အမဲသားပရိုတိန်းဓာတ်နဲ့ အဆီဆဲလ် ပေါင်းစပ်ဖန်တီးထားတဲ့ ဆန်တစ်မျိုးကို ကိုရီးယားသိပ္ပံပညာရှင်တွေ တီထွင်
အမဲသားမှာ ပါဝင်တဲ့ ပရိုတိန်းဓာတ်၊ အဆီဆဲလ်တွေ ပေါင်းစပ်ထားပြီး ပန်းရောင်အဆင်းရှိတဲ့ ရောနှောဆန်တစ်မျိုးကို တောင်ကိုရီးယားနိုင်ငံ ဆိုးလ်မြို့ ယွန်ဆိုင်းတက္ကသိုလ်မှ သိပ္ပံပညာရှင်တွေက တီထွင်ဖန်တီးခဲ့ပါတယ်။ တောင်ကိုရီးယားသိပ္ပံပညာရှင်တွေ ဖန်တီးတဲ့ ရောနှောဆန်ဟာ သာမန်ဆန်တွေထက် ပရိုတိန်းဓာတ် ၈ ရာခိုင်နှုန်း၊ အဆီဓာတ် ၇ ရာခိုင်နှုန်း ပိုမိုပါဝင်ပြီး အမဲသားလို အရသာမျိုး ရှိမှာပါ။
ပရိုတိန်းဓာတ်၊ အဆီဆဲလ်တွေ ပေါင်းစပ်ထားတဲ့ ဆန်ဟာ တချိန်ကျရင်တော့ ဟင်းမလိုဘဲ ထမင်းချည်းသီးသန့်စားနိုင်တဲ့ အနေအထားဖြစ်လာမှာပါ။ ဓာတ်ခွဲခန်းမှာ မွေးမြူထားတဲ့ ဆဲလ်တွေကို တစ်သျှူးဖြစ်လာအောင် ငြမ်းစင်ပေးပြီး စိမ့်ဝင်ပျံ့နှံ့လွယ်တဲ့ ဆန်ထဲကို ပေါင်းစပ်ထည့်သွင်းလိုက်တာပါ။ ဆန်ထဲကို အမဲသားဆဲလ်တွေ ပေါင်းစပ်ဝင်ရောက်သွားနိုင်စေဖို့အတွက် ဆန်ကို ငါးအကြေးခွံကရတဲ့ အဆီထဲ ၁၁ ရက်ကြာ စိမ်ထားတာ ဖြစ်ပါတယ်။
သိပ္ပံပညာရှင်တွေဟာ ဆန်ရဲ့ အရသာ အပြောင်းအလဲဖြစ်စေဖို့ ဆန်ကို တခြားအသား သို့မဟုတ် တခြားငါးအဆီတွေနဲ့ စိမ်ပြီး ဆဲလ်ပေါင်းစပ်ဖို့လည်း ပြင်ဆင်နေပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
