ဘီလာရုစ်အနုပညာရှင် တည်ဆောက်တဲ့ ရေခဲလှေ
ဘီလာရုစ် အနုပညာရှင် အိုင်ဗန်ကာပစ္စကီးက ရေခဲနဲ့ ဆီးနှင်းလက်ရာတွေကြောင့် နာမည်ကျော်ကြားသူပါ။ ၂၀၂၀ ပြည့်နှစ်မှာ ရေခဲတုံးကို တယောပုံစံ ထုဆစ်ပုံဖော်ထားတဲ့ သူ့လက်ရာကြောင့် ဘီလာရုစ်သတင်းစာမှာ သူ့အကြောင်း စတင်ဖော်ပြခံရပြီး နာမည်ကျော်လာခဲ့သူ ဖြစ်ပါတယ်။
အခုလည်း ကာပစ္စကီးက ရေခဲတုံးတွေကို အသုံးပြုပြီး ရေခဲလှေ တစ်စင်း ဖန်တီးပြခဲ့ပါတယ်။ ရေခဲလှေမှာ တက်မနဲ့ ရေဒယက်တွေ တပ်ဆင်ထားပေမဲ့ တကယ့်လှေအစစ်နဲ့ တူအောင်သာ ဖန်တီးထားတာဖြစ်ပြီး လှေရဲ့ ဦးတည်ရာကို ထိန်းချုပ်နိုင်ဖို့တော့ လုပ်ဆောင်နိုင်ခြင်း မရှိပါဘူး။
ကာပစ္စကီးက ရေခဲလှေ ဘယ်လိုဖန်တီးခဲ့သလဲဆိုတော့ အသေးစိတ် အချက်အလက်တွေကို ထုတ်ပြောခဲ့ခြင်းမရှိပေမဲ့ မင့်စ်မြို့ရဲ့မြောက်ဘက် တိုင်ဆန်ကိုးဆည်ရဲ့ ကမ်းဘေးတစ်နေရာမှာ ရေခဲလှေ တည်ဆောက်ခဲ့တာလို့ ဆိုပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။