ဘာမှ လုပ်စရာမလိုဘဲ တစ်နှစ်အတွင်း ဒေါ်လာ ၁ ဘီလျံ ရရှိသူ
စတိဗ်ဘောမားဆိုတာ ကမ္ဘာပေါ်မှာ ဆဋ္ဌမမြောက် အချမ်းသာဆုံးပုဂ္ဂိုလ်ဖြစ်ပြီး Microsoft ကုမ္ပဏီ အမှုဆောင်ချုပ်ဟောင်း ဖြစ်ပါတယ်။ သူဟာ ၂၀၂၄ ခုနှစ်မှာ ဘာမှ လုပ်စရာမလိုဘဲ တစ်နှစ်အတွင်း ဒေါ်လာ ၁ ဘီလျံ ရရှိတော့မှာပါ။ ဘာကြောင့်လဲဆိုတော့ Microsoft ကုမ္ပဏီရဲ့ ၃ လပတ် အမြတ်အစွန်း ခွဲတမ်းအရ ရှယ်ယာတစ်စုကို ၇၅ စင့် ပိုမိုရရှိမှာဖြစ်ပြီး တစ်နှစ်တာအတွက်ဆိုရင် ရှယ်ယာတစ်စုကို ၃ ဒေါ်လာ ပိုမိုရရှိမှာဖြစ်ကာ စတိဗ်ဘောမားက ရှယ်ယာအစုပေါင်း ၃၃၃.၂ သန်း ပိုင်ဆိုင်ထားတာကြောင့်ပါပဲ။
သူဟာ ကုမ္ပဏီရဲ့ ရှယ်ယာ ၄ ရာခိုင်နှုန်းလောက် ပိုင်ဆိုင်ထားတာကြောင့် ၂၀၂၄ ဘဏ္ဍာနှစ်မှာ ဝင်ငွေ ဒေါ်လာ ၁ ဘီလျံအထိ ပိုမိုရရှိတော့မှာဖြစ်ပါတယ်။ Microsoft ကုမ္ပဏီဟာ ၂၀၀၃ ခုနှစ်ကစပြီး ရှယ်ယာရှင်တွေကို အမြတ်ငွေ ခွဲပေးခဲ့တာဖြစ်ပြီး နှစ်စဉ်နှစ်တိုင်း အမြတ်ငွေ ပိုတိုးလာစမြဲပါပဲ။
စတိဗ်ဘောမားအနေနဲ့ ဝင်ငွေ ဒေါ်လာ ၁ ဘီလျံ တိုးလာမှာဖြစ်ပေမဲ့ Microsoft ကုမ္ပဏီရဲ့ အမြတ်ငွေခွဲတမ်းတစ်ခုတည်းတင် ဝင်ငွေခွန် ဒေါ်လာ သန်း ၂၀၀ ပေးဆောင်ရဖွယ် ရှိနေပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။