ကမ္ဘာ့အစောဆုံး Animation နမူနာ
အီရန်နိုင်ငံ အရှေ့တောင်ဘက် Shahr-e Sukhteh (သို့) Burnt City(မီးသင့်မြို့တော်)ကနေ ရှာဖွေတွေ့ရှိခဲ့တဲ့ နှစ်ပေါင်း ၅၂၀၀ သက်တမ်းရှိ ဒီမြေခွက်လေးကို ဒီနေ့ခေတ်ကာတွန်းကားတွေရဲ့ ရှေးအကျဆုံး animation လှုပ်ရှားမှု နမူနာအဖြစ် ယူဆထားကြတယ်။
အချင်း(၃)လက်မ အမြင့်(၄)လက်မပဲရှိတဲ့ ဒီမြေခွက်လေးရဲ့ အပြင်ဘက်မျက်နှာပြင်ပတ်လည်မှာ တောင်ဆိတ်တစ်ကောင်နဲ့ သစ်ပင်တစ်ပင်ပုံ (၅)ခုကို ရေးဆွဲထားတယ်။ ပုံတစ်ခုချင်းစီမှာပါတဲ့ တောင်ဆိတ်လေးရဲ့ လှုပ်ရှားပုံတွေဟာ မတူညီတာကြောင့် ပုံတွေကို အစဉ်အတိုင်း ဆက်စပ်ကြည့်လိုက်မယ်ဆိုရင် တောင်ဆိတ်ဟာ အပင်ရဲ့အရွက်တွေကို ခုန်ပြီးစားနေတဲ့ animation တစ်ခုအဖြစ် ကျွန်တော်တို့ မြင်တွေ့ရမှာ ဖြစ်ပါတယ်။ ဒီလို animation လှုပ်ရှားမှုပုံစံ သရုပ်ဖော်ပုံပါရှိတဲ့ လက်မှုပစ္စည်းမျိုးဟာ ရှေးခေတ်ကမ္ဘာမှာ မတွေ့ရသလောက်ကို ရှားပါးပါတယ်။
မြို့တည်ရှိတဲ့ 3550-1800 BCE အတွင်း (၃)ကြိမ်တိုင်တိုင် မီးရှို့ဖျက်စီးခံခဲ့ရလို့ Burnt City လို့ တင်စားခေါ်ဝေါ်ကြတဲ့ အီရန်နိုင်ငံက Shahr-e Sukhteh မြို့ဟောင်းဟာ UNESCO အသိအမှတ်ပြု ကမ္ဘာ့ယဉ်ကျေးမှုအမွေအနှစ် အထိမ်းအမှတ်နေရာတစ်ခုဖြစ်ပြီး ကမ္ဘာ့ပထမဆုံး မျက်စိတု၊ ရှေးအကျဆုံး Backgammon(အန်စာပစ်ပြီး အကွက်ရွှေ့ရတဲ့ ကစားနည်း)ဂိမ်းဘုတ်ပြားတွေကို ရှာဖွေတွေ့ရှိခဲ့တဲ့နေရာလည်း ဖြစ်ပါတယ်။
*(ခွက်ပတ်လည်က ပုံလေး(၅)ပုံကို ဆက်စပ်ပြီး ပညာရှင်တွေဖန်တီးထားတဲ့ animation GIF လေးကို comment မှာ ကြည့်လို့ရပါတယ်)
ရေးသားသူ –”လူ့သမိုင်း” Crd
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
