မိုးသီးကြွေတဲ့ဒဏ်ကြောင့် လေယာဉ်ထိပ်ဖူး ပျက်စီးသွားပေမဲ့ ဘေးကင်းစွာ ဆင်းသက်နိုင်ခဲ့တဲ့ လေယာဉ်
မိုးသီးကြွေတဲ့ဒဏ်ကြောင့် လေယာဉ် ထိပ်ဖူး ပျက်စီးပြီး ရှေ့မှန်ကွဲအက်သွားခဲ့ပေမဲ့ သြစတြီးယားလေကြောင်းလိုင်းရဲ့ လေယာဉ်တစ်စီးဟာ ဗီယင်နာမြို့ကို ဘေးအန္တရာယ်ကင်းရှင်းစွာ ဆင်းသက်နိုင်ခဲ့ပါတယ်။ သက်တမ်း ၂၃ နှစ်ရှိတဲ့ Airbus SE A320 လေယာဉ်ဟာ ပြီးခဲ့တဲ့တနင်္ဂနွေနေ့ညနေ ၃ နာရီ ၅၅ မိနစ်အချိန်က Palma de Mallorca လေဆိပ်ကနေ ထွက်ခွာပြီးနောက် မိုးသက်မုန်တိုင်း ကြုံခဲ့ပြီး မိုးသီးကြွေကျတဲ့ဒဏ် ခံခဲ့ရတာပါ။
အွန်လိုင်းပေါ်မှ ဓာတ်ပုံတွေအရ လေကြောင်းအမှတ် OS434 လေယာဉ်ဟာ လေခွင်းအားကောင်းအောင် ထည့်သွင်းထားတဲ့ လေယာဉ်ဦးပိုင်း ထိပ်ဖူး ပဲ့ထွက်သွားပြီး မိုးသီးထိမှန်တဲ့ တခြားနေရာတွေမှာလည်း ပိန်ချိုင့်နေတာ တွေ့ရပါတယ်။ ဒါ့အပြင် လေယာဉ်မှူးတွေရှေ့တည့်တည့် မှန် ၂ ချပ်ကလည်း ကွဲအက်သွားခဲ့တာပါ။ ဒါပေမဲ့ လေယာဉ်ကို ဘေးကင်းစွာ ဆင်းသက်နိုင်ခဲ့ပြီး ထိခိုက်ဒဏ်ရာ တစ်စုံတစ်ရာ မရှိခဲ့ဘူးလို့ ဆိုပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။