ဆွဲကြိုးတစ်ကုံးကြောင့် အသက်ဘေးမှ လွတ်မြောက်ခဲ့သူ
သေနတ်နဲ့အနီးကပ်ပစ်ခံခဲ့ရတဲ့ အမျိုးသားတစ်ဦးဟာ သူ့ဆွဲကြိုးကြောင့် အသက်ဘေးမှ လွတ်မြောက်ခဲ့ပါတယ်။ အမေရိကန်နိုင်ငံ ကော်လိုရာဒိုပြည်နယ်မှာ နေထိုင်တဲ့ အမျိုးသားတစ်ဦးဟာ စကားများ ရန်ဖြစ်ရာကနေ သေနတ်နဲ့ပစ်ခံခဲ့ရတာပါ။ ဒါပေမဲ့ ပွိုင့် ၂၂ သေနတ်ကျည်က သံကွင်းဆက်ပုံစံ ဆွဲကြိုးကို ထိမှန်ခဲ့ပြီး ရင်ဘတ်ကို တိုက်ရိုက်မထိခဲ့တာကြောင့် စုတ်ပြဲဒဏ်ရာပဲ ရခဲ့ပါတယ်။
ပြီးခဲ့တဲ့သီတင်းပတ်မှာ ကော်လိုရာဒိုပြည်နယ် ရဲတပ်ဖွဲ့က သွေးစွန်းနေတဲ့ ဆွဲကြိုးပုံနဲ့အတူ ဒီအကြောင်းကို သူတို့ရဲ့ ဖေ့ဘွတ်ခ်စာမျက်နှာမှာ တင်ခဲ့တာပါ။ သူတို့က ငွေဆွဲကြိုးလို့ ဖော်ပြထားပေမဲ့ ငွေက ပျော့ပျောင်းတဲ့အတွက် ကျည်ဆန်ဒဏ် ခံနိုင်မှာမဟုတ်ပါဘူး။ မာကျောတဲ့ သတ္တုပါဝင်နေလို့သာ ကျည်ဆန်ဒဏ် ခံနိုင်ခဲ့ပြီး ဆွဲကြိုးပိုင်ရှင်အမျိုးသား အသက်ဘေးမှ လွတ်ခဲ့တာဖြစ်မယ်လို့ လူမှုကွန်ရက် အသုံးပြုသူတွေက မှတ်ချက်ပေးခဲ့ကြပါတယ်။
ရေးသားသူ -Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
