နေထူးနိုင်နဲ့အတူတူ Superhero ကားတွေရိုက်ဖို့ကြံစည်နေတဲ့ထက်ထက်ထွန်း
ကလေးတွေအကြိုက် ကမ္ဘာကြီးကို ကယ်တင်ပေးနေတဲ့ သူက ကွီးနေထူးနိုင်ပါ။နေထူးနိုင်ကတော့ ရုပ်ရှင်ဇာတ်ကားပေါင်းများစွာကို ရိုက်ကူးခဲ့ပြီး ရိုက်သမျှကားတိုင်းကလည်း လူကြီးတွေအတွက် ရယ်စရာဖြစ်နေပေမယ့် ကလေးတေွအကြိုက်ကမ္ဘာမြေရဲ့ကယ်တင်ရှင်တစ်ယောက်အ ေနနဲ့ ရိုက်ကူးခဲ့တာပါ။
နယ်ကြိုက်မင်းသားတစ်လတ်ဖြစ်သလို၊ Super hero တွေရိုက်ကူးတတ်တာကြောင့် ကလေးတွေချစ်တဲ့ မင်းသားတစ်လတ်လည်းဖြစ်လို့ေနပါတယ်။ကွီးနေထူးနိုင်က ဇာတ်ကားထဲမှာဘဲ ကမ္ဘာမြေကို ကယ်တင်တာမဟုတ်ဘဲ လက်တွေ့အပြင်မှာပါ နေထိုင်ရာ ရေနံချောင်းမြို့ကြီးကို ကယ်တင်ဖို့ ကြိုးစားနေသူပါ။လွန်ခဲ့တဲ့ ရက်ပိုင်းက ရေနံချောင်းမြို့က အပူဆုံးဒေသဖြစ်ခဲ့တာကြောင့် သူ့အနေနဲ့ အပင်တွေ ထောင်ချီပြီး စိုက်ပျိုးပြီး နောင်တစ်ချိန်မှာ လူအများအဆင်ပြေအောင် ပျိုးထောင်ပေးခဲ့တာလည်းဖြစ်ပါတယ်။
အပြင်မှာလူတွေအကျိုးရှိတဲ့ အလုပ်တွေလုပ်ရင်း ကယ်တင်ခဲ့သလို ဇာတ်ကားထဲမှာလည်း လူဆိုးတွေကို မမြင်ရတဲ့ စူပါစွမ်းအားတွေနဲ့ တိုက်ခိုက်ရင်း ကမ္ဘာကြီးကိုကယ်တင်နေတာလည်းဖြစ်ပါတယ်။ပရိတ်သတ်တွေကတော့ သူရဲ့ဇာတ်ကားတေွကို မြန်မာပေါကားလို့သာသတ်မှတ်ခဲ့ကြတာပါ။မီးလက်ဝါးသိုင်းတွေ၊မြေလျှိုးမိုးပျံအကွက်တွေ၊လက်ချောင်းတွေထဲက သောက်ထားတဲ့ အရက်ကို ပြန်ထုတ်တတ်တားလည်းဖြစ်ပါတယ်။
သူ့ရဲ့ ဇာတ်ကားတွေ ပရိတ်သတ်တွေမကြိုက်ကြပေမယ့် ထက်ထက်ထွန်းကတော့ ကွီးနေထူးနိုင်ရဲ့ ဇာတ်ကားတွေကိုကြိုက်လို့ သူတောင်ရိုက်ကူးချင်နေတဲ့ အထိပါဘဲ။ထက်ထက်ထွန်းကတော့ Miss တစ်ယောက်ဖြစ်ပေမယ် အခုအချိန်မှာ မင်းသမီးတစ်ယောက်အနေနဲ့ အနုပညာလမ်းကြောင်းပေါ်လျှောက်လှမ်းနေသူတစ်ယောက်ပါ။
Miss တစ်ယောက်အနေနဲ့ အားပေးမှုအခိုင်အမာရထားသလို သရုပ်ဆောင်တစ်ယောက်အဖြစ်နဲ့လည်း အားပေးသူပရိတ်သတ်တွေများစွာရှိလို့နေပါတယ်။ပရိတ်သတ်တော်တော်များများကတော့ သူ့ကိုသမီးဆိုးဇာတ်လမ်းတွဲမှာကြိုက်ခဲ့ကြတာပါ။ဘယ်သူ့ကိုမှ လူမထင်တဲ့ မိုက်ရိုင်းထွားကြိုင်းတဲ့ ရွှေပုံဧရာ အဖြစ်သရုပ်ဆောင်ရင်းကနေ ပရိတ်သတ်အားပေးမှုကို ရရှိခဲ့တာပါ။
လိုအပ်ချက်တွေအများအပြားရှိပေမယ့်လည်း miss တစ်ယောက်အနေနဲ့ ကူးပြောင်းလာတာမို့ ပရိတ်သတ်တော်တော်များများကတော့ လက်ခံခဲ့ပေမယ့်လည်း ပရိတ်သတ်တချို့ရဲ့ ဝေဖန်သံတွေက ရှိနေတုန်းပါဘဲ။ပရိတ်သတ်တစ်ချို့ကတော့ ထက်ထက်ထွန်းကို over အိုက်တင်နဲ့ သရုပ်ဆောင်နေတယ်ဆိုပြီး ဝေဖန်ခဲ့ကြတာပါ။စိတ်ဆိုးရမယ့်အခန်းရိုက်ရင် မျက်လုံးကိုပြူးပြီး သရုပ်ဆောင်ကိုမကြိုက်ကြတာပါ။
