃ ခုနှစ် စက်တင်ဘာလမှ ဖွင့်လှစ်နိုင်ခဲ့တာပါ။ အမေရိကန်ဒေါ်လာ ၁.၁ ဘီလျံ အကုန်အကျခံ တည်ဆောက်ခဲ့တာဖြစ်ပြီး ကမ္ဘာ့ကုန်ကျစရိတ်အများဆုံး ရေနေသတ္တဝါသိပ္ပံဥယျာဉ်အဖြစ်လည်း မှတ်တမ်းဝင်ပါတယ်။
မီတာ ၆၅၀ ရှည်လျားပြီး စတုရန်းမီတာ ၄ သိန်းနီးပါး ကျယ်ဝန်းပါတယ်။ တစ်ရက်ကို လာရောက်ကြည့်ရှုသူ ၅၀၀၀၀ အထိ ဝင်ဆံ့ပါတယ်။ ကမ္ဘာ့အကြီးမားဆုံး ရေနေပြခန်းနဲ့ ကမ္ဘာ့အကြီးဆုံး သက်ရှိသဏ္ဍာကန်တွေ အပါအဝင် စံချိန်အများအပြား တင်ထားနိုင်ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။