မိုးဟေကို အကယ်ဒမီမရရအောင် ဇာတ်တွေတစ်ခုပြီးတစ်ခုဖန်တီးပေးနေတဲ့ ဒါရိုက်တာဝိုင်း
မင်းသမီးဖြစ်ဖို့မွေးဖွားလာတယ်လို့ထင်ရလောက်အောင် မင်းသမီးတစ်ယောက်ရဲ့အလှတွေနဲ့ပြည့်စုံလွန်းတဲ့ မိုးကို ပရိတ်သတ်တွေကအကယ်ဒမီရွှေစင်ရုပ်ထုနဲ့တွဲမြင်ချင်နေကြပါပြီ။မိုးရဲ့အနုပညာအရည်အသွေးက သူမရဲ့အလှအပလောက် မနိမ့်ဘူးဆိုပေမယ့်လည်းအကယ်ဒမီနဲ့ကံမစပ်သေးတဲ့မိုးကတော့ အခုအချိန်အထိပရိတ်သတ်ရင်ထဲကအကယ်ဒမီပဲရနေပါသေးတယ်။ဒါ့ကြောင့်လည်း မိုးအကယ်ဒမီရမယ့်ဇာတ်တွေကိုဒါရိုက်တာဝိုင်းက တစ်ခုပြီးတစ်ခုဖန်တီးပေးလာပါတယ်။
မကြာသေးခင်ကပဲ တခုတ်တရမိုးနဲ့ မိုးဟေကိုရဲ့အိုက်တင်တွေကို အကယ်ဒမီနဲ့မလွဲအောင်လုပ်ပေးခဲ့တဲ့ဒါရိုက်တာဝိုင်းကအခုလည်း “မိတင်စိန်”ဇာတ်နဲ့မိုးကို အကယ်ဒမီစင်မြင့်ပေါ်ကိုအရောက်ပို့ပေးလာပါတယ်။
“မိတင်စိန်”ဆိုတာ “ဗီးနပ်ရဲ့အချစ်”နာမည်နဲ့တချိန်ကဒါရိုက်တာဝိုင်းပဲရိုက်ကူးခဲ့ပြီး သက်မွန်မြင့်နဲ့ ဟိန်းဝေယံတို့အဓိကပါဝင်သရုပ်ဆောင်ခဲ့တဲ့ဇာတ်ကားကြီးပါ။ရုံတင်ကားကြီးမဟုတ်ခဲ့တဲ့ ဒီဇာတ်ကားမှာ သက်မွန်မြင့်ရဲ့အိုက်တင်တွေကိုတော့ပရိတ်သတ်ကရူးခါနေအောင်ကြိုက်ခဲ့ရပါတယ်။ဒီဇာတ်ကရုပ်ရှင်ကားကြီးသာဆိုရင်သက်မွန်အတွက်မလွဲမသွေအကယ်ဒမီရမယ့်ဇာတ်ကားကြီးပါပဲ။သာမန်ဇာတ်လမ်းတစ်ခုမင်းသမီးကြီးတစ်ယောက်ဖြစ်နေပေမယ့်
သက်မွန်ရဲ့ အိုက်တင်တွေကြောင့် အကယ်ဒမီမှန်းလို့ရတဲ့ဒီဇာတ်ကို ဒါရိုက်တာဝိုင်းကမိုးအတွက်အကယ်ဒမီရဖို့ဖန်တီးပေးလာပါတယ်။
“ဗီးနပ်ရဲ့အချစ်”ဆိုပြီးပရိတ်သတ်မှတ်မိနေတဲ့ဒီဇာတ်ကို မိုးကပြန်ရိုက်တဲ့အခါမှာ ပရိတ်သတ်တွေအနေနဲ့ယှဉ်စရာဖြစ်လာခဲ့ပါတယ်။အကယ်ဒမီသက်မွန်မြင့်ဆိုတာကလည်း drama ပိုင်နိုင်တဲ့မင်းသမီးတစ်ဦးဖြစ်ပြီးအကယ်ဒမီ၂ဆုတောင်သိမ်းပိုက်ထားနိုင်သူပါ။ဒါကြောင့်ပဲ သက်မွန်အကောင်းဆုံးကြိုးစားထားတဲ့ဇာတ်ဝင်ခန်းတွေလောက် မိုးကရောက်ပါ့မလားဆိုတဲ့စိုးရိမ်စိတ်တွေလည်း ပရိတ်သတ်တွေဆီမှာရှိနေပါတယ်ပရိတ်သတ်တွေကဘယ်လိုပဲနှိုင်းယှဉ်နေပါစေ။
ဒီဇာတ်ကိုပြန်ရိုက်သူဒါရိုက်တာဝိုင်းကတော့ သက်မွန်လည်းအကောင်းဆုံးကြိုးစားခဲ့သလို မိုးလည်းအကောင်းဆုံးကြိုးစားထားတာကြောင့် သက်မွန်ကသက်မွန် မိုးဟေကိုက မိုးဟေကိုဆိုပြီးသပ်သပ်စီခွဲမြင်ပေးထားပါတယ်။မိုးဟေကိုက မိတင်စိန်ရဲ့နောက်မူကွဲတစ်ခုကိုပြောင်းပြီးသရုပ်ဆောင်ပေးထားတာကြောင့် မိုးရဲ့ကြိုးစားမှုတွေကို ပရိတ်သတ်ကိုလည်းမြင်စေချင်နေပါတယ်။မိတင်စိန်က “ဗီးနပ်ရဲ့အချစ်”ဇာတ်တစ်ခုလုံးကိုပြန်ကူးရိုက်ထားတာမဟုတ်ဘဲ20%လောက်ပဲတူပြီး80%လောက်ကဇာတ်လမ်းပြောင်းပြီးရိုက်ထားတယ်လို့ဆိုပါတယ်။
