ပြည်သူတွေအတွက် မြှားနတ်မောင်အဖြစ် ဆောင်ရွက်နေတဲ့ ဂျပန်အစိုးရ
ဂျပန်နိုင်ငံမှာ ဆယ်စုနှစ်တစ်စုနီးပါး ကလေးမွေးဖွားနှုန်း ကျဆင်းနေခဲ့တဲ့အတွက် ဂျပန်အစိုးရက ပြည်သူတွေအတွက် မြှားနတ်မောင်အဖြစ် လုပ်ဆောင်နေပါတယ်။ အခုဆို ဂျပန်အစိုးရက ကလေးမွေးဖွားမှုနှုန်းမြှင့်တက်လာစေဖို့ ရည်ရွယ်ပြီး Dating App တစ်ခုထွက်ရှိဖို့ စီစဉ်ထားပါတယ်။
ဂျပန်အစိုးရရဲ့ Dating App က အောင်သွယ်ပေးတဲ့ဝန်ဆောင်မှုအပြင် ချစ်ခြင်းမေတ္တာတွေရှင်သန်ပေါက်ဖွားလာစေဖို့ ရည်ရွယ်တဲ့နည်းလည်းဖြစ်ပါတယ်။ ဂျပန်နိုင်ငံရဲ့မြို့တော် တိုကျိုက ကိုယ်ပိုင် Dating App ကို စောနိုင်သမျှစောစော စတင်ဖြန့်ချိဖို့ စီစဉ်နေတယ်လို့ သိရပါတယ်။
Dating App အသုံးပြုသူတွေက Single ဖြစ်ကြောင်းသက်သေပြဖို့ လိုအပ်မှာဖြစ်ပါတယ်။ ဂျပန်နိုင်ငံမှာ အောင်သွယ်ပေးတဲ့အစီအစဉ်တွေ များတဲ့အတွက် အစိုးရက ဖြန့်ချိတဲ့ App ကတော့ ရှားပါတယ်။ လက်ထပ်ဖို့ကြိုးစားနေကြတဲ့သူတွေရဲ့ ၇၀ ရာခိုင်နှုန်းက Dating အစီအစဉ်တွေမှာ တက်တက်ကြွကြွမပါဝင်ကြတာတွေ့ရှိရတယ်လို့ ဂျပန်အစိုးရက ဆိုထားပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။