ပညာသင်ထောက်ပံ့ကြေးမရခဲ့တဲ့ဆင်းရဲနွမ်းပါးတဲ့ကလေး အယောက် ၁၀၀ ကျော်အတွက် ဟောင်ကောင်ဒေါ်လာ ၃ သန်းလှူဒါန်းခဲ့တဲ့ တိုနီ လျန်
အသက် ၆၁ နှစ်အရွယ် ယောင်ကောင်ရုပ်ရှင်အကျော်အမော် တိုနီလျန်ဟာ ဆင်းရဲနွမ်းပါးတဲ့ကလေးတွေအတွက် Hong Kong Paediatric Society လက်အောက်ရှိ HKPS Bright Future Scholarship ဆီ ဟောင်ကောင်ဒေါ်လာ ၃ သန်း လှူဒါန်းခဲ့တယ်လို့ သိရပါတယ်။
ပြီးခဲ့တဲ့နှစ်ကမှ တည်ထောင်ခဲ့တဲ့ HKPS Bright Future Scholarship က ဆင်းရဲနွမ်းပါးတဲ့မိသားစုကလာတဲ့ (ဒါမှမဟုတ်) နာတာရှည်ရောဂါနဲ့၊ အထူးပညာရေးလိုအပ်ချက်လိုအပ်တဲ့ ကလေးတွေ၊ ဆယ်ကျော်သက်တွေအတွက် ထောက်ပံ့ကူညီပေးဖို့ကြိုးပမ်းနေတာပါ။ ရန်ပုံငွေအကန့်အသတ်ကြောင့် ပြီးခဲ့တဲ့နှစ်က ပညာသင်ကြေးလျှောက်ထားသူ ၁၇၀ မှာ အယောက် ၂၀ ကိုပဲ ပေးအပ်နိုင်ခဲ့တာပါ။ ဒီအကြောင်းကို သိသွားတဲ့ တိုနီလျန်က ပညာသင်ကြေးမရခဲ့တဲ့ အယောက် ၁၅၀ -၂၀၀ ကို အခုနှစ်မှာ ထောက်ပံ့ပေးဖို့ အခုလိုလှူဒါန်းခဲ့တာပါ။
တိုနီလျန်ရဲ့လှူဒါန်းပေးမှုကြောင့် ကလေးတစ်ယောက်ချင်းစီရရှိမယ့် ပညာသင်ကြေးပမာဏကလည်း များလာခဲ့ပါတယ်။ အဲ့ဒီအစီအစဉ်ကို နောက်ထပ်ထောက်ပံ့နိုင်ဖို့ရည်ရွယ်ပြီး ရန်ပုံငွေရှာတဲ့လေလံပွဲအတွက် ပန်းချီကားတစ်ချပ်ကိုလည်း တိုနီလျန်က လှူဒါန်းခဲ့ပါသေးတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။