လူကြီးလူကောင်း ဇာတ်ကားထဲမှာ ချွဲနွဲ့တဲ့အိုက်တင်တွေကို မလုပ်တတ်လုပ်တတ်နဲ့ လုပ်ခဲ့ရတဲ့ ရွှေအိမ်စည်
ကိုဗစ်ကာလအတွင်း ရပ်နားထားသလိုဖြစ်ခဲ့ရတဲ့ မြန်မာ့ရုပ်ရှင်ယန္တရားကြီးဟာ အခုဆိုရင် အရှိန်ကောင်းကောင်းနဲ့ ပြန်လည်လည်ပတ်နေတာ တွေ့ရမှာပါ။ လက်ရှိမှာ မြန်မာ့ရုံတင်ကားကြီးတွ တစ်ကားပြီးတစ်ကား ဆက်တိုက်ပြသနေတာဖြစ်ပြီး အဲဒီအထဲမှာ ပရိသတ်အကြိုက်ကားကောင်းတွေလည်း ပါဝင်နေတာပါ။
မြန်မာရုပ်ရှင်လောကမှာ ကြုံတွေ့ရတဲ့အခက်အခဲတစ်ခုက ပြည်တွင်းမှာ ပြသနိုင်တဲ့ ရုပ်ရှင်ရုံအရေအတွက် နည်းပါးနေတာပါ။ ဒါကြောင့် ရိုက်ကူးထားတဲ့ ဇာတ်ကားတွေနဲ့ ပြသခွင့်ရတဲ့ ရုပ်ရှင်ရုံအရေအတွက်က အချိုးအစား မညီမျှပဲ ဖြစ်လျက်ရှိနေပါတယ်။ ပြောရမယ်ဆိုရင် လွန်ခဲ့တဲ့ နှစ်ပေါင်းတော်တော်ကြာက ရိုက်ကူးထားပြီး လက်ရှိအချိန်အထိ ရုံတင်ခွင့်မရသေးတဲ့ ဇတ်ကားတွေလည်း ရှိနေပါတယ်။ လက်ရှိအချိန်မှာတော့ လူကြီးလူကောင်းဆိုတဲ့ ဇာတ်ကားကြီးကို ရုံတင်ပြသလျက်ရှိနေတာပါ။
လူကြီးလူကောင်း ဇာတ်ကားကြီးဟာ နာမည်ကျော် ထိတ်ထိတ်ကြဲမင်းသားကြီးတွေ ပါဝင်ထားတဲ့ဇာတ်ကားဖြစ်လို့ ပရိသတ်တွေကြားမှာလည်း ရေပန်းစားလျက်ရှိနေပါတယ်။ နာမည်ကျော်မင်းသားကြီးတွေဖြစ်တဲ့လွင်မိုး၊ပြေတီးဦး၊ လူမင်းတို့ကိုယ်တိုင် ပါဝင်ထားပြီး မင်းသမီးတွေနဲ့အတူ ရိုက်ကူးထားခဲ့တာ ဖြစ်ပါတယ်။ ဒီဇာတ်ကားဟာ လွန်ခဲ့တဲ့ (၆) နှစ်လောက်က ရိုက်ကူထားတဲ့ ဇာတ်ကားဖြစ်ပြီး အခုအချိန်ကျမှ ရုံတင်ပြသခဲ့တာပါ။ ဒီဇာတ်ကားမှာ မော်ဒယ် သရုပ်ဆောင် ရွှေအိမ်စည်လည်း ပါဝင်သရုပ်ဆောင်ထားပြီး ဒီဇတ်ကားဟာ သူမအတွက်လည်း စိန်ခေါ်မှုကြီးမားတဲ့ ဇာတ်ကားဖြစ်ခဲ့ပါတယ်။ ဒီဇာတ်ကားကို ရိုက်ကူးစဥ်မှာ ရွှေအိမ်စည်ဟာ သရုပ်ဆောင်နယ်ပယ်ကို စတင်ဝင်ရောက်ခါစဖြစ်နေပြီး တချို့သရုပ်ဆောင်ပိုင်းတွေမှာ သူမအတွက် အခက်အခဲရှိခဲ့ပါတယ်။
အထူးသဖြင့် လူကြီးလူကောင်း ဇာတ်ကားကြီးထဲမှာ ချွဲနွှဲ့တဲ့အမူအရာတွေနဲ့ သရုပ်ဆောင်ရတဲ့အပိုင်းကရွှေအိမ်စည်အတွက် အခက်အခဲတစ်ခုလိုဖြစ်ခဲ့တာပါ။ သူမအနေနဲ့ ပြင်ပဘဝမှာလည်း ဒဲ့ဒိုးသာပြောဆိုတတ်သူဖြစ်ပြီး ချွဲနွှဲ့တဲ့အိုက်တင်မျိုးတွေ မလုတ်တတ်လို့ အခက်အခဲကြုံတွေ့ခဲ့ရတဲ့အကြောင်းကို ရွှေအိမ်စည်က ဖွင့်ဟခဲ့ပါတယ်။ “ဒီဇာတ်ကားမှာ ကိုယ့်ရဲ့ ကာရိုက်တာ မဟုတ်ဘဲ ချွဲနွဲ့ပြီး မာယာတွေနဲ့မြူဆွယ်ရတာဆိုတော့ ခက်ခဲမှုတွေ ရှိခဲ့ပါတယ်။