မကြိုက်တဲ့ပရိတ်သတ်တွေရှိနေပေမယ့် ကြိုက်တဲ့ပရိတ်သတ်တွေများနေတာကြောင့် ဇာတ်လမ်းတွဲတွေမှာလည်း ရိုက်ကူးခွင့်သလို ရုံတင်ဇာတ်ကားတွေမှာပါ ပါဝင်ခွင့်ရနေပါပြီ။လတ်တလောရိုက်ကူးထားတဲ့ ရုံတင်ဇာတ်ကား2ကားကလည်း ဇာတ်ကားထဲမှာပါတဲ့ ဇာတ်ရုပ်က ထက်ထက်ထွန်းနဲ့မှ လိုက်မယ်ဆိုပြီး တကူးတက ကမ်းလှမ်းပြီးရိုက်ကူးခွင့်ရခဲ့တာပါ။
နာမည်ကြီး ဒါရိုက်တာတစ်ယောက်ဖြစ်တဲ့ ဝိုင်းရိုက်ကူးတဲ့ တခုတ်တရ ဇာတ်ကားကြီးမှာ ပါဝင်ခွင့်ရခဲ့ပြီး သူ့ရဲ့ Over အိုက်တင်တွေကို ပြင်ေပးပြီး ရိုက်ကူးခဲ့တာပါ။ထက်ထက်ထွန်းကတော့ ကံကောင်းတယ်လို့ဆိုရမလိုပါဘဲ သူအနေနဲ့ နာမည်ကြီးမင်းသား၊မင်းသမီးတွေပါတဲ့ ဇာတ်ကားထဲမှာလည်း ပါဝင်ရိုက်ကူးခွင့်ရခဲ့ပြီး အဲ့ဒီ့ ဇာတ်ကားကြီးကလည်း ရုံတင်တဲ့ အခါမှာ စံချိန်ချိုးတဲ့ အထိ ပရိတ်သတ်အားပေးမှုကို ရရှိခဲ့ပါတယ်။
တစ်ကားမှာလည်း ပရိတ်သတ်အားပေးခဲ့သလို အခုရိုက်ကူးထားတဲ့ လှတောသားကွ ဖျားသွားမယ် ဇာတ်ကားကိုလည်း ပရိတ်သတ်တွေကိုအားပေးဖို့ပြောလာခဲ့ပါတယ်။ထက်ထက်ထွန်းကတော့ လှတောသားကွ ဖျားသွားမယ် ဇာတ်ကားရိုက်ပြီးကတည်းက Super hero ဇာတ်ကားရိုက်ကူးချင်တဲ့ စိတ်ကူးတွေပေါက်နေခဲ့ပါတယ်။အကြောင်းကတော့ တခြားမဟုတ်ဘဲဒီတစ်ခေါက်ရိုက်တဲ့ ဇာတ်ကားမှာ ကွီးနေထူးနိုင်နဲ့ အတူတူ သရုပ်ဆောင်ရင်းဓာတ်ကူးသွားခဲ့တာပါ။
ထက်ထက်ထွန်းကတော့ နေထူးနိုင်ရိုက်တဲ့ ကားတွေကို ပေါကားလိုမမြင်ဘူးလို့ဆိုပါတယ်။လူကြီးတွေအနေနဲ့ကြည့်ရင်သာ ပေါကားဖြစ်ပေမယ့် ငယ်သေးတဲ့ အရွယ်တွေကြည့်ရင် ဒါက အကြိုက်ေတွ့စေမဲ့ ဇာတ်ကားမျိုးလို့ဆိုပါတယ်။ထက်ထက်ထွန်းက နေထူးနိုင်ကို အားကျလို့ စူပါစွမ်းအားတွေနဲ့ ဇာတ်ကားတစ်ကားလောက်ရိုက်ကြည့်ချင်တယ်လို့ဆိုပါတယ်။
နေထူးနိုင်ကတော့ စီနီယာတစ်ယောက်အနေနဲ့ ထက်ထက်ထွန်းနဲ့ လိုက်ဖက်မယ့် ကာရိုက်တာမျိုး အကြံပေးလာခဲ့ပါတယ်။အရပ်အမောင်းနဲ့ Body လှတဲ့ ထက်ထက်ထွန်းကို စူပါဟီးရိုးကားမရိုက်ဘဲ ဟောင်ကောင်ဂျက်မရိုက်ဖို့ ပြောလာခဲ့ပါတယ်။ထက်ထက်ထွန်းကတော့ ကြိုးတွေဆွဲပြီး ပျံနေတာမျိုးရိုက်ချင်တာကြောင့် ဘယ်လို့ကာရိုက်တာမျိုးရိုက်ဖြစ်မလဲဆိုတာကိုတော့ သေချာပြောမလာသေးတာလည်းဖြစ်ပါတယ်။
အလုပ်တစ်ခုလုပ်ရင်မဖြစ်ဖြစ်အောင်လုပ်တတ်တဲ့ ထက်ထက်ထွန်းကတော့ နေထိူးနိုင်မြှေှာက်ပေးတဲ့ အတိုင်း ဂျက်မ တစ်ယောက်လိုရိုက်ကူးမလား၊ကလေးတွေအကြိုက် စွမ်းအားရှင်ကားမျိုးရိုက်ကူးမလားဆိုတာကတော့ စောင်ကြည့်မှဘဲသိနိုင်မှာလည်းဖြစ်ပါတယ်
ရေးသားသူ –One daily channel
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။