မင်းသမီး Baifern နဲ့ လမ်းခွဲလိုက်ပြီဆိုတဲ့ ကောလဟာလတွေကို ဖြေရှင်းလာခဲ့တဲ့ မင်းသား Nine Naphat
မြန်မာပရိသတ်တွေ ချစ်ခင်နှစ်သက်ကြတဲ့ ထိုင်းစုံတွဲ မင်းသား Nine Naphat နဲ့ မင်းသမီးချော Baifern Pimchanok တို့ လမ်းခွဲလိုက်ပြီဆိုတဲ့ သတင်းတွေ ထွက်ပေါ်နေပါတယ်။ ဒီသတင်းနဲ့ပတ်သက်ပြီး မင်းသား Nine Naphat က သူ့ရဲ့အင်စတာဂရမ်အကောင့်မှာ ရှင်းလင်းပြောကြားလာခဲ့ပါပြီ။
“လူမှုကွန်ယက်ပေါ်မှာ လူတွေ မမှန်မကန်ထင်ကြေးပေးနေတာတွေ၊ ဒီအကြောင်း ပိုပြီးပြောမလာခင် နည်းနည်းရှင်းပြဖို့အတွက် ဒီပလက်ဖောင်းကို ကျွန်တော့်ကို အသုံးပြုခွင့်ပေးပါ။ ဒီအကြောင်းပြီးသွားတော့ ကျွန်တော့်ကိုယ်တိုင်နဲ့ ကျွန်တော့်အမေအပေါ် များစွာသက်ရောက်မှုဖြစ်စေပါတယ်။ ပြဿနာကို ကျေနပ်ဖွယ်အကောင်းဆုံးရှင်းပြချက်တွေနဲ့ ဖြေရှင်းဖို့ အချိန်အနည်းငယ်ပေးပါ။ အားပေးစကားတွေအတွက် အားလုံးကို ကျေးဇူးတင်ချင်ပါတယ်”လို့ Nine Naphat က ရေးသားခဲ့တာပါ။
အဲ့ဒီမတိုင်ခင်က Baifern က “Broken ဖြစ်သွားပြီ အခုလိုဖြစ်သွားတာပါပဲ”ဆိုတဲ့စာသားကို အနက်ရောင်အသည်းပုံအီမီုဂျီနဲ့အတူ Gym က ပုံတစ်ပုံကို တင်ခဲ့စဉ်က သူတို့ ၂ ဦး လမ်းခွဲတယ်ဆိုတဲ့ သတင်းက ပိုပြီးပျံ့နှံ့သွားခဲ့တာပါ။
အဲ့ဒီနောက် Baifern က ပွဲတစ်ပွဲကို တက်ရောက်ခဲ့ပြီးတော့ အချစ်ရေးအကြောင်း မေးမြန်းခဲ့ကြပါတယ်။ ဒါပေမဲ့ Baifern က ဖြေဖို့ ငြင်းဆန်ခဲ့ပြီး နောက်ထပ်ပွဲကျမှ အသေးစိတ်ဖြေကြားပေးပါမယ်လို့ ပြောကြားခဲ့တာပါ။
Nine Naphat နဲ့ Baifern တို့က ပြီးခဲ့တဲ့လကမှ နိုင်ငံခြားကို အတူတူခရီးထွက်ခဲ့ကြပြီး ပျော်ရွှင်နေတဲ့ဓာတ်ပုံတွေကိုတောင် မျှဝေခဲ့ပါသေးတယ်။
ရေးသားသူ – Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။