ရိုက်ကွင်းမှာ ဒူးခေါင်းထိခိုက်ခဲ့ရတယ်ဆိုတဲ့ ကီနူးရိဗ်
ပရိသတ်တွေရဲ့အားပေးချစ်ခင်နှစ်ခြိုက်မှုကို အပြည့်အဝရရှိထားတဲ့ John Wick မင်းသားကြီး ကီနူးရိဗ်ဟာ ရိုက်ကွင်းတစ်ခုမှာ ကော်ဇောပေါ်ချော်လဲကာ မတော်တဆ ဒူးခေါင်းထိခိုက်သွားခဲ့ပါတယ်။ သူ့ရဲ့ဟာသရုပ်ရှင်အသစ် Good Fortune ရိုက်ကူးရင်း ဒူးခေါင်းထိခိုက်သွားခဲ့တာပါ။ ဒူးခေါင်းမှာ ရေခဲအိတ်ကပ်ထားပြီး ချိုင်းထောက်နဲ့ လမ်းလျှောက်ခဲ့ရပါတယ်။
ရေချိုးတဲ့ဇာတ်ဝင်ခန်းရိုက်ကူးရင်း ချော်လဲကာ ဒူးခေါင်းထိခိုက်သွားတာကို ကီနူးရိဗ်ဟာ The Late Show with Stephen Colbert မှာ ထုတ်ပြောပြခဲ့ပါတယ်။ အစက သူဟာ ချော်လဲပြီးနောက် ဘာမှမဖြစ်ဘူး၊ အဆင်ပြေတယ်လို့ ထင်ခဲ့ပေမဲ့ နောက်ပိုင်းမှာ ဒူးခေါင်းက နာလာခဲ့တယ်လို့ ဆိုပါတယ်။ “ဟာသလုပ်ရတာက ခက်တယ်”လို့လည်း သူကပြောပါတယ်။
ကီနူးက ဇာတ်ကားကို ဆက်ရိုက်ဖို့လုပ်ခဲ့ပေမဲ့ သူ့ရဲ့တွဲဖက်သရုပ်ဆောင်နဲ့ ဒါရိုက်တာတွေက သူ ပြန်ကောင်းလာတဲ့အထိ သူ့ပါတဲ့အခန်းကို နောက်ဆုတ်ထားခဲ့ပါတယ်။
အရင်ကလည်း ကီနူးရိဗ်က ၁၉၉၉ ခုနှစ်ရဲ့ The Matrix ဇာတ်ကားမရိုက်ကူးခင် ကျောရိုးခွဲစိတ်ကုသမှုခံယူခဲ့ဖူးပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။