စူပါမားကတ် ဆိုင်းဘုတ်ထဲမှာ တစ်နှစ်ကြာ နေထိုင်ခဲ့သူ
မစ်ချီဂန်ပြည်နယ်မှ အိမ်ရာမဲ့ အမျိုးသမီးတစ်ဦးဟာ စူပါမားကတ် ခေါင်မိုးပေါ်မှ ဆိုင်းဘုတ်ထဲမှာ ဘယ်သူမှမသိအောင် တစ်နှစ်ကြာ နေထိုင်ခဲ့ပါတယ်။ အသက် ၃၄ နှစ်အရွယ် အမည်မဖော်လိုတဲ့ အမျိုးသမီးဟာ မစ်လန်းမြို့မှာရှိတဲ့ Family Fare စူပါမားကတ် ခေါင်မိုးပေါ်မှ ဆိုင်းဘုတ်ထဲမှာ နေထိုင်ခဲ့တာပါ။
စူးစမ်းတတ်သူတစ်စုက ခေါင်မိုးပေါ် သွယ်တန်းထားတဲ့ ဝါယာကြိုးခွေကို လိုက်ကြည့်ရင်း စူပါမားကတ် ဆိုင်းဘုတ်ထဲ ရောက်သွားတဲ့အခါ ကွန်ပျူတာ၊ ကော်ဖီဖျော်စက်တွေနဲ့ ရှုပ်ပွနေတဲ့ အခန်းငယ်ထဲကနေ အဲဒီအမျိုးသမီးကို တွေ့ခဲ့တာပါ။ အဲဒီနောက် ရဲတွေ ရောက်လာပြီး မေးမြန်းစစ်ဆေးချိန်မှာတော့ အဲဒီအမျိုးသမီးက ဒီနေရာမှာ နေပြီး အလုပ်လုပ်နေတာ တစ်နှစ်ရှိပြီလို့ ဆိုပါတယ်။
ဒါပေမဲ့ အဲဒီဆိုင်းဘုတ်ထဲမှာ နေလို့ရတယ်ဆိုတာ ဘယ်လို တွေ့သွားတာလဲဆိုတာကိုတော့ ထုတ်ပြောခဲ့ခြင်း မရှိပါဘူး။ စူပါမားကတ်က အဲဒီအမျိုးသမီးကို ရွှေ့ပြောင်းခိုင်းခဲ့ပြီး အမျိုးသမီးကလည်း အခုလို လျှို့ဝှက်နေထိုင်ခဲ့တဲ့အပေါ် ပြန်တောင်းပန်ခဲ့ပါတယ်။ ဒီဖြစ်ရပ်မှာ အမျိုးသမီးကို စွဲချက်တင်ခဲ့ခြင်း မရှိပါဘူး။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