ဒါရိုက်တာဝိုင်းအနေနဲ့ သူ့ရဲ့ကောင်းနိုးရာရာဇာတ်တွေကို ခေတ်မီပြင်ဆင်ဖြည့်စွက်ပြီး အကောင်းဆုံးပြန်ဖန်တီးပြချင်တဲ့စိတ်မျိုးရှိသူပါ။”ဗီးနပ်ရဲ့အချစ်လို”ဇာတ်ကောင်းတစ်ခုအတွက် မေမြို့ကအိမ်ကြီးကလည်းပြန်ရိုက်ချင်လာအောင်ဆွဲဆောင်လွန်းခဲ့တာကြောင့်လည်းပါပါတယ်။ဒါ့ကြောင့် မိတင်စိန်ကိုပြန်ပေါ်ဖော်ဖို့စဉ်းစားတဲ့အချိန်မှာ မျက်လုံးပါဝါအားကောင်းတဲ့သူ ၊အသံအားကောင်းတဲ့သူကိုလိုချင်ခဲ့ပါတယ်။မိုးရဲ့ကြိုးစားမှုတွေ ဒါရိုက်တာဝိုင်းရဲ့ပံ့ပိုးပေးမှုတွေအပြင် setting အပြင်အဆင်တွေကအစ upgrade မြှင့်ထားတဲ့ “မိတင်စိန်”ကိုဒါရိုက်တာဝိုင်းကပိုအားရတယ်လို့လည်းဆိုပါတယ်။
ပရိတ်သတ်တွေကတော့ “ဗီးနပ်ရဲ့အချစ်”မှာ ဟိန်းဝေယံကိုရွံစရာကောင်းလောက်အောင် မြူဆွယ်တဲ့သက်မွန်ရဲ့ဇာတ်ဝင်ခန်းနဲ့ အလင်းရောင်ကို မြှူဆွယ်တဲ့မိုးတို့ရဲ့ဇာတ်ဝင်ခန်းကိုနှိုင်းယှဉ်ကာဝေဖန်နေကြပါတယ်။ဇာတ်လမ်းသဘောအရဘယ်လိုပဲပြောင်းသွားပေမယ့် ဒီဇာတ်ဝင်ခန်းနှစ်ခန်းကတော့ဒိုင်ယာလောခ့်တွေကအစတူနေပြီးနှိုင်းယှဉ်လို့အကောင်းဆုံးဖြစ်နေပါတယ်။
လွန်ခဲ့တဲ့နှစ်တွေထဲက ရိုက်ခဲ့တဲ့”ဗီးနပ်ရဲ့အချစ်”မှာ သက်မွန်ရဲ့အိုက်တင်တွေကတော့အားလုံးအလွတ်ရတဲ့အထိကောင်းနေခဲ့တာကြောင့်လည်း မိုးအနေနဲ့သက်မွန်ထက်သာအောင်သရုပ်ဆောင်ပြဖို့ဆိုတာကတော့ စိန်ခေါ်မှုတစ်ခုပါပဲ။ပရိတ်သတ်ရင်ထဲရောက်ပြီးသားဇာတ်တစ်ခုကိုဒါရိုက်တာဝိုင်းအနေနဲ့ မိုးဟေကိုကို ကမ်းလှမ်းကာထပ်မံရိုက်ကူးခဲ့တာကတော့ ဇာတ်လမ်းကျောရိုးကရုပ်ရှင်အဖြစ်ပြသနိုင်တဲ့ဇာတ်မျိုးဖြစ်ပြီး မင်းသမီးလုပ်ကွက်ရခဲ့တဲ့ဇာတ်မျိုးပါ။ဒါတွေကြောင့်ပဲ ဒါရိုက်တာဝိုင်းကဒီနှစ်ကိုမိုးရဲ့နှစ်ဖြစ်အောင် calendar ကျဖန်တီးပေးနေတာလားဆိုတဲ့အသံတွေလည်းထွက်ပေါ်နေပါတယ်။
ဒါရိုက်တာဝိုင်းလက်နဲ့ထိပြီးရွှေဖြစ်ခဲ့ရတဲ့အနုပညာရှင်များစွာရှိတာကြောင့် ဝိုင်းအနေနဲ့လည်းမင်းသမီးမိုးဟေကိုကို အကယ်ဒမီနဲ့ပြေးမလွတ်စေချင်ပါဘူး။ဒါ့ကြောင့်ပဲ “တခုတ်တရမိုး”မှာလည်း မိုးဟေကိုရဲ့ကြိုးစားမှုတွေကို အကယ်ဒမီပြေးမလွတ်နိုင်တဲ့အထိပြောခဲ့သလို အခုတစ်ခါမှာလည်း “မိတင်စိန်”ကို မိုးဟေကိုနဲ့ပိုအားရတဲ့ပုံစံပြောလာပါတယ်။အနုပညာလောကကို မနေ့တနေ့ကမှဝင်ရောက်လာတဲ့ အငယ်တွေတောင်အကယ်ဒမီရနေကြတဲ့အချိန်မှာ မိုးအနေနဲ့လည်းအကယ်ဒမီရသင့်တယ်ဆိုပေမယ့် သက်မွန်နဲ့ယှဉ်ကြည့်ရတဲ့ “မိတင်စိန်”လိုကားမျိုးမှာတော့ ပရိတ်သတ်တွေကသက်မွန်မှသက်မွန်ဖြစ်နေကြတုန်းပါပဲ။
ရေးသားသူ –One daily Channel
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။