မျက်နှာခွဲစိတ်ပြီး ခွဲစိတ်ခမပေးဘဲ ဆေးရုံက လစ်ထွက်ဖို့ ကြိုးစားခဲ့တဲ့ အမျိုးသမီး
မျက်နှာခွဲစိတ်ပြုပြင်ခဲ့တဲ့ အမျိုးသမီးတစ်ဦးဟာ ခွဲစိတ်ခ မပေးချင်လို့ ဆေးရုံကနေ ထွက်ပြေးဖို့ ကြိုးစားခဲ့ပါတယ်။ တူရကီနိုင်ငံ အစ္စတန်ဘူလ်မြို့ရဲ့ စစ္စလီဒေသ ဆေးရုံမှာ အခုလို ဖြစ်ပွားခဲ့တာပါ။
အွန်လိုင်းပေါ် တင်ထားတဲ့ ရုပ်သံမှတ်တမ်းအရ ဆေးရုံဝတ်စုံဝတ်ပြီး ဆေးရုံသုံးဖိနပ် စီးထားတဲ့ အမျိုးသမီးဟာ ဆရာဝန်တွေ၊ သူနာပြုတွေနဲ့ အချင်းများနေတာ တွေ့ရပါတယ်။ သူ့မျက်နှာဟာ သိသိသာသာ ရောင်ယမ်းနေပြီး ပတ်တီးတွေ စည်းထားဆဲ ဖြစ်တာကြောင့် မကြာသေးခင်ကမှ မျက်နှာခွဲစိတ်မှု လုပ်ထားတယ်ဆိုတာ ထင်ရှားပါတယ်။
အဲဒီအမျိုးသမီးဟာ နိုင်ငံခြားသူတစ်ဦးဖြစ်ပြီး မျက်နှာခွဲစိတ်မှုလုပ်ဖို့ တူရကီနိုင်ငံကို လာခဲ့တာလို့ တူရကီသတင်းဌာန NTV က ဖော်ပြခဲ့ပေမဲ့ ဘယ်နိုင်ငံသူလဲ၊ နာမည်၊ အသက်တို့ကိုတော့ ဖော်ပြခဲ့ခြင်းမရှိပါဘူး။ သူဟာ ခွဲစိတ်ခပေးဖို့ သဘောတူညီခဲ့ပြီး ဖြစ်ပေမဲ့ မေ့ဆေးပြယ်ပြီး လမ်းလျှောက်နိုင်ချိန်မှာ ခွဲစိတ်ခမပေးဘဲ ဆေးရုံကနေ လစ်ထွက်ဖို့ ကြိုးစားခဲ့တာပါ။
ဒါပေမဲ့ ဆေးရုံအစောင့်တွေက သတိထားမိသွားပြီး သူ့ကို တားဆီးဟန့်တားခဲ့တာပါ။ ရုပ်သံမှတ်တမ်းမှာ အမျိုးသမီးက ဆရာဝန်တွေ၊ သူနာပြုတွေကို နိုင်ငံခြားဘာသာစကားနဲ့ ကြမ်းတမ်းစွာ အော်ဟစ်ခဲ့တာ တွေ့ရပါတယ်။ သူ့ကို ဆေးရုံထဲ ပြန်ခေါ်သွားပေမဲ့ ပြဿနာကို ဘယ်လိုဖြေရှင်းခဲ့လဲဆိုတာတော့ မသိရသေးပါဘူး။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။