ဝက်ဝံရုပ်တွေနဲ့ ပြုလုပ်ထားပြီး ၁၀၀ ကီလိုဂရမ်လေးတဲ့ ပွဲတတ်ဝတ်စုံ
ဆုပေးပွဲအခမ်းအနားတော်တော်များများရဲ့အနီရောင်ကော်ဇောထက်မှာဆိုရင် အလန်းစားဖက်ရှင်တွေ မြင်ဖူးတွေ့ဖူးကြပေမဲ့ အခုဖက်ရှင်ကတော့ တမူထူးခြားပါတယ်။ လူအများရဲ့အာရုံကို ဖမ်းစားနိုင်ခဲ့ပါတယ်။ အဲဒီဝတ်စုံကတော့ ဝက်ဝံရုပ်တွေနဲ့ ပြုလုပ်ထားတဲ့ ၁၀၀ ကီလိုဂရမ်လေးတဲ့ ပွဲတတ်ဝတ်စုံပါပဲ။
တရုတ်သဘင်နဲ့အနုပညာအေဂျင်စီမန်နေဂျာနဲ့စီးပွားရေးလုပ်ငန်းရှင် ယန်ထရန်ကျန့်က ဒီဝတ်စုံကို ဝတ်ဆင်ပြီး GQ’s Men of The Year ဆုပေးပွဲအခမ်းအနားကို တက်ရောက်ခဲ့တာပါ။ ဒီဝတ်စုံက လည်ပင်းကနေ ခြေဖျားအထိ ဝက်ဝံရုပ်တွေနဲ့ လွှမ်းခြုံထားပြီး အလေးချိန် ၁၀၀ ကီလိုဂရမ်လောက်ရှိပါတယ်။ ဒီဝတ်စုံက ရေ ၁ လီတာ ဘူး ၁၀၀ နဲ့ညီမျှတဲ့ အလေးချိန်ရှိတဲ့အတွက် လေးလံမယ်ထင်ပါတယ်။
ယန်ထရန်ကျန့်ကတော့ ဒီဝတ်စုံက သက်တောင့်သက်သာရှိတယ်လို့တော့ သူ့ရဲ့အင်စတာဂရမ်ပို့စ်မှာ ဖြေကြားထားပါတယ်။ ဒါပေမဲ့ အဲဒီနေ့က တစ်ညလုံးအလွယ်တကူသွားလာရအဆင်ပြေဖို့အတွက် အခြားဝတ်စုံ ၂ စုံကို လဲလှယ်ဝတ်ဆင်ခဲ့ပါသေးတယ်။
မြန်မာနိုင်ငံမှာလည်း ဝက်ဝံရုပ်တွေနဲ့ ဖန်တီးထားတဲ့ဝတ်စုံကို သရုပ်ဆောင်မင်းသမီးဖွေးဖွေးဝတ်ဆင်ခဲ့ပါသေးတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။