ကိုယ့်ရဲ့အသံအနေအထား၊ ကိုယ့်ရဲ့ပုံစံက ဒဲ့ဒိုးပြောဆိုတတ်သူဖြစ်လို့ ချွဲနွှဲ့တဲ့အမူအရာတေွ လုပ်တဲ့အခါမှာ မလိုက်မဖက် ခံစားခဲ့ရပါတယ်။ ကိုယ်က အဲဒီလို အမူအရာမျိုး မလုပ်တတ်တဲ့အတွက် အဆင်မပြေတာတွေဖြစ်ပြီး ခဏခဏ ပြန်ရိုက်ရပါတယ်။
အိုက်တင်အမူအရာ အဆင်ပြေနေတဲ့အချိန်မှာလည်း ဒိုင်ယာလော့ခ်မေ့သွားတာတွေ ရှိခဲ့ပါတယ်။ ဒါကြောင့် ကိုယ်နဲ့တွဲရိုက်တဲ့ သူတိုင်းကတော့ ကိုယ့်အပေါ် စိတ်ရှည်ပေးရတာပေါ့”လို့ ရွှေအိမ်စည်က ဖွင့်ဟခဲ့ပါတယ်။ ဒါကြောင့် ဒီလို အခက်အခဲမျိုးတွေ ကြုံတွေလာချိန်မှာ ဇာတ်ကားကြီးမှာ ပါဝင်တဲ့ စီနီယာတွေက သူမအပေါ် စိတ်ရှည်ရှည်နဲ့ သင်ကြားပေးမှုတွေ ရှိခဲ့ကြောင်း၊ ဒီဇတ်ကားမှာ သူမရဲ့ သရုပ်ဆောင်ချက်တွေအပေါ် စိုးရိမ်စိတ်တွေ ရှိခဲ့ကြောင်း ရွှေအိမ်စည်က ထပ်လောင်းဖွင့်ဟခဲ့ပါတယ်။
ဆက်လက်ပြီး ရွှေအိမ်စည်က သူမရဲ့ နေထိုင်ပုံနဲ့ ပတ်သက်ပြီး အထင်လွဲနေတဲ့ ပရိသတ်တွေအပေါ်လည်း ဖြေရှင်းမှု ပြုလုပ်ခဲ့ပါတယ်။ ရွှေအိမ်စည်ဟာ သူမ စိတ်ကူးထဲရှိတဲ့အတိုင်း လွတ်လွတ်လပ်လပ် ပေါ့ပေါ့ပါးပါး နေထိုင်တတ်သူဖြစ်ပြီး ဒါတွေက တစ်ခါတစ်လေကျရင် တချို့ပရိသတ်တွေရဲ့အမြင်မှာ အထင်လွဲစရာတွေ ဖြစ်သွားကောင်း ဖြစ်သွားနိုင်ပါတယ်။
သူမအနေနဲ့ ပရိသတ်တွေကို ချစ်ခင်ပြီး သူတို့ရဲ့အမြင်တွေကို ဂရုစိုက်သူဖြစ်ကြောင်းလည်း ရွှေအိမ်စည်က ပြည်တွင်း မီဒီယာတစ်ခုမှာ ဖွင့်ဟခဲ့ပါတယ်။ အမိုက်စား ခန္ဓာကိုယ်ကောက်ကြောင်းနဲ့ စွဲမက်ဖွယ်ရာအချိုးအစားကို ပိုင်ဆိုင်ထားတဲ့ ရွှေအိမ်စည်ဟာ ပုရိသတွေကြားမှာလည်း ရေပန်းစားသူဖြစ်ပါတယ်။ ရွှေအိမ်စည် ပါဝင်သရုပ်ဆောင်ထားတဲ့ လူကြီးလူကောင်းဇာတ်ကားကြီးဟာ အခုဆိုရင် ပရိသတ်တွေရှေ့မှောက်ကို ရောက်ရှိနေပြီဖြစ်ပြီး ဒီဇာတ်ကားကို အားပေးကြဖို့လည်းရွှေအိမ်စည်က ပရိသတ်တွေထံ တောင်းဆိုထားခဲ့ပါတယ်။ မြန်မာနိုင်ငံရဲ့ နာမည်ကျော် ထိပ်တန်းမင်းသားကြီးတွေ ပါဝင်တဲ့ လူကြီးလူကောင်း ဇာတ်ကားကြီးဟာ ပရိသတ်တွေအတွက်လည်း ရင်ခုန်စိတ်လှုပ်ရှားစရာကောင်းတဲ့ ဇာတ်ကားတစ်ကားဖြစ်မယ်ထင်ပါတယ်။
ရေးသားသူ –One daily channel
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
