အရွယ်နဲ့မလိုက်အောင် နုပျိုနေတဲ့ အသက် ၇၀ အရွယ် မင်းသမီးကြီးခရစ္စတီးဘရင်ကလေ
ပုံမှာ မြင်ရတဲ့ မင်းသမီး ခရစ္စတီးဘရင်ကလေက အသက် ၇၀ အရွယ်ရှိပါပြီ။ ဒါပေမဲ့ အရွယ်နဲ့မလိုက်အောင် နုပျိုလန်းဆန်းနေလို့ လူမှုကွန်ရက်ပေါ်မှာ အံ့အားသင့်စေခဲ့သူပါ။ ဘရင်ကလေက အသက် ၇၀ ပြည့်မွေးနေ့မှာ သူ့ဘဝ ဖြတ်သန်းမှုအကြောင်းနဲ့ သူ့စိတ်သဘောထားကို ကဗျာလေးတစ်ပုဒ် ရေးထားပါတယ်။
အဲဒီကဗျာထဲမှာတော့ သူ ဖြတ်သန်းခဲ့ရတဲ့ဘဝကို ပျော်ရွှင်ကြောင်း၊ သူ့ရဲ့ဖြစ်တည်မှုကို လက်ခံတတ်ပြီး ကိုယ့်ကိုယ်ကိုယ် ချစ်မြတ်နိုးတာဟာ နုပျိုရခြင်းရဲ့ အဓိကအကြောင်းရင်း ဖြစ်တယ်လို့ ရေးသားထားပါတယ်။
၁၉၇၃ ခုနှစ်မှာ ဘရင်ကလေကို အမေရိကန်ဓာတ်ပုံဆရာတစ်ဦးက တွေ့ရှိသွားပြီး မော်ဒယ်အဖြစ် ဓာတ်ပုံရိုက်ခဲ့သလို မော်ဒယ်အေဂျင်စီနဲ့လည်း ချိတ်ဆက်ပေးခဲ့ပါတယ်။ အဲဒီနောက်မှာတော့ ဘရင်ကလေဟာ မဂ္ဂဇင်းမျက်နှာဖုံးရှင်အဖြစ် ၂၅ နှစ်ကြာ ကျင်လည်ခဲ့ပြီး မဂ္ဂဇင်းမျက်နှာဖုံး ၅၀၀ ကျော်အထိ ပါဝင်ခဲ့ပါတယ်။ သူဟာ ရုပ်ရှင်ဇာတ်ကားပေါင်းများစွာမှာလည်း ပါဝင်သရုပ်ဆောင်ခဲ့သူပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။