ခန္ဓာကိုယ်အစိတ်အပိုင်း ၂ ခု လှူဒါန်းပြီး လူ့အသက်နှစ်ချောင်း ကယ်တင်နိုင်ခဲ့သူ
အမေရိကန်နိုင်ငံ မစ္စစ္စပီပြည်နယ်မှ အမျိုးသားတစ်ဦးဟာ သူ့ခန္ဓာကိုယ်အစိတ်အပိုင်း ၂ ခု လှူဒါန်းပြီး လူ့အသက်နှစ်ချောင်းကို ကယ်တင်ပေးနိုင်ခဲ့ပါတယ်။ ပုံမှန်အားဖြင့်တော့ ခန္ဓာကိုယ်အစိတ်အပိုင်း လှူဒါန်းသူနဲ့ လက်ခံရယူသူတို့ တွေ့ဆုံတယ်ဆိုတာ ရှားပါတယ်။ ဒါပေမဲ့ ပေါလ်ဗို့သ်ကတော့ သူ့အတွက် အသည်းလှူပေးသူ ဂျွန်မက်စီနဲ့ တွေ့ဆုံခွင့် ရခဲ့ပါတယ်။
နှစ်ပေါင်းများစွာကြာ အရက်သောက်ခဲ့တဲ့ဒဏ်ကြောင့် ပေါလ်ဗို့သ်ဟာ အသည်းအစားထိုး ခွဲစိတ်ကုသရမယ့် အခြေအနေ ကြုံခဲ့ပါတယ်။ သူဟာ အသည်းအလှူရှင် ပေါ်လာဖို့ လနဲ့ချီ စောင့်ဆိုင်းခဲ့ရပြီး တစ်ရက်မှာတော့ သတင်းကောင်းကြားခဲ့ရတာပါ။ သူဟာ ၂၀၂၃ ခုနှစ် အောက်တိုဘာလ ၃ ရက်မှာ ဂျွန်မက်စီရဲ့ အသည်းတစ်စိတ်တစ်ပိုင်းကြောင့် အစားထိုး ခွဲစိတ်မှု လုပ်နိုင်ခဲ့ပါတယ်။
ဒါဟာ ဂျွန်မက်စီရဲ့ ပထမဆုံး ခန္ဓာကိုယ်အစိတ်အပိုင်းလှူဒါန်းမှု မဟုတ်ပါဘူး။ သူဟာ ၂၀၁၉ ခုနှစ်တုန်းကလည်း သူစိမ်းတစ်ဦးကို ကျောက်ကပ်တခြမ်း လှူဒါန်းပေးခဲ့ပါသေးတယ်။ ဂျွန်မက်စီဟာ အမေရိကန်နိုင်ငံမှာ ခန္ဓာကိုယ်အစိတ်အပိုင်း တစ်ခုထက်မက လှူဒါန်းပေးနိုင်သူ ၃၀ ဦးအနက် တစ်ဦးအပါအဝင် ဖြစ်ပါတယ်။
အစားထိုးခွဲစိတ်မှု လုပ်ပြီးတဲ့နောက် ၆ လအကြာမှာတော့ ဂျွန်မက်စီနဲ့ ပေါလ်ဗို့သ်တို့နှစ်ဦးလုံး ကျန်းကျန်းမာမာနဲ့ လူချင်းဆုံတွေ့ခွင့်ရခဲ့ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။