ကြုံတောင့်ကြုံခဲ အခြေအနေကြုံခဲ့ရတဲ့ မိန်းကလေးငယ်ရဲ့ အသည်းခွဲစိတ်မှု အောင်မြင်
လူသားသမိုင်းမှာ ၂၁ ကြိမ်ပဲ ကြုံဖူးပြီး အလွန်ရှားပါးတဲ့ Wild ဆင်ဒရုန်းခံစားရသူ မိန်းကလေးငယ်ဟာ ကမ္ဘာ့ပထမဆုံးအဖြစ် အသည်းခွဲစိတ်မှု အောင်မြင်သွားခဲ့ပါပြီ။ အသက် ၁၃ နှစ်အရွယ် မိန်းကလေးငယ် ခိုင်ရွှေနဲ့ မိခင်ဖြစ်သူ နင်ချန်းတို့ဟာ ဗြိတိန်နဲ့ တရုတ်နိုင်ငံအနှံ့ လှည့်လည်ပြီး ဆေးကုသပေးနိုင်သူကို ရှာဖွေရင်း နောက်ဆုံးမှာတော့ ဗြိတိန်နိုင်ငံမှာရှိတဲ့ ရွိုင်ယယ်စတုတ်တက္ကသိုလ်ဆေးရုံကို ရောက်လာခဲ့ကြတာပါ။
” ခိုင်က ပြန်ရည်စုဖွဲ့စနစ် ပုံမှန်မဟုတ်ဘဲ မွေးဖွားလာတာပါ။ သူ့ဘယ်ဘက်လက်က အရမ်းရောင်နေတယ်။ သူ့ရဲ့ကလေးဘဝတစ်လျှောက်လုံး ဆေးရုံတွေ အများကြီးတက်ခဲ့ရပြီး ရောဂါဇစ်မြစ်ကို ရှာဖွေဖို့ ကြိုးစားခဲ့ပေမဲ့ ဘယ်သူမှ တိတိကျကျ မသိခဲ့ကြပါဘူး ” လို့ မိခင်ဖြစ်သူ နင်ချန်းက ဆိုပါတယ်။
တကယ်တော့ သူ့ရဲ့ အသည်းမှာ အပေါက်ငယ်လေးတစ်ပေါက် ( တစ်မီလီမီတာရဲ့ ၁၀ ပုံ၊ ၁ ပုံပမာဏသာ ရှိ) ဖြစ်နေပြီး အဲဒီအပေါက်ကတစ်ဆင့် ပြန်ရည်က သူ့ရဲ့ဝမ်းဗိုက်ထဲကို စိမ့်ကျနေတာပါ။ အဲဒီအတွက် သူ့ရဲ့ကိုယ်တွင်းအင်္ဂါတွေ ဖိအားခံစားရပြီး ရောင်ရမ်းကုန်ကြတာ ဖြစ်ပါတယ်။
အဲဒီလို တွေ့ရှိခဲ့ပြီးနောက် ဒေါက်တာ မော့ဆက်ဦးဆောင်တဲ့ ခွဲစိတ်အဖွဲ့က ခွဲစိတ်ပစ္စည်းတွေ တပ်ဆင်ထားပြီး အထူးဖန်တီးထားတဲ့ အပ်ငယ်တွေ သုံးကာ အသည်းအပေါက်ကို ပြန်လည်ဖာထေးပေးခဲ့ပါတယ်။ ခွဲစိတ်မှုအပြီး သီတင်းပတ် ၅ ပတ်အကြာမှာတော့ ခိုင်ရဲ့ ကျန်းမာရေးက အကောင်းပကတိအတိုင်း ပြန်ဖြစ်သွားခဲ့တာပါ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။