ကျောင်းသား/သူတွေကို ကျောင်းတက်ချင်စိတ်ဖြစ်စေဖို့ စာသင်ခန်းကို ကော်ဖီဆိုင်ပုံစံပြောင်းလဲပစ်ခဲ့တဲ့ ကျောင်းဆရာ
မလေးရှားနိုင်ငံ၊ ဆာရာဝပ်ပြည်နယ်က ဆရာတစ်ဦးဟာ ကျောင်းသား/သူတွေကို ကျောင်းတက်ချင်စိတ်ဖြစ်စေဖို့ အကြံဉာဏ်ရခဲ့ပါတယ်။ အဲ့ဒီစိတ်ကူးအကြံဉာဏ်ကို သူဟာ မလေးရှားနိုင်ငံရဲ့ဆရာများနေ့ဖြစ်တဲ့ မေလ ၁၆ ရက်နေ့က အကောင်အထည်ဖော်ခဲ့ပါတယ်။ အဲ့ဒါကတော့ စာသင်ခန်းကို ကော်ဖီဆိုင်ပုံစံမျိုးပြောင်းလဲပစ်ခဲ့တာပါ။
ဆစ်ခ်ကူ တာမီဇီဆိုတဲ့ အဲ့ဒီကျောင်းဆရာက စာသင်ခန်းကို ပြောင်းလဲထားတဲ့ Before and After ပုံတွေကိုလည်း သူ့ရဲ့ဖေ့စ်ဘွတ်ခ်အကောင့်မှာ တင်ပေးခဲ့ပါတယ်။ ဆစ်ခ်ကူဟာ ၂၀၁၉ ခုနှစ်ကတည်းက Sekolah Kebangsaan Kut မူလတန်းကျောင်းမှာ စာသင်ကြားပေးနေခဲ့တာပါ။ အဲ့ဒီကျောင်း ကျေးလက်ကျောင်းတစ်ကျောင်းဖြစ်တဲ့အတွက် ကျောင်းက ကလေး ၃၂ ဦးဟာ မြို့ကြီးပြကြီးကကော်ဖီဆိုင်မျိုးကို မကြုံဖူးခဲ့ကြပါဘူး။ ဒါကြောင့် ဆစ်ခ်ကူက ကလေးတွေ စိတ်ပါဝင်စားအောင် စာသင်ခန်းကို The Cafe Class ဆိုပြီး ပြောင်းလဲပစ်ခဲ့တာပါ။
သူဟာ သူ့ကိုယ်ပိုင်ငွေနဲ့ ပြောင်းလဲခဲ့ပေမဲ့ နောက်ပိုင်းမှာ ကျောင်းရဲ့ Parent-teacher association ကနေ ငွေကြေးထောက်ပံ့မှုရရှိခဲ့ပါတယ်။ အခုလိုပြောင်းလဲရာမှာ ကျောင်းဆရာ/ဆရာမ ၁၀ ဦးနဲ့ ကျောင်းဝန်ထမ်းတွေက သူ့ကို ကူညီပေးခဲ့ပါတယ်။ ဆစ်ခ်ကူက ကျောင်းသားတစ်ဦးချင်းစီ သူတို့ရဲ့ကိုယ်ပိုင်ဂေါ်ဖီပင်တွေကို ရေလောင်းပေါင်းသင်းကာ ရောင်းချနိုင်မယ့် Garden Project ကိုလည်း ကျောင်းအုပ်နဲ့အတူ လုပ်ဆောင်ခဲ့ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
