တံတားပေါ်မှ ပြုတ်ကျလုဆဲဆဲဖြစ်နေတဲ့ ကုန်တင်ကားထဲကနေ အမျိုးသမီးကို ကယ်တင်နိုင်ခဲ့
တံတားပေါ်မှ ပြုတ်ကျလုဆဲဆဲ ဖြစ်နေတဲ့ ကုန်တင်ကားထဲကနေ ယာဉ်မောင်းအမျိုးသမီးကို မီးသတ်တပ်ဖွဲ့က သည်းထိတ်ရင်ဖို ကယ်တင်ပေးနိုင်ခဲ့ပါတယ်။ ဒီဖြစ်ရပ်ဟာ ပြီးခဲ့တဲ့သီတင်းပတ်က အမေရိကန်နိုင်ငံ ကင်တက်ကီပြည်နယ်၊ လူဝီစဗီးလ်မြို့မှ ကလက်ခ်အထိမ်းအမှတ်တံတားပေါ်မှာ ဖြစ်ခဲ့တာပါ။
လူဝီစဗီးလ် မီးသတ်တပ်ဖွဲ့က အခင်းဖြစ်ပွားရာနေရာကို ၃ မိနစ်အတွင်း ရောက်သွားခဲ့ပြီး ကုန်ကားအတွင်း ပိတ်မိနေတဲ့ ယာဉ်မောင်းကို ကယ်တင်ဖို့ အစီအစဉ်ဆွဲခဲ့ပါတယ်။ အဲဒီနောက်မှာ မီးသတ်သမား ဘရိုက်စ်ကာဒင်ကို စိုင်းကြိုးနဲ့အတူ တံတားအောက်ဘက်ကို လျှောချပေးပြီး ယာဉ်မောင်းအမျိုးသမီးကို ဆွဲထုတ်ခဲ့တာပါ။
ထရပ်ကားက တံတားပေါင်ကြားမှာ ညပ်ပြီး တွဲလောင်းဖြစ်နေခဲ့လို့သာ ယာဉ်မောင်းအမျိုးသမီးအနေနဲ့ အသက်ဘေးက လွတ်မြောက်ခဲ့တာဖြစ်ပြီး သူ့ကို ရဲဝံ့စွန့်စားစွာ ကယ်တင်ပေးခဲ့တဲ့ မီးသတ်တပ်ဖွဲ့ကို ဒေသခံတွေက ချီးကျူးထောပနာပြုခဲ့ကြပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။