John Wick spin-off ဇာတ်ကားအသစ်မှာ ပါဝင်မယ့် ဒွန်နီယန်း
နာမည်ကြီးဟောင်ကောင်မင်းသားဒွန်နီယန်းဟာ John Wick spin-off ဇာတ်ကားအသစ်မှာ ပါဝင်မယ်လို့ သိရပါတယ်။ (spin-off ဇာတ်ကားဆိုတာ မူရင်းရုပ်ရှင်ရဲ့ ကမ္ဘာထဲမှာပဲ ဇာတ်အိမ်တည်ထားတဲ့ ရုပ်ရှင်ကားကိုပဲ ဆိုလိုတာပါ။ မူရင်းကားနဲ့ သက်ဆိုင်ကာ တည်ဆောက်ရိုက်ကူးထားပေမယ့် မူရင်းကားရဲ့ နောက်ဆက်တွဲအဆက်ကို ဆိုလိုတာတော့ မဟုတ်ပါဘူး)
အသက် ၆၀ အရွယ်ရှိပြီးဖြစ်တဲ့ ဒွန်နီယန်းက အဲဒီဇာတ်ကားမှာ လုပ်ကြံသတ်ဖြတ်သူ Caine အဖြစ် သူ့ရဲ့ဇာတ်ကောင်ကို ပြန်လည်ပုံဖော်မှာဖြစ်ပါတယ်။ ဒီဇာတ်ကားကို ၂၀၂၅ ခုနှစ်ကျ ဟောင်ကောင်မှာ ရိုက်ကူးဖို့စီစဉ်ထားပြီး John Wick 4 မှာ Caine ဟာ သူ့ရဲ့တာဝန်ဝတ္တရားတွေကနေ လွတ်မြောက်လာခဲ့တဲ့ အဖြစ်အပျက်အပြီး ဇာတ်အိမ်တည်သွားမယ်လို့ သိရပါတယ်။
ဒီဇာတ်ကားကို ရိုက်ကူးမယ့်ဒါရိုက်တာကို မကြေညာရသေးပါဘူး။ ဒါပေမဲ့ အရင် John Wick ဇာတ်ကားတွေကို ရိုက်ကူးခဲ့တဲ့ ဒါရိုက်တာ Chad Stahelski က ဒီဇာတ်ကားဖြစ်မြောက်ဖို့ ကူညီပေးနေတယ်လို့ သိရပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။