ကမ္ဘာ့အကြီးဆုံး သင်္ဘောမကရိန်း
မင်္ဂလာပါ ပရိသတ်ကြီးရေ.. မိုးနတ်မင်း သတင်းစုံမှ ကြိုဆိုလိုက်ပါတယ်။ အခုတင်ဆက်ပေးမယ့် သတင်းလေးကတော့ ကမ္ဘာ့အကြီးဆုံး သင်္ဘောမကရိန်း ဆိုတဲ့သတင်းလေးပဲ ဖြစ်ပါတယ်။
ကမ္ဘာ့အကြီးဆုံး သင်္ဘောမကရိန်း
တရုတ်နိုင်ငံ ကွေ့ကျိုးပြည်နယ်မှာ တည်ရှိတဲ့ ဂေါ်ပီတန်သင်္ဘောမ ကရိန်းဟာ ကမ္ဘာ့အကြီးဆုံး သင်္ဘောမကရိန်းဖြစ်ပါတယ်။ ဂေါ်ပီတန်သင်္ဘောမကရိန်းဟာ ယန်ဇီမြစ်ရဲ့ မြစ်လက်တက်ဖြစ်တဲ့ ဝူမြစ်ပေါ်မှာ တည်ရှိပြီး ဂေါ်ပီတန် ရေအားလျှပ်စစ်စက်ရုံမှာ တည်ဆောက်ထားတာဖြစ်ပါတယ်။
ဂေါ်ပီတန် သင်္ဘောမကရိန်းကြီးကို ဟိုက်ဒရောလစ် ကရိန်း ၃ ခုနဲ့ ဖွဲ့စည်းထားပြီး ၂.၃ ကီလိုမီတာ ရှည်လျားတဲ့ တူးမြောင်းနဲ့ ချိတ်ဆက်ထားတာပါ။ တန်ချိန် ၁၈၀၀ အထိ မတင်နိုင်စွမ်းရှိပြီး တစ်မိနစ်ကို ၈ မီတာ အမြန်နှုန်း မတင်နိုင်ပါတယ်။ ပိတ်ဆို့မှု ဖြစ်နိုင်ခြေကို ရှောင်ကျဉ်းပြီး သင်္ဘော မတင်နိုင်စွမ်းကို အမြင့်ဆုံးဖြစ်စေဖို့အတွက် အဆင့် ၃ ဆင့် ခွဲခြားထားပါတယ်။
ကရိန်း ၃ ခုကို ကိုယ်ပိုင်စနစ်နဲ့ လှုပ်ရှားစေတာဖြစ်လို့ ကရိန်း ၃ ခုဟာ တပြိုင်တည်းမှာပဲ သင်္ဘော ၁ စင်းစီကို မတင်ပေးနိုင်စွမ်းရှိပါတယ်။ တန်ချိန် ၅၀၀ ရှိတဲ့ သင်္ဘောတစ်စင်းကို (ပျမ်းမျှအားဖြင့် ခရီးသည်တင် သင်္ဘောတစ်စင်းရဲ့တန်ချိန်) မတင်ဖို့ အချိန် ၁၀ မိနစ်ပဲ ကြာမြင့်မှာပါ။
ဂေါ်ပီတန် သင်္ဘောမကရိန်း မတင်ခင် ကမ္ဘာ့အကြီးဆုံးသင်္ဘောမကရိန်းအဖြစ် စံချိန်တင်ခဲ့တာကလည်း တရုတ်နိုင်ငံရဲ့ မြစ်ကျဉ်းသုံးသွယ် ရေအားလျှပ်စစ်စက်ရုံမှာ တည်ရှိတဲ့ သင်္ဘောမကရိန်းဖြစ်ပါတယ်။ အဲဒီကရိန်းဟာ ဂေါ်ပီတန်သင်္ဘောမကရိန်းထက် ၁၄ မီတာပဲ နိမ့်ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။