ရေအောက်ပြင်အောက် ရေငုပ်ရိုက်ကူးထားတဲ့ ဝေလငါးအရိုးစုဓာတ်ပုံက ရေအောက်အကောင်းဆုံး ဓာတ်ပုံဆု ဆွတ်ခူး
ဆွီဒင်ဓာတ်ပုံဆရာ အဲလက်စ်ဒေါ်ဆန်ဟာ ဝေလငါး အရိုးစုကို ကြည့်ရှုစစ်ဆေးနေတဲ့ ရေငုပ်သမားဓာတ်ပုံကြောင့် ၂၀၂၄ ခုနှစ်အတွက် တစ်နှစ်တာအကောင်းဆုံး ရေအောက်ဓာတ်ပုံဆရာဆု ဆွတ်ခူးခဲ့ပါတယ်။ ဝေလငါးအရိုးစုဓာတ်ပုံဟာ ကမ္ဘာတစ်ဝန်းက ပြိုင်ပွဲဝင်ဓာတ်ပုံပေါင်း ၆၅၀၀ ကျော်ကို ဖြတ်ကျော်ပြီး ဆုရခဲ့တာပါ။
” ဂရင်းလန်းကျွန်း ရေခဲပြင်အောက်မှာ အလွတ်ရေငုပ်သူက ဝေလငါးအရိုးစုကို သွားကြည့်နေတဲ့ပုံ ရိုက်ထားတာဖြစ်လို့ ဒီဓာတ်ပုံကို တကယ့်ခဲရာခဲဆစ် ရိုက်ကူးထားတာပါ။ ရေငုပ်သမားရဲ့ဝတ်စုံနဲ့ ဓာတ်မီးကြောင့် တခြားကမ္ဘာမှ အလည်ပတ်လာတဲ့ဂြိုဟ်သားတစ်ယောက်လိုမျိုး ခံစားရစေပါတယ်” လို့ အမှတ်ပေးဒိုင် အကြီးအကဲ မူစတက်က ဆိုပါတယ်။
ဒီပြိုင်ပွဲမှာ ခေါင်းစဉ် ၁၃ ခု ခွဲခြားထားပြီး ဗြိတိန်ရေပိုင်နက်အတွင်း ရိုက်ကူးတဲ့ ဓာတ်ပုံတွေအတွက် ဆု ၄ ဆု ပါဝင်ပါတယ်။ သံပခြုပ်တစ်ကောင်ကို ကြယ်ငါးတွေ ဝိုင်းနေတဲ့ ဓာတ်ပုံကြောင့် ဗြိတိန်ဓာတ်ပုံဆရာ ဂျင်နီစတော့က ၂၀၂၄ ခုနှစ်အတွက် အကောင်းဆုံး ဗြိတိန် ရေအောက်ဓာတ်ပုံဆရာဆု ဆွတ်ခူးခဲ့ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။