လန်ဒန်ဖျော်ဖြေပွဲအတွင်း ချစ်သူတေလာဆွစ်ဖ်နဲ့အတူ စင်ပေါ်တက်ရောက်ဖျော်ဖြေဖြစ်ခဲ့တဲ့ ထရာဗစ်ကယ်လ်စီ
ကမ္ဘာကျော်အဆိုတော်တေလာဆွစ်ဖ်က ကမ္ဘာလှည့်ဖျော်ဖြေပွဲ Eras Tour လုပ်နေတာအခုဆို လန်ဒန်မြို့ကို ရောက်ရှိလာခဲ့ပါပြီ။ သူ့ချစ်သူ အမေရိကန်ကစားသမားအကျော်အမော် ထရာဗစ်ကယ်လ်စီကလည်း ကမ္ဘာ့လှည့်ဖျော်ဖြေမှုလုပ်နေတဲ့ သူ့ကို အပြည့်အဝပံ့ပိုးမှုလုပ်နေပါတယ်။
ဇွန် ၂၃ ရက်နေ့ညနေက ထရာဗစ်ဟာ ဝတ်စုံအပြည့်နဲ့ ဖျော်ဖြေပွဲစင်မြင့်ထက်မှာ ချစ်သူနဲ့အတူပါဝင်ဖြစ်ခဲ့ပါတယ်။ ဖျော်ဖြေပွဲလာရောက်ခဲ့ကြတဲ့ပရိသတ်တွေက အဲ့ဒီမြင်ကွင်းကို မှတ်တမ်းတင်ရိုက်ကူးခဲ့ကြပါတယ်။ I Can Do It With A Broken Heart သီချင်းဖျော်ဖြေစဉ်အတွင်း ထရာဗစ်က စင်မြင့်ပေါ်တက်ရောက်ခဲ့တာပါ။
လန်ဒန်ရှိုးမတိုင်ခင်ကလည်း ထရာဗစ်ကို VIP တဲထဲကနေ သူ့အစ်ကို ဂျဆင်ကယ်လ်စီ၊ တေလာရဲ့အခြားဆယ်လီသူငယ်ချင်းတွေနဲ့အတူ ထွက်လာတာတွေ့မြင်ခဲ့ရပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။