မြစ်ထဲထိုးကျသွားတဲ့ ကားထဲကနေ သတိလစ်နေတဲ့ ယာဉ်မောင်းကို အသက်ကယ်တင်ခဲ့သူနှစ်ဦး
တရုတ်နိုင်ငံမှာ မြစ်ထဲ မျောပါနေတဲ့ ကားထဲကနေ သတိလစ်နေတဲ့ ကားသမားကို ကယ်တင်ပေးနိုင်ခဲ့လို့ အမျိုးသားနှစ်ဦးဟာ သူရဲကောင်းအဖြစ် ချီးကျူးခံခဲ့ရပါတယ်။ စီချွမ်ပြည်နယ်၊ ချန်ဒူးမြို့ရဲ့ မြစ်ထဲကို ကားတစ်စီး ထိုးကျသွားပြီး ကားထဲမှာတော့ အသက် ၅၃ နှစ်အရွယ် ယာဉ်မောင်းဖြစ်သူက သတိလစ်နေတာပါ။
ဒီဖြစ်ရပ်ကို မြင်တွေ့တဲ့ ကျောက်တာယင်က မြစ်ထဲကို ခုန်ဆင်းပြီး ယာဉ်မောင်းကို ကယ်ထုတ်ဖို့ ကြိုးစားခဲ့တာပါ။ သူက ကားမှန်ကို ရိုက်ခွဲခဲ့ပါတယ်။ အဲဒီနောက်မှာ ဝမ်ယီဟွာလို့ အမည်ရတဲ့ အမျိုးသားတစ်ဦးက ဒီဖြစ်ရပ်ကို မြင်သွားပြီး မြစ်ထဲ ခုန်ဆင်းကာ ကျောက်တာယင်ကို ကူညီပေးခဲ့ပါတယ်။ သူတို့က ကားမှန်ကို ရိုက်ခွဲပြီး ကားသမားကို ကယ်တင်ပေးနိုင်ခဲ့တာပါ။
ကမ်းပါးပေါ်မှာ ရှိနေသူတွေက သူတို့ရဲ့ လှုပ်ရှားမှုတွေကို ဗီဒီယိုမှတ်တမ်းတင်ထားခဲ့လို့ သူတို့ရဲ့ သက်စွန့်ဆံဖျား ကူညီမှုအကြောင်း ပျံ့နှံ့သွားခဲ့တာပါ။ ယာဉ်မောင်းဟာ ကျောက်တာယင်နဲ့ ဝမ်ယီဟွာတို့ရဲ့ ကယ်တင်မှုကြောင့် အသက်ဘေးက လွတ်မြောက်ခဲ့ပြီး ကျန်းမာရေး ပြန်လည်ကောင်းမွန်လာပြီလို့ သိရပါတယ်။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။