တရုတ်နိုင်ငံမှာ စွန်းဝူခုန်းလို ဝတ်ပြီး ၃ နာရီအချိန်ပေးတာနဲ့ တလကို ၈၅၂ ဒေါ်လာ ရရှိတဲ့ အလုပ်
တရုတ်နိုင်ငံမှာ မျောက်မင်း စွန်းဝူခုန်းလို ဝတ်ဆင်ပြီး လုပ်ရတဲ့အလုပ်က လူသိများနေပါတယ်။ လုပ်မယ့်သူက စွန်းဝူခုန်းလို ဝတ်ဆင်ပြီး ၂ နာရီ – ၃ နာရီကြာ ကျောက်ဂူထဲဝင်ပြီး သတ်မှတ်ထားတဲ့အလုပ်အချိန်အတွင်း အလည်အပတ်လာသူတို့ရဲ့အစာကို အကျွေးခံရမှာပါ။
ဒီအလုပ်က တရုတ်နိုင်ငံမြောက်ပိုင်း Hebei ပြည်နယ်က Taihang Wuzhishan ရှုခင်းသာဧရိယာမှာ ခေါ်နေတဲ့ အလုပ်တွေထဲက တစ်ခုပါ။ ဒီအလုပ်အတွက် တစ်လကို ယွမ် ၆၀၀၀ ( ၈၅၂ ကန်ဒေါ်လာ) ပေးတယ်လို့ တရုတ်သတင်းဌာနတစ်ခုရဲ့ဖော်ပြချက်အရ သိရပါတယ်။
“ဒီအလုပ်အတွက် ပညာရေးဆိုင်ရာလိုအပ်ချက်တွေမရှိပါဘူး။ အဓိကအားဖြင့် စွန်းဝူခုန်းလို ဝတ်ဆင်ရတာ နှစ်သက်ပြီး သူ့လို သရုပ်ဆောင်နိုင်စွမ်းရှိတယ်။ ခရီးသွားအလည်ပတ်လာတဲ့သူတွေကို တက်ကြွ၊ ပျော်ရွှင်စွာနဲ့ အပြန်အလှန်ဆက်ဆံနိုင်ရမယ်”လို့ မန်နေဂျာက ပြောပါတယ်။
ဂူထဲမှာ အရမ်းချမ်းလာတာမျိုးတွေဖြစ်မှာဆိုးတဲ့အတွက် အပူပေးစက်တပ်ပေးထားတယ်။ စွန်းဝူခုန်းလို ဝတ်ဆင်ထားတဲ့သူတွေကို ခရီးသွားအလည်ပတ်လာတဲ့သူတွေက ပန်းသီးတွေ၊ ငှက်ပျောသီးတွေကျွေးမွေးနေတဲ့ဗီဒီယိုတွေဟာ တရုတ်လူမှုကွန်ယက်မှာ ပျံ့နှံ့ခဲ့ပါတယ်။ နောက်ထပ်နေရာတစ်ခုအတွက် စွန်းဝူခုန်းလိုဝတ်ဆင်နိုင်မယ့် လူ ၂ ဦးကို ငှားထားပြီးပြီလို့ သိရပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။