၈၄ နှစ်ကြာမှ စာကြည့်တိုက်ကို စာအုပ်ပြန်လာအပ်ခဲ့သူ
လွန်ခဲ့တဲ့နှစ်ပေါင်း ၈၀ ကျော်ကတည်းက ငှားထားတဲ့စာအုပ်ကို လာပြန်အပ်သွားလို့ ဖင်လန်နိုင်ငံ ဟယ်ဆယ်ကီစာကြည့်တိုက်မှ ဝန်ထမ်းတွေက အံ့အားသင့်နေကြပါတယ်။ စာရေးဆရာ အာသာကိုနန်ဒွိုင်းရဲ့ ဒုက္ခသည်များ (The Refugees)စာအုပ်ကို ဖင်လန်ဘာသာစကားနဲ့ ပြန်ဆိုရေးသားထားတဲ့ စာအုပ်ဖြစ်ပြီး ၁၉၃၉ ခုနှစ်၊ ဒီဇင်ဘာလ ၂၆ ရက်မှာ ပြန်အပ်ရမှာပါ။
စာအုပ်ပြန်အပ်ရာမှာ စာအုပ်ငှားသူရဲ့ စာကြည့်တိုက်ကတ်ဒ် ပါဝင်လာခဲ့ပြီး ဒီစာအုပ်ကို ငှားခဲ့သူက စီးပွားရေးသမားတစ်ဦး ဖြစ်ပါတယ်။ စာအုပ် လာပြန်အပ်သူကတော့ စာအုပ်ငှားသူနဲ့ ဘာတော်စပ်သလဲဆိုတာကိုတော့ မပြောခဲ့ပါဘူး။ စာအုပ် ပြန်အပ်ရမယ့်အချိန်မှာ စာအုပ်မအပ်ဖြစ်ခဲ့တဲ့အကြောင်းရင်းကတော့ အဲဒီအချိန်တုန်းက ဆိုဗီယက်တပ်နီတော်က ဖင်လန်နိုင်ငံကို ထိုးစစ်ဆင်နေတဲ့အချိန် ဖြစ်နေတာပါပဲ။
လွန်ခဲ့တဲ့ ၈၄ နှစ်ကျော်က ငှားရမ်းထားတဲ့ စာအုပ်တစ်အုပ် စာကြည့်တိုက်မှာ မှတ်တမ်းရှိနေတာရော၊ နှစ်တွေ ဘယ်လောက်ကြာကြာ အမှန်တကယ် ပိုင်ဆိုင်သူလက်ထဲ ပြန်အပ်ပေးတဲ့ လုပ်ရပ်ကရော အသိအမှတ်ပြုစရာကောင်းတာတော့ အမှန်ပါပဲ။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
