ရေပိုက် တွေ့ခဲ့လို့ Made in China ရေတံခွန်လို့ လှောင်ပြောင်ခံနေရတဲ့ ယွမ်တိုင်ရေတံခွန်
ယွမ်တိုင်ရေတံခွန်ဟာ သဘာဝရေတံခွန်ဖြစ်ပြီး တရုတ်နိုင်ငံရဲ့ အမြင့်ဆုံး တစ်ဆင့် ရေတံခွန်အဖြစ် သတ်မှတ်ခံထားရတာပါ။ ဟီနန်ပြည်နယ် အလယ်ပိုင်းမှာတည်ရှိပြီး ၃၁၂ မီတာ မြင့်မားတဲ့ ယွမ်တိုင်ရေတံခွန်ဟာ နှစ်စဉ်နှစ်တိုင်း ခရီးသည်သန်းချီ လာရောက်လည်ပတ်လေ့ရှိတဲ့ နေရာပါ။
ဒါပေမဲ့ ပြီးခဲ့တဲ့ရက်ပိုင်းမှာတော့ တရုတ်နိုင်ငံသား တောင်တက်သမားတစ်ယောက်က ရေတံခွန်ပေါ် တက်ကြည့်ရာမှာ ရေပိုက်ထဲကနေ ရေတွေထွက်ကျနေတာ တွေ့ရှိခဲ့လို့ ဗီဒီယိုရိုက်ခဲ့ရာမှာ လူပြောများခဲ့ပါတယ်။ ” ယွမ်တိုင်ရေတံခွန်ရဲ့ ရေထွက်ပေါက်ကို မြင်ချင်လို့ ခက်ခက်ခဲခဲ တက်ခဲ့ရတာ နောက်ဆုံးတော့ ပိုက်လုံးတစ်ချောင်းပဲ မြင်ခဲ့ရတယ်”လို့ သူက တရုတ်လူမှုကွန်ရက်စာမျက်နှာ Weibo ပေါ် တင်ခဲ့တာပါ။
အဲဒီဗီဒီယိုဟာ Weibo မှာ ကြည့်ရှုမှုအကြိမ်ရေ ၁၄ သန်း၊ တရုတ် TikTok လို့ တင်စားကြတဲ့ Douyin မှာ ကြည့်ရှုမှုအကြိမ်ရေ ၁၀ သန်းနီးပါး ရှိခဲ့ပါတယ်။ ဒီအကြောင်းကို အမျိုးမျိုးမှတ်ချက်ပေးခဲ့ကြပြီး လူမှုကွန်ရက် အသုံးပြုသူတစ်ဦးကတော့ ” Made in China ရေတံခွန်”လို့ လှောင်ပြောင်သွားခဲ့ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
