ခင်ပွန်းဖြစ်သူ မသေဆုံးခင် ၂ ပတ်အလိုမှာ ထီဆုကြီးပေါက်ခဲ့တဲ့ အမျိုးသမီး
ပင်ဆယ်ဗေးနီးယားပြည်နယ်မှာ နေထိုင်တဲ့ အမျိုးသမီးတစ်ဦးဟာ သူ့ခင်ပွန်းဖြစ်သူကို တစ်နေ့ သူ ထီဆုကြီးပေါက်ရမယ်လို့ ကတိပေးခဲ့ဖူးပါတယ်။ သူ့ခင်ပွန်းမသေဆုံးခင် ၂ ပတ်လိုမှာ အဲ့ဒီကတိကို တည်နိုင်ခဲ့ပါတယ်။ အသက် ၆၁ နှစ်အရွယ် ကာရန် ကော့ဖ်မန်းဆိုတဲ့ အဲ့ဒီအမျိုးသားဟာ မတ်လမှာ ခဲခြစ်ထီ ဒေါ်လာ ၁ သန်းဆုပေါက်ခဲ့ပြီးနောက် ဇွန်လ ၁၃ ရက်နေ့မှာ ထီဆုချီးမြှင့်ခံခဲ့ရပါတယ်။
ထီဆုကြီးပေါက်ဝမ်းသာစရာဖြစ်ခဲ့ပေမဲ့ သူ ထီပေါက်ပြီး ၂ ပတ်အကြာမှာ ခင်ပွန်းဖြစ်သူက ဦးနှောက်အကျိတ်ကင်ဆာရောဂါနဲ့ သေဆုံးသွားခဲ့ပါတယ်။ သူ့ခင်ပွန်းမသေဆုံးခင်က ထီပေါက်တယ်ဆိုတာကို ပြောပြတော့ လိမ်နေတယ်လို့ပဲ ထင်နေခဲ့တာပါ။ ကာရန်ကိုယ်တိုင်ကလည်း အစက သူ ထီပေါက်တယ်ဆိုတာကို မယုံကြည်နိုင်ဖြစ်ခဲ့တာပါ။
ကာရန်က လွန်ခဲ့တဲ့ ၁၄ နှစ်တုန်းကလည်း ခဲခြစ်ထီ ဒေါ်လာ ၆၅၀၀၀ ပေါက်ခဲ့ဖူးတယ်လို့သိရပါတယ်။ သူက အခု ထီဆုငွေရဲ့တစ်စိတ်တစ်ပိုင်းကို ရင်းနှီးမြှုပ်နှံသွားမှာဖြစ်ပြီး ကျန်တဲ့ဆုငွေတွေကို ဖလော်ရီဒါမှာ နေထိုင်တဲ့အခါ အသုံးပြုသွားမှာဖြစ်ပါတယ်။ သူ့မြေးတွေနဲ့အတူ Disney World သွားနိုင်ဖို့၊ ငါးဖမ်းတာတွေလုပ်ဖို့လည်း မျှော်လင့်နေပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။