လူသားစက်ရုပ်ကို ထုတ်ဖော်ပြသစဉ် အမျိုးသမီးသတင်းထောက်ရဲ့နောက်ဘက်ကို လာထိခဲ့
ဆော်ဒီအာရေဗျနိုင်ငံက စက်ရုပ်ကုမ္ပဏီတစ်ခုဟာ ယောကျ်ားလေးလူသားစက်ရုပ်တစ်ရုပ်ကို ထုတ်ဖော်ပြသခဲ့ပါတယ်။ ထုတ်ဖော်ပြသစဉ်အတွင်း လူသားစက်ရုပ်က အမျိုးသမီးသတင်းထောက်ရဲ့နောက်ဘက်ကို လာထိခဲ့တာကို တွေ့မြင်ခဲ့ရပါတယ်။
စက်ရုပ်ကုမ္ပဏီ QSS က ၂၀၂၄ ခုနှစ် မတ်လ ပထမပတ်မှာ လူသားစက်ရုပ်ဖြစ်တဲ့ မိုဟာမက်ကို ပွဲထုတ်ပြခဲ့တာပါ။ စက်ရုပ်က ဆော်ဒီရိုးရာဝတ်စုံကို ဝတ်ဆင်ထားပြီး အာရဗီနဲ့ အင်္ဂလိပ်စကားပြောဆိုခဲ့တာပါ။ မိုဟာမက်ရဲ့ဘေးနားမှာ ရပ်ပြီး ပွဲလာတဲ့သူတွေကို တင်ဆက်ပေးနေတဲ့ သတင်းထောက် ရော်ရာ ကာစ်ဆန်ရဲ့နောက်ဘက်ကို မိုဟာမက်က ထိသလိုလုပ်ခဲ့တာပါ။
ကာစ်ဆန်က ရုပ်ပိုင်းဆိုင်ရာထိတွေ့မှုကြောင့် စိတ်ရှုပ်ထွေးသွားပုံရကာ စကားဆက်မပြောခင် မိုဟာမက်ကို စိုက်ကြည့်ပြီး သူ့ရဲ့လက်ဖဝါးကို မြှောက်ပြကာ တုံ့ပြန်ခဲ့ပါတယ်။ စက်ရုပ်က လူသားရဲ့တိုက်ရိုက်ထိန်းချုပ်မှုမရှိဘဲ အမှီအခိုကင်းစွာလုပ်ဆောင်နေတယ်လို့ QSS ကဆိုပါတယ်။ သရုပ်ပြမှုအတွင်း သတင်းထောက်အပါအဝင် တက်ရောက်လာသူတွေအားလုံးကို စက်ရုပ်နဲ့ ဘေးကင်းတဲ့အကွာအဝေးကနေ နေဖို့ ဝန်ထမ်းတွေက အသိပေးခဲ့တယ်လို့လည်း ဆိုထားပါတယ်။ စက်ရုပ်လှုပ်ရှားမှုအတွင်း ဘယ်သူမဆို အနီးကပ်နေတာကနေ ကာကွယ်ဖို့ နောက်ထပ်အစီအမံတွေ ပြုလုပ်ရမယ်လို့လည်း ပြောပါတယ်။
မိုဟာမက်ကို အမျိုးသားပုံစံ ပထမဆုံးဆော်ဒီစက်ရုပ်အဖြစ် သတ်မှတ်ခဲ့ကြပါတယ်။ စက်ရုပ်က ဆော်ဒီအာရေဗျရဲ့ AI အောင်မြင်မှုကို မီးမောင်းထိုးပြဖို့ အမျိုးသားစီမံကိန်းတစ်ခုလည်းဖြစ်ပါတယ်။
ဗီဒီယိုကြည့်ရှုရန် – https://shorturl.at/atxK2
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။