အလုပ်လိုချင်တာလား…?
ယနေ့ခေတ် လူငယ်လေးများမှာ အလုပ် အလုပ် အလုပ်နှင့် အလုပ်နောက်လိုက်နေကြရသည်။ အလုပ်တစ်ခုရဖို့အရေး ကုမ္ပဏီပေါင်းများစွာ ဝင်ထွက်ရသည်။ စက်ရုံပေါင်းများစွာ သွားရသည်။ ဌာနဆိုင်ရာ ပေါင်းစုံကိုရောက်သည်။
မိမိနှစ်သက်သော အလုပ်ဆိုလျှင် စီဗွီဖောင်တင်ပြီးသည်နှင့် အင်တာဗျူးခေါ်ပါစေ ဆုတောင်းနေရသည်။
အင်တာဗျူးဝင်ပြီး ပြန်တော့ အလုပ်ခန့်ပါစေ ဆုတောင်းရပြန်သည်။
ထို့ကြောင့် မိမိလျှောက်ထားသော အလုပ်ရစေဖို့ ဗေဒင်နည်းဖြင့် တွက်ချက်ထားသော အဆောင်ယတြာလေးများကို ဖော်ပြပေးလိုက်ပါသည်။
ယုံကြည်မှုအပြည့်ဖြင့် ဆောင်သွားဖို့တော့လိုပါသည်။
ကဲ စကြရအောင်…။
မိမိ၏ရောက်စဲအသက်ကို ခုနစ်ဖြင့်စားလိုက်ပါ။ အကြွင်းများရပါလိမ့်မည်။
အသက်မှန်ဖို့တော့ လိုပါသည်။
(၁) ကြွင်းသမား ပိန်းရွက်သို့မဟုတ် ပျဉ်းမရွက်ပေါ်တွင် အရင်းဘက်မှစ၍ “လျှောက်ထားသောအလုပ်” အဆင်ပြေပါစေဟု အဖျားဘက်သို့ ရေးသွားပါ။
(၂) ကြွင်းသမား သီဟိုဠ်ရွက်သို့မဟုတ် သီးရွက်ပေါ်မှာ အထက်ပါအတိုင်းရေးပါ။
(၃) ကြွင်းသမား ဒန်းရွက်၊ နာနတ်ရွက်၊ ထန်းရွက်ပေါ်မှာ အထက်ပါအတိုင်းရေးပါ။
(၄) ကြွင်းသမား အုန်းရွက်ပေါ်မှာ အထက်ပါနည်းအတိုင်းရေးပါ။
(၅) ကြွင်းသမား ကံ့ကော်ရွက်ပေါ်တွင် အထက်ပါနည်းအတိုင်းရေးပါ။
(၆) ကြွင်းသမား ညောင်ရွက်ပေါ်တွင် အထက်ပါနည်းအတိုင်းရေးပါ။
(၇) ကြွင်း သို့မဟုတ် (၀) ကြွင်းသမား ရွက်လှ (သို့) ဝါးရွက်ပေါ်တွင် အထက်ပါနည်းအတိုင်းရေးပါ။
ရေးပြီးလျှင် စီဗွီဖောင်သွားတင်သည့်နေ့မှစ၍ အိမ်ပြင်ကို အလုပ်ကိစ္စနှင့် သွားတိုင်း အဆောင်ထည့်ထားသော အိတ်ကိုယူသွားပါ။ မေ့၍မရပါ။
အလုပ်ရပြီဆိုလျှင် အဆောင်ကို ထုတ်ယူ၍ မိမိအလုပ်လုပ်မည့်စက်ရုံ၊ ကုမ္ပဏီဝင်းတစ်နေရာတွင် ပစ်လိုက်ပါ။
“လွယ်ပါတယ်” ဆိုပြီး ပေါ့ပေါ့လျော့လျော့ မလုပ်ဖို့တော့ လိုပါသည်။
ရေးသားသူ –ဇာဇာ ဗေဒင် ယတြာ
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
