ကမ္ဘာ့အသက်အကြီးဆုံး ကုန်းနေသတ္တဝါအဖြစ် စံချိန်တင်ပြီး သက်တမ်း ၁၉၁ နှစ် ပြည့်ခဲ့တဲ့ လိပ်ကြီး ဂျိုနသန်
ကမ္ဘာ့အသက်အကြီးဆုံး ကုန်းနေသတ္တဝါအဖြစ် စံချိန်တင်ထားတဲ့ လိပ်ကြီး ဂျိုနသန်ဟာ အသက် ၁၉၁ နှစ် ပြည့်မြောက်သွားခဲ့ပါပြီ။ Seychelles လိပ်ကြီးမျိုးဖြစ်တဲ့ ဂျိုနသန်ဟာ တောင်ပိုင်းအတ္တလန္တိတ်သမုဒ္ဒရာထဲက ဗြိတိန်ရဲ့ ရေမြေခြားပိုင်နက်ဖြစ်တဲ့ စိန့်ဂယ်လီနာကျွန်းမှာ ပေါက်ဖွားခဲ့တာပါ။
သူ့ရဲ့သက်တမ်းအတွင်း ဗြိတိန်ထီးနန်း ပြောင်းလဲမှု ၈ ဆက်ရှိခဲ့ပြီး အမေရိကန်သမ္မတ ပြောင်းလဲမှု ၄၁ ကြိမ် ရှိခဲ့ပါတယ်။ အသက် အလွန်အမင်း ကြီးရင့်လာတာကြောင့် ဂျိုနသန်ဟာ အနံ့ပျောက်တာ၊ အမြင်အာရုံ ဝေဝါးတာ အစရှိတဲ့ စိန်ခေါ်မှုတွေ ကြုံနေပေမဲ့ ထိန်းသိမ်းစောင့်ရှောက်သူ ဂျိုးဟိုလင်က ဟင်းသီးဟင်းရွက်နဲ့ သစ်သီးတွေ ဂရုတစိုက် ကျွေးမွေးနေပြီး ဂျိုနသန်ကလည်း အစာစားချင်စိတ် ထက်သန်နေဆဲဖြစ်လို့ ယခုထက်ထိ အသက်ရှည်တာ ဖြစ်ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။