နတ်မ ခံချင်သလား၊ နတ်ချစ် ခံချင်သလား။
နတ်တွေချစ်မြတ်နိုးခံတဲ့သူတွေဟာ နတ်တွေရဲ့ စောင့်ရှောက်၊ စောင်မခြင်းကို ခံရလို့ (ဝါ) နတ်မ ခံရလို့ အစစအရာရာအဆင်ပြေပြီးကောင်းစားတတ်ပါတယ်။လူတို့အတွက်ခက်ခဲနေတာမျိုးဟာ နတ်တို့အတွက် လွယ်နေတတ်၊လွယ်နေတာမျိုးဖြစ်တတ်ပါတယ်။
ကျေးဇူးတော်ရှင်မောင်းထောင်မြေဇင်းဆရာတော်ဘုရားကြီးက၊ ချမ်းသာချင်ရင်၊ကောင်းစားချင်ရင် အနီးနေတွေနဲ့ တည့်အောင်နေရတယ်။ အနီးနေတွေဆိုတာ ကိုယ့် ကိုယ်စောင့်နတ်၊အိမ်စောင့်နတ်၊ဝန်းခြံစောင့်နတ်၊ကွင်းပိုင်နတ်၊ရွာစောင့်နတ်၊ရုက္ခစိုး၊ဘုမ္မစိုးနတ်တွေပါပဲ။
သူတို့နဲ့ရန်မဖြစ်ရဘူး။တည့်အောင်နေပါတဲ့။ ကျေးဇူးတော်ရှင်ပါ မောက္ခချုပ်ဆရာတော်ဘုရားကြီးကလည်း၊ နတ်တွေရဲ့ အစောင့်အရှောက်ရတဲ့ပုဂ္ဂိုလ်ဟာ၊အကောင်းချည်းပဲတွေ့တယ်။တိုးတက်ဖို့အခွင့်အလမ်းတွေအများကြီးကြုံလာတယ်။ဘာလုပ်လုပ်အဆင်ပြေလာတယ်။ အန္တရာယ်တွေကင်းလာတယ်။မိခင်ကသားသမီးအပေါ်မှာစောင့်ရှောက်သလိုနတ်တွေကကိုယ့်အပေါ်မှာအကြင်နာတွေမေတ္တာတွေပိုပြီးတော့ကိုယ့်ကိုစောင့်ရှောက်လာတယ်။
မြတ်စွာဘုရားသခင်ကိုယ်တော်မြတ်ကြီးက “ယသ္မိံ ပဒေသေကပ္ပေတိ၊ဝါသံ ပဏ္ဍိတဇာတိယော” စဉ်းစားဉာဏ်ရှိတဲ့ပုဂ္ဂိုလ်ဟာ၊ အရပ်တစ်ခုခုမှာနေတယ်ဆိုရင်ကုသိုလ်ကောင်းမှုပြုလုပ်ပြီးအဲဒီကုသိုလ်ကောင်းမှုရဲ့အဖို့ဘာဂကိုပတ်ဝန်းကျင်မှာရှိတဲ့နတ်တွေကိုအမျှဝေပါတဲ့။ အမျှဝေလိုက်လို့ရှိရင် နတ်တွေကကိုယ့်ကိုစောင့်ရှောက်လိမ့်မယ်။ကိုယ်ကအမျှအတန်းပေးဝေတော့သူတို့မှာဘုန်းတန်ခိုးတွေတက်တယ်။ဘုန်းတန်ခိုးတက်တော့ကိုယ့်အပေါ်မှာအကြင်နာတရားတွေထားလာတယ်။
(၁) ရန်ကုန်ဘုရားစောင့်နတ်မင်းကြီးများဆန္ဒ။
ဗုဒ္ဓဂယာဘုရားဖူးသွားတဲ့အခါအသွားအပြန်ဘုရားဖူးခရီးစဉ်အစအဆုံး (၈)ပါး၊ (၉)ပါးဥပုသ်သီလဆောက်တည်သွားဖို့အိမ်မက်ပေးခဲ့ကြပါတယ်။
(၂) ပုဂံနတ်တွေရဲ့ဆန္ဒ။
ပုဂံဘုရားတွေမှာစောင့်တဲ့နတ်တွေက ဘုရားတွေရောက်တယ်ဆိုရင်ပဲ ဘုရားမဖူးခင် ဘုရားမရှိခိုးခင် မေတ္တာသုတ်(၂)ခေါက်ရွတ်ဖတ်ပူဇော်ပေးဖို့ ရှမ်းပြည်ကအမျိုးသမီးတစ်ဦးကိုအိမ်မက်ပေးဖူးပါတယ်။ နတ်တွေဟာမေတ္တာသုတ်ကိုနှစ်လိုတဲ့သဘောပါ။
(၃) တာဝတိံသာအစရှိသည့်အထက်နတ်များ၏ဆန္ဒ ။
တာဝတိံသာ အစရှိသည့် အထက်နတ်ပြည်ကနတ်များက ပဌာန်း၊မဟာပဌာန်းကို ပူဇော်စေလိုပါကြောင်းသတင်းစကားပါးလိုက်ကြသည်ဟုမှတ်သားရဖူးပါတယ်။
(၄) ဘုမ္မစိုးရုက္ခစိုးစသည့်အနီးအနားနတ်များနှင့်အခြားနတ်ကြီးများ၏ဆန္ဒ။မဟာသမယသုတ်ကိုပုံမှန်ရွတ်ဖတ်ပူဇော်ပေးဖို့ဘုမ္မစိုးရုက္ခစိုးစသည့်အနီးအနားနတ်များနှင့်အခြားနတ်ကြီးများကလျှောက်ထားဖူးသည်ဟုမှတ်သားရပါတယ်။
(၅)နတ်များကပင်သရဏဂုံမပြတ်ပွားသူထံမှအကူအညီတောင်းခံရခြင်းနှင့်နတ်များက အထူးအရေးကြီးပုဂ္ဂိုလ် VIP အဖြစ်မှတ်တမ်းတင်ထားရသူဦးထွန်းရွှေ။သရဏဂုံသုံးပါးကို ငယ်စဉ်ကတည်းဝတ်မပျက်နေ့စဉ်ပုတီး(၃)ပတ်၊ ဖြည်းဖြည်းနဲ့မှန်မှန်စိပ်ခဲ့သူဦးထွန်းရွှေကိုညောင်ပင်စောင့်ရုက္ခစိုးကြီးကအခြားသူကိုပူးပြီးအကူအညီတောင်းခံခဲ့ပါတယ်။ဦးထွန်းရွှေဟာနတ်တို့မှတ်တမ်းတွင်အထူးဩဇာတိက္ကမအရှိန်အဝါရှိသူအဖြစ်မှတ်းတမ်းတင်ထားရသူဖြစ်ပါကြောင်း၊ သို့ပါ၍ အထက်လမ်းအောက်လမ်းဆရာတို့မှ အတတ်ပညာများဖြင့်ထိုရုက္ခစိုးကြီးအားခေါ်ယူခိုင်းစေခြင်းအားဦးထွန်းရွှေလိုသရဏဂုံအမြဲပွားနေသူမှတားမြစ်အမိန့်ပြန်ပေးပါမှ၊သူသာရာရမည်ဖြစ်ပါကြောင်းအခြားပုဂ္ဂိုလ်တစ်ဦးအားပူးကပ်ပြော၍အမိန့်ပြန်ပေးလိုက်ရာအဆင်ပြေသွားခဲ့ဖူးပါတယ်။
(၆) နတ်ချစ်ဂါထာ သတသဟဿာရဟဂါထာ။
သတသဟဿာရဟနတ်ချစ်ဂါထာတော်ကြီးပုံမှန်နေ့စဉ်ရွတ်ဖတ်သရဆါယ်ပူဇော်လေ့ရှိသောတောင်တန်းသာသနာပြုဆရာတော်ဘုရားကြီးအားတောင်စောင့်နတ်ကြီး(၆)ကြိမ်လာရောက်ဖူးမျှော်ကြည်ညိုလျှောက်ထားကြောင်းမှတ်သားရဖူးပါတယ်။ပုံမှန်ရွတ်ပွားခဲ့သူလူပုဂ္ဂိုလ်တစ်ဦးအား ၎င်းဖခင်ကြီးဆုံးပါးမည့်အရေးလာရောက်အိပ်မက်ပေးခဲ့ဖူးပါသည်။
(၇)ပဌာန်းပုံမှန်ပူဇော်သူဗန်းမော်ဆရာတော်ဘုရားကြီးအားနတ်တို့ကိုယ်ထင်ပြခြင်း။ပဌာန်းပစ္စယုဒ္ဒေသနိဒ္ဒေသအချိန်မှန်၊နေရာမှန်၊ပုံမှန်ပူဇော်လေ့ရှိသောကျေးဇူးတော်ရှင်ဗန်းမော်ဆရာတော်ဘုရားကြီးအားနတ်တို့ကကိုယ်ထင်ပြဖူးကြောင်းမှတ်သားရပါသည်။
(၈)တောင်တန်းသာသနာပြုပရိတ်ရေဆူဆရာတော်ဘုရားကြီးပရိတ်ကြီးအသံတော်နှင့်နတ်များ။ပြည်ပနိုင်ငံတစ်ခုတွင် လာရောက်အလုပ်ရှာသော မြန်မာတစ်ယောက် တောင်တန်းသာသနာပြုဆရာတော်ဘုရားကြီးဦးဥတ္တမသာရ၏ပရိတ်ကြီး(၁၁)သုတ်တရားခွေအား ပုံမှန်ဖွင့်ပူဇော်ရာ နတ်များကအိပ်မက်လာပေးခဲ့ပါတယ်။၎င်းတို့မှာဤလမ်းထဲတွင်နေရပါကြောင်း၊ယခင်ကဆာလောင်မွတ်သိပ်စားစရာမရ၊ရင်မှာလည်းအစဉ်အမြဲလိုလိုပူလောင်နေရကြောင်း၊ယခုမှုအသင်မှဤတရားတော်ဖွင့်၍နာခွင့်ရကာ အစာလည်းရ၊ရင်မှာလည်းအေးမြချမ်းသာရာရပါ၍အသင်လိုချင်တာကူညီပါမည်ပြောပါဟုဆိုရာ၊အလုပ်ကောင်းကောင်းနှင့်ဒုနိုင်ငံသားလိုချင်ကြောင်းပြောရာ၊ရက်မကြာခင်အလုပ်ကောင်းရ၊ဒုနိုင်ငံသားလည်းအံ့ဩစွာရခဲ့ကြောင်းမှတ်သားဖူးပါတယ်။
(၉) အမျှကြိုက်သောနတ်များ (ဝါ) အမျှပေးဝေခြင်းကို နှစ်သက်တတ်သောသဘောရှိသည့်နတ်များ။
ဘုရားအလောင်းတော်နုစဉ်က ရေလမ်းခရီးမှာ၊ အစာစားပြီး စားကြွင်းစားကျန်တွေကို မြစ်ထဲကငါးတွေကိုကျွေးပြီးမြစ်စောင့်နတ်ကို အမျှပေးဝေခဲ့ပါတယ်။ သူ့ကိုအမျှပေးခဲ့လို့ မြစ်စောင့်နတ်က ပြန်လည် ကျေးဇူးဆပ်တဲ့ အနေနဲ့ မြစ်ထဲကျသွားတဲ့သူ့ရတနာထုပ်ကို ပြန်ရအောင် မြစ်စောင့်နတ်ကငါးဝမ်းမှာဟပ်စေပြီးပြန်ရစေခဲ့ဖူးတယ်လို့မှတ်သားဖူးပါတယ်။
(၁၀) ကုသိုလ်ရှိသူကိုမှ နတ်ကယ်မလို့ရလို့ ကုသိုလ်များများလုပ်ထားကြ။
ဘုရားလောင်းနုစဉ်ကသူ့နောက်ပါတပည့်နဲ့အတူရေလမ်းခရီးမထွက်ခင် ရဟန်းတော်တစ်ပါးကို ဖိနပ်လှူခဲ့ပါတယ်။သင်္ဘောနစ်တော့ ပင်လယ် စောင့်နတ်ကဘုရားလောင်းတစ်ဦးတည်းကိုပဲ၊ လာကယ်ပါတယ်။ဘုရားလောင်းကသူ့တပည့်ကိုလည်းကယ်ပေးပါလို့တောင်းပန်တဲ့အခါ၊သူ့မှာဖိနပ်(ဝါ)ယဉ်အလှူမရှိလို့ကယ်လို့မရပါလို့ဆိုပါတယ်။ပညာဉာဏ်ကြီးတဲ့ဘုရားလောင်းကချက်ချင်းပဲ၊ တပည့်ကိုအမျှပေးလိုက်တဲ့အခါ တပည့်ဖြစ်သူကသာဓုခေါ်လိုက်တာနဲ့တပြိုင်နက် ကုသိုလ်ရှိသွားလို့နတ်ကကယ်လို့ရသွားပါတယ်။
(၁၁) ဘုရား၊ပစ်စကေဗုဒ်ဓါ၊ရဟန်တာအရိယာစတဲ့သီလ၊ သမာဓိ၊ပညာကြီးမားလှတဲ့သူတော်ကောင်းကြီးတွေနဲ့တရားအားထုတ်သူတွေကိုနတ်တွေကစောင့်ရှောက်ပေးရပါတယ်။သူတော်ကောင်းတွေကိုနတ်ကောင်းမရပါတယ်။မဖို့ကယ်ဖို့ပျက်ကွက်ခဲ့ရင်၊နတ်သဘင်အစည်းအဝေးတက်ခွင့်မရကြပါဘူး။နတ်သဘင်အစည်းအဝေးတက်ခွင့်မရရင်၊ သူတို့အခက်အခဲတွေတင်ပြတောင်းဆိုလို့မရတော့ပါဘူး။ပုဂံပြည်မှာ သူတော်ကောင်းလည်းဖြစ်၊မိဘလုပ်ကျွေးနေတဲ့ ကွမ်းဆော်မင်းကိုရှင်ဘုရင်ဖြစ်အောင်နတ်တွေမခဲ့ဖူးတယ်လို့မှတ်သားရဖူးပါတယ်။
သူတော်ကောင်းနတ်ကောင်းမခံကြရပါစေ။
ကပ်ပိယ
(၁၃-၁၀-၂၀၂၁-ည ၈:၄၀)
Crd
Via…Drkyaw Htun
ရေးသားသူ –ဇာဇာ ဗေဒင် ယတြာ
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
