ရုရှားစစ်သင်္ဘော ယူကရိန်း တိုက်ခိုက်နှစ်မြှုပ်လိုက်တယ်လို့ပြော
ရုရှား စစ်သင်္ဘောတစင်းကို အဝေးက မြင်ရပုံ
ပင်လယ်နက်ထဲက ခရိုင်းမီးယား တောင်ပိုင်း ကမ်းလွန်ပင်လယ်ပြင်မှာ နောက်ထပ် ရုရှားစစ်သင်္ဘောကို ဖျက်ဆီး လိုက်တယ်လို့ ယူကရိန်း စစ်တပ်က ပြောပါတယ်။
အဖျက်ခံရတဲ့ စစ်သင်္ဘော အမည်က ဆီဇာ ခူနီကော့ဗ် ဖြစ်ပြီး လေယာဉ်တွေ အတက်အဆင်းလုပ်နိုင်တဲ့ သင်္ဘောကြီး တစင်း ဖြစ်ပါတယ်။
ပင်လယ်ပြင်မှာ ဖောက်ခွဲရေး ဒရုန်းတွေနဲ့ တိုက်ခိုက်ခဲ့တဲ့ ဗီဒီယိုတွေကို ယူကရိန်း စစ်ထောက်လှမ်းရေးက ထုတ်ပြန်ခဲ့ပါတယ်။
တိုက်ခိုက်ခံရပြီးနောက် အဲဒီစစ်သင်္ဘော ကို ရှာဖွေ ကယ်ဆယ်ရေး လုပ်ခဲ့ရာမှာ အောင်မြင်မှုမရဘဲ နစ်မြုပ်သွားတယ်လို့ ယူကရိန်းဘက်က ဆိုပါတယ်။
အဲဒီသင်္ဘောရဲ့ အသွင်အပြင်ပုံရိပ်တွေဟာ ဆီဇာခူနီကော့ဗ် သင်္ဘောအမျိုးအစားနဲ့ တထပ်တည်း ဖြစ်နေတယ်လို့ ဘီဘီစီက ကျွမ်းကျင်သူတွေက ပြောပါတယ်။
ဒီကိစ္စနဲ့ ပတ်သက်လို့ ရုရှားအစိုးရဘက်က တစုံတရာ တုံ့ပြန်ပြောကြားမှု မရှိခဲ့ပါဘူး။
ရေးသားသူ –BBC Burmese
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။