စစ်တုရင်ပြိုင်ပွဲမှာ ဂရန်းမာစတာကို အနိုင်ရတဲ့ အသက်အငယ်ဆုံးစစ်တုရင်သမား
အသက် ၈ နှစ်၊ ၆ လ၊ ၁၁ ရက်အရွယ်ပဲ ရှိသေးတဲ့ ကလေးငယ်တစ်ယောက်ဟာ စစ်တုရင်ပြိုင်ပွဲမှာ ဂရန်းမာစတာကို အနိုင်ရတဲ့ အသက်အငယ်ဆုံး စစ်တုရင်ကစားသမားအဖြစ် စံချိန်တင်နိုင်ခဲ့ပါတယ်။ ဆွစ်ဇာလန်နိုင်ငံမှာ ကျင်းပတဲ့ ဘာ့ဂ်ဒေါ်ဖာစတက်သက်အိုးပင်းပြိုင်ပွဲရဲ့ စတုတ္ထအဆင့်မှာ ကလေးငယ် ကူရှစ်က ပိုလန်နိုင်ငံသား ဂရန်းမာစတာ စတိုပါကို အနိုင်ရခဲ့တာပါ။
ယခင်စံချိန်ဟောင်းကတော့ ပြီးခဲ့တဲ့လက ကျင်းပခဲ့တဲ့ စစ်တုရင်ပြိုင်ပွဲမှာ အသက် ၉ နှစ်နီးပါးရှိတဲ့ ဆားဘီးယားကလေးငယ် အီဗန်နိုဗစ်က ဂရန်းမာစတာတစ်ဦးကို အနိုင်ရခဲ့တာပါ။ ဒါပေမဲ့ အခုအခါမှာ ကူရှစ်က အဲဒီစံချိန်ကို ၅ လအကွာနဲ့ ချိုးဖျက်နိုင်ခဲ့တာ ဖြစ်ပါတယ်။
ကူရှစ်ကို ၂၀၁၅ ခုနှစ်က အိန္ဒိယနိုင်ငံမှာ မွေးဖွားခဲ့တာဖြစ်ပြီး လက်ရှိအချိန်မှာတော့ စင်ကာပူနိုင်ငံမှာ နေထိုင်လျက်ရှိပါတယ်။ သူဟာ ကမ္ဘာတစ်ဝန်းက လူငယ်စစ်တုရင်ပြိုင်ပွဲတွေမှာ အနိုင်ရခဲ့ပြီး ၂၀၂၂ ခုနှစ် အသက် ၈ နှစ်အောက် ကမ္ဘာ့အမြန်ရွှေ့စစ်တုရင်ပြိုင်ပွဲမှာလည်း ချန်ပီယံဖြစ်ခဲ့သူပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။