ကွန်ပြူတာနဲ့ စက်ပစ္စည်းတွေကို ထိန်းချုပ်နိုင်တဲ့ Chip ကို ဦးနှောက်ထဲထည့်သွင်းထားတဲ့ ပထမဆုံးလူနာက သူ့စိတ်နဲ့ Video Gameတွေကစားနိုင်ပြီ
အီလွန်မာ့စ်ထည်ထောင်ထားတဲ့ Neuralink ရဲ့ ကွန်ပြူတာနဲ့ စက်ပစ္စည်းတွေကို ထိန်းချုပ်နိုင်တဲ့ Chip ကို ဦးနှောက်ထဲ ထည့်သွင်းထားတဲ့ ပထမဆုံးလူနာဟာ ခွဲစိတ်ကုသမှုခံယူပြီး ၂ လနီးပါးအကြာမှာ သူ့ရဲ့အတွေ့အကြုံတွေကို ချပြနေပါတယ်။ နိုလန် အာဘော့ချ်ကို ဦးနှောက်အတွင်း ကွန်ပြူတာနဲ့ စက်ပစ္စည်းတွေကို ထိန်းချုပ်နိုင်တဲ့ Chip ကို ထည့်ထားတဲ့သူအဖြစ် ဇန်နဝါရီလကုန်လောက်က မိတ်ဆက်ပေးခဲ့တာပါ။
အသက် ၂၉ နှစ်အရွယ် နိုလန်က ရေငုပ်တာမှာ မတော်တဆဖြစ်ပြီး ၈ နှစ်ကြာ ပခုံးအောက်ပိုင်းကနေ လေဖြတ်သွားခဲ့တာပါ။ Neuralink အင်ဂျင်နီယာတစ်ယောက်နဲ့ နိုလန်တို့ တိုက်ရိုက်ထုတ်လွှင့်မှုအတွင်း နိုလန်က သူ့ရဲ့စိတ်နဲ့ သူ့ရဲ့ကွန်ပျူတာမှာ စစ်တုရင်ကစားတာလို တချို့သောလုပ်ငန်းဆောင်တာတွေပြုလုပ်နိုင်တယ်ဆိုတာကို သရုပ်ပြသခဲ့ပါတယ်။
နိုလန်က သူ့ဦးနှောက်ကို အသုံးပြုပြီး နောက်ခံမှာ ဖွင့်ထားတဲ့ သီချင်းကို ခေတ္တရပ်ပြခဲ့ပါတယ်။ ခွဲစိတ်ကုသပြီးတဲ့နောက် သူက Civilization VI ဂိမ်းကိုလည်း ကစားလေ့ရှိပြီး ၈ နာရီဆက်တိုက်ကစားခဲ့တာပါ။ ဇန်နဝါရီလက ခွဲစိတ်ကုသမှုက အရမ်းလွယ်ကူပြီး ၁ ရက်အကြာမှာ ဆေးရုံက ဆင်းခဲ့ရတယ်လို့ နိုလန်ရဲ့ပြောစကားအရ သိရပါတယ်။
Neuralink က လူသားတွေမှာ brain chip ထည့်သွင်းစမ်းသပ်ဖို့ ၂၀၂၃ ခုနှစ် မေလမှာ အစားအစာနဲ့ ဆေးဝါးစီမံခန့်ခွဲမှုရဲ့ခွင့်ပြုချက်ရရှိခဲ့တာပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